يا نهارررررررررر أنا خلاص خلصت الكليه !!!!!!!!!! أزاي طيب دأنا حتي لسه يا دوبك كده أول أول امبارح
طلعت نتيجة الثانويه العامه وأما روحت أجيبها مزعلنيش أي حاجه غير أني جيبت غير لائق في امتحان قدرات
الفنون Meانا غير لائق طب How؟؟؟؟؟؟؟؟؟؟؟؟؟اذا كان انا اللي راسمه الامتحان للي قدامي اساسا والبنت ديه
جابت لائق ومش في دماغها اي كليات فنووون اساسا ديه كانت داخله الامتحان كده يعني وخلاص!!!!!!!!!
سلمت أمري لله وقلت يا بت ملها لو جاتلك أداب ولا تجاره دول حتي كليات الشعب كليشن كان اهم كويسن
وبدأت في رحلة مكتب التنسيق واستنيت المرحله بتاعتي وانا هناك بقي عرفت ان في امتحانات قدرات فنون
في الكليه نفسها للي جابو غير لائق .......وعرفت برضو ان كان فاضل يوم واحد بس لليلحق ومكدبتش خبر
روحت علي اساس ان استماره الكليه ب10جنيه زي كل الكليات اتاري حظي بقي ان كل الكليات بعشره جنيه
الا تربيه فنيه ب170جنيه !!!!!!!!!اه والله قولت مش مشكله هوا اساسا ماليش نصيب ادخل الكليه من اصله
ورجت البيت لاني مكونتش عامله حسابي ساعتها علي المبلغ ده والناس امتحنو خلاص . وبعدين بقي أووووم ايه
واحده صاحبة My Motherاتصلت بينا كده
علي هوفه ولاقيتها بتقول لمامتي انها فاتحه قناة النيل للتعليم العالي وفي امتحانات للمتخلفين!!! محدش يفهم غلط
هههههه( المتخلفين يعني اللي اتخلفو عن الامتحانات توضيح بسيط بس)
وروحت انا ومامتي ومامتي بقي استنصحت وأخدت معاها فلوس كتير عشان أي اكشن جديد نبقي جاهزين علي
طوووووول والحمد لله امتحنت ونجحت في القدرات.
أول امبارح بقي كنت قاعده كده في بيتنا واسمع بقي صوت بيقول بأعلي صوته (ياسمييييييييييييييين) واطلع بقي
البلكونه الاقي الراجل بتاع الجوابات بيقول جوووووووووواااااااب الترشييييييييح ح ح ح ح ح ح ح ح
مش انزلو تحت لا روحت قايلاله كليه ايه راح قايلي تربيه فنيه روحت نازله لافحه الراجل حته بعشره وبابا كان لسه
جاي من الشغل راح لافحه واحده زيها مش محتاجه اقولكو العشرين جنيه من خمس سنين كانت ورقه قيمه برضو
الراجل مكنش مصدق كل ده علي تربيه فنيه أمال لو طب هيعملو ايه!!!!!!!!مسكين مش فاهم قيمة كليتي طبعا
وحمدت ربنا أوي أني دخلت الكليه اللي عايزاها.
أمبارح بقي كله متقسم ل خمس ثواني بس تخيلوووووووووووووو!!!!!!!!!!!!!!!
الثانيه الاولي_________سنه أولي والتوهان اللي الواحد كان فيه وكنت مش فاهمه حاجه في اي حاجه وفرحت
حياة الجامعه والشله الكبييييره والمواد الغريبه كانت سنة تهيس علي الاخر يعني.
الثانيه التانيه________ سنه تانيه والصدمه والمواد الكتيييير ومنافسه اكتر واصحاب اكتر والرحلات والمزرات
والمتحف المصري اللي اتهرينا محضرات فيه والذكريات الحلوه .
الثانيه الثالثه_______سنه تالته أتفرقت الشله الكبيره بعد ما كل واحد دخل قسمه ورحلة الاقصر اجمل اسبوع
قضيته في حياتي والروقان الجامد دي كانت اسهل سنه.
الثانيه الرابعه_______ سته رابعه بقي والتعب والحفر عالخشب والخبره اللي بقت عندي من الكليه والدنيا
اتظبطتت شويه كانت سنه جامده لووووز يعني وكل حاجه كانت شغاله دانا حتي اتخطبت في السنه ديه .
الثانيه الخامسه ______يعني سنه خامسه يعني بكاليريوس يعني كوبارات الكليه يعني اللي بيضحكو علي بتوع
سنه أولي يعني الزهق والملل داحنا خلينا دكتور الجلد يدعي علي نفسه هههههههه مكوناش بنشتغل وكان معانا
معيده حامل يا عيني ولدت قبل أونها ههههههههههه كنا مقضينها بقي بالطول والعرض مهمنيش حاجه بقي خلاص
دانا هخلص يا عالم دأنا كنت حتي زهقت من الخطوبه روووووحت فسخاها علي طوللللللللل اه وربنا اتفسخت خطوبتي
فيها السنه ديه.
خلصت الكليه خلاص ذكريات ولعب وتعب وجد ورحلات وصحاب جدعان اوي اوي مع قلة اصحاب مبدأعيش ندل تموت
مستوور والنداله مبدأ والحياه فرص. دكاتره اتعملنا معاهم وجها لوجه منهم اللي حبيناه واللي بنفتكره ونقوله ربنا
يباركله ومنهم المسخره (دا احنا كان بيدينا دكتور فلسفه امتحان تخيلو قالنا ايه ههههههه اللي عايز يغش يغش من
اللي جنبه وبعنيه بس اسمعله صوت نهاره اسود هههههههههههه)
وبرضو كان فيه اللي استخسر فينا العلم الله يسامحه بقي وفي وفي وفي ..................................
خمس سنين بخمس ثواني والله عدو هوا
هتوحشيني يا كليتي يا حبيبتي يالي كنا بخنق علي بعض وبنرجع لبعض تاني هيوحشني روتينك وحياتك اوي اوي
سيبتك بقي وهبتدي اشق طريقي لوحدي .خلاص بقي مش هتلاقي حد يخنصر منك يا دادي ي ي ي ي
خلاص يا ماما محدش هيبهدلك السجاجيد والحيطان والسلالم بالالوان والطين والسبغات والغرا الابيض حوافر
الحيوانات والكله.
يا كليتنا يا حبيبتنا ...........باي ي ي ي ي با ي ي ي ي!!!!با ي ي ي ي ي ي با ي ي ي ي ي ي
هناك 43 تعليقًا:
انا اول واحد باقولك مبروك لانتهاء الكلية
وعقبال النتيجة كدا
بس على الله تنسى الحاجة الساقعة
ماشى واقل من 2 لتر مش هاقبل انا باقولك اهو
الف الف مبروك وعقبالى كدا لما يعدى الكام شهر دول واخلصصصصصصصصصصصص
تحياتى وللمرة المليون الف مبروك
فى انتظار الحاجة الساقعة
ياسمين
يااااااااسمين إ يه مش سمعانى ولا أيه
مبروك انك خلصتى الكليه و عقبال النتيجه..
بس بعد النتيجه لازم تنزلى فى أحسن حته و تشترى أحما سكينه....مستورده مش صينى
إيه بتقولى إيه؟ علشان إيه..؟
طبعا علشان تشقى بيها طريقك...لازم تكون حاميه علشان تشقه بسرعه
ههههههههههههههههههه
ربنا يوفقك يه ياسمينه ياااارب
مبروووووووك هتعزمينا على ايه بقى هستناكى النهارده على البورصه يا ريت تيجى يا ياسمين بجد
wanna b a physician
*******************
الله يبارك فيك يا دكتور
اتنين لتر بس
نزل صندوق في عيادة الدكتور هنا يا ولد !!!!اي خدمه يا دكتور
عياده اهه علي اعتبار ما سيكون ان شاء الله
عقبالك يارب وكل الناس تخلص علي خير بس متسعجلش اوي كده
سلام يا دوك
واحده مفروسه
*************
منوراني يا احلي مفروسه في الدنيا
هههههههههههههههههههههههههههههههههههههههههههههههههههه وربنا انتي عسل دانا تخضيت قولت سكينه هيا مفروسه هتغضر ولا ايه
ادعيلي يا مفروسه للنتيجه بقي
سلام يا حبيبيتي
appy
*****
اابي هانم بتنجاني انا روحت عندك وقولتيلي حدي بطيخه علي بال ما خرجت لاقيته خلص
ليا عندك واحده يا اابي
وامري انتي بس علي اللي انتي عايزاه واعزمك علي فورا
والله هحاول كده ورربنا ييسر يا حبيبة هارتي من جوه
سلام يا قمر
ياةةةةةةةةةةةةةةةةةةةةة تصدقى حاسستنى انا الى اتخرجت..وفكرتينى بايام وحشة اصل بعيد عنك..بعد الثانوية قدمت لفنية وتربية نوعية خد باخد فى المدرسة مجموعة قدرات..بس على فكرة كليتك صغيرة اووى مش هى كانت فى الزمالك..والله كنت بروح فى تاكسى كل يوم..ونوعية دفعت 70 وتربيةمش فاكرة بس كان مبلغ مبالغ فى اوووووووووى...وطلعت النتيجة قبل نتيجة ثانوى ..لكن بعيد عنك لا دخات نوعية ولا فنية..وحت لو نجحت مجموعى مكنش هيدخلنى..وانتى عارفة كويسة..على فكرة خلتى عينى تدمع وانا بفتكر كل دة..لان الحاجة الوحيدة الى تعبت فيها فى حياتى ايام القدرات دى والكلية الفنية والنوعية..على العموم مبرووك ياقمر واسفة انى رغيت كتيرررررر بس انتى الى فاكرتينى بالذى مضى..الحمد الله على كل شئ
ايه ده هوه كل الناس خلصت النهاردة كده ... انا برضه لسه مخلص ... هوه صحيح لسه مشروع التخرج بس فكك يعنى المهم معدناش هنذاكر من ورق كورسات بعد كده
واللهى فكرتينى بالثنيوات التى مضت ... مبرووووووك عليه بقى
سلاااااااام
ياااااااه آخر سنة دى بتبقى أجمل سنة فعلا
مبروك يا قمر عقبال ما اباركلك ان شاء الله يوم النتيجة واعلانك خريجة رسمية وتنضمى لصفوفنا
بس تعرفى أنا مكنتش اعرف ان فيه كلية اسمها تربية فنية .. وكمان خمس سنين ؟؟
الجهل وحش برضه
ههههههههههههههه
تحياتى يا جميلة
وتستمر الحياة
خلصتى كلية وايام صبحت ماضى اسنقبلى اللى جى
عسل دكتور غش يعنيك بس ههههه
طبعا عملتى بالنصيحة يافنانة هههههه
تحياتى
Eldebug
********
الله يبارك فيك وعقبال متخلص انت كمان المشروع وتخلص خالص كمان.
سلام
كيكى
*******
ازيك يا كيكي الحمد لله طبعا علي كل شئ
واكيد انتي مبسوطه في مكانك دلوقتي طبعا
ربنا يكرمك يا رب ويديكي كل اللي انتي عايزاه
Sally
******
كتير اوي يا سالي ميعرفوش كليتي والله مش اني بس زي انا لسه عارفه ان في كليه اسمها تخطيط عمراني كله مخصل بعضه يعني
نورتيني يا سالي يا جميله
سلام
Tamer Nabil
***********
اه طبعا عملت بالنصيحه امال ايه يعني هفوتها كده هههه اكيد لا
نورت يا تامر
سلام
مبرووووووووووووووووووووك
يا فنانتنا
الف مبروك عي الافراج
بس والله بجد كنت حاسة اني هاعيط وانا بقرا البوست وخصوصا مع الموسيقي اللي انتي حاطاها.. زي ما تقولي كدة ما بحبش كلمة باي باي بخاف منها :)
بس بجد مبروك ويارب طريقك يبقي كله الوان في الوان
فنانة مفروسة
اهلا بيكي في معترك الحياة وفي خضم الحاجات الكتير اللي فيها
ياللايا ستي بداية كلامي شفتي رومانسية ازاي ههههههههههههه
فنانة يا فنانة اول مرة اعلق عندك بس انتي عجباني بقالك حبة،، أيوه حبة،، أد اتنين كيلو كده
انتى فينك
ومش بتيجى عندى لية؟..
تحياتى
لسة مكتبتيش حاجة جديدة...
الدنيا بتجري
وللأسف مابنحش بقيمة اللحظات الحلوة الا لما نفتكرها
ربنا يوفقك بقي في حياتك الجاية
ونشوف فنانة جامدة جدا من المدونين وتشرفينا
خللي بالك بقي علي اللحظات السعيدة بعد كده
سلاماتي
سنووايت
*********
الله يباركلي فيكي يا سنو يا حبيبتي
تعيطي عاااااا دانا اللي هعيط يا سنو مش قادره والله علي الفراق خلاص ههههههههههه
يا رب انتي يا حبيبتي يكرمك ويوفئك وتفضلي كده منوراني علي طول
سلام يا قمر
maha miho
***********
عجبتك من اتنين كيلو بس طب خليهم اتنين ونص ولا تلاته
يا حبيبتي انتي نورتيني والله وياريت تنوريني كمان وكمان ربنا يكرمك يا رب
سلام يا مهاميهووو
Tamer Nabil
************
هتلاقيني عندك هناك اهه علي طول
نورت يا تامر باشا
كيكي
********
حاضر يا كيكي متزوئيش بس
هنزل علي طول اههو والله موضوع جديد
نورتي يا كيكي
el_assel
**********
دانا بعد كده هاخد بالي من المومنت والسوكند والفينتو سكند كمان والله
شرفتني ونورتني
يا رب زياراتك تتكرر تاني
سلام
الف مبرووووك التخرج
عقبال ما نشوفك فنانة كبيرة قد الدنيا كده
عقبالى كده كمان كام سنة ..:)
اتخرج يعنى :D
إزيك يا ياسمين ياااقمـر ، فاكرك طبعًا جدًا، و سعدت جدًا بمرورك على مدونتي ، وتشريفي ....
ممممممممممممممممم
ذكرياتك هنا عن الكلية رجعت لي كل الحنين القديم، اللي كل ما افتكره راح يرجع تاني !!، تخيلي كده لما ترجعيني 5 سنين لورا !!، أنا بحس إنهم 20 سنة !!، مش عارف ليه !
ممممممممممممممم
مما لا يعرفه الناس عن إبراهيم إنه كان ناوي يدخل فنون ججميلة، بس رجله جابته آخـر المطاف على آداب، وبقى مؤدب :) ..........
حلوووو قووووي ســرد الذكريات
.
.
سعيد بالوصول لمدونتك وبمعرفتك
خــالص تحياتي يااا ..جميلة:)
ياسمين
الف مبروك على انك خلصتى الكلية
وان شاء الله النتيجة هتكون تفوق
بس بأمانة البوست بتاعك جميل
وطريقة عرضك لزكرياتك مع الكلية فكرتنى بأيام الدراسة
بجد بوست شدنى اوى وقريت كل كلمة فية بعنايا ورجعت بيا الزاكره لأيام عمرى ما هقدر انساها فى حياتى
اشكرك كل الشكر على شوية الدقايق الى قدرتى تخلينى فيهم استرج جزء من ايام عشتها واتمنى انى ارجع اعشها تانى ..
اتمنالك التوفيق دائما فى حياتك
وياريت تشرفينى فى المدونة المتواضعة بتاعتى علشان هخليكى ترجعى بزكرياتك لرحلة الاقصر ....
وان شاء الله ليا زيارات تانية كتير فى مدونتك
مبرررررررررررررروووووووووووووووووووووووك
عقبالنا كلنا
اما نخلص الثانوى
ههههههههههه
مبروك الخروج من الكلية
دلوقتى بعد التخرج
عتحسى انك بتشوفى مصر لأول مرة
لأن انتى مسئولة عن نفسك فى كل حاجة
وممكن تلاقى البلد بقت وحشة فجأة
وده احساس بيجى لكل واحد بتخرج
ومبروك كمان مرة
وتقبلى زيارتى
ــــــــــــــــــــــــــــ
neo
safa7_karmooz
***************
الله يبارك فيك عقبالك يا رب انت كمان
نورتني
إبـراهيم ... معـايــا
***********************
متشكره اوي علي الزياره وهتلاقي شكر خاص لحضرتك في الموضوع اللي قبل ده علي طول بتاع ابو كرتونه
نورتني .......سلام
عمرو النوبى
************
الله يبارك فيك وتنورني في اي وقت دانا ليا الشرف بناس النوبه واهلها
واكيد برضو هيبقي التواصل ان شاء الله
نورتني
سلام
Hosam Yahia حسام يحى
**********************
الله يبارك فيك يارب
لسه قدامك المشوار طويل ربنا يوفئك يا رب ياحسام
نورتني
سلام
Nostor Azzuro
******************
الله يبارك فيك يا رب
وبعدين انا فعلا بدأت احس الاحساس ده والله
نورتني
سلام
انا بصراحة مش عارف أقولك مبروك ولا لأ؟ لأني عارف ان مع انتهاء الجامعة بتبدأ مرحلة أهم وأصعب منها.. أيام الجامعة بنكون شباب مش مهتم غير بالمذاكرة والفسح والصداقات والخروجات.. وبعد التخرج تبدأ رحلة الحياة الصعبة.. البحث عن العمل وتكوين الذات والمستقبل وتحمل المسؤولية.. إلخ
لكن المهم انك خلصتي مرحلة مهمة بجد.. والف مبروك يا فنانة.. وانشاء الله مش تكوني مفروسة ابدا.. وتكون بداية مرحلة جديدة سعيدة ليكي في الدنيا.
تقبلي مروري
ياحبيبتى اشعر بكل ماتقوليه والى الان استعيد ذكرياتى الجميلة فى كليتى الحبيبة وصديقاتى ووقتنا الجميل مع بعض
يارب بالنجاح الباهر وان شاء الله القادم اجمل
في حب مصر
************
الله يبارك فيك يارب وربنا يستر بقي
منور دايما والله
سلام
monaliza
**********
يا حبيبتي ربنا يخليكي وتوريني كده دايما يا موناليزا يا حياتي والله الله يباركلي فيكي يا مونمون
سلام يا جميله
بيان رقم 3
وبدأت مسيرة الحملة ولن تتوقف بأذن الله حتى نرى ثمارها
(لغتي هويتي)
إلى كل الايجابيين المشاركين معنا ،إلى كل من تعاطف ورحب بحملتنا ولا يعلم ماذا يفعل حان وقت العمل الواجبات العملية 1- أنظر فى مدونتك التي تكتب بها جيدا وحاول ان تجعلها خالية من الألفاظ الأجنبية الغير مطلوبة ولها بدائل عربية جميلة وكذلك المنتديات وتعليقاتك وردودك على المعلقين لديك وأسمك الذى تظهر به المدونة عند التعليق
2- موضوعك القادم بالمدونة أو المنتدى أن شاء الله يكون باللغة العربية قدرالمستطاع فى نفس المجال الذى تكتب به ولمزيد من نشر الحملة يا حبذا لو كان عن اللغة العربية وهذه بعض المواضيع التي اخترناها لك
0 تاريخ اللغة العربية 0 أثر تحول اللغة العربية إلى العامية على الهوية
0 بلاغة اللغة العربية 0 هذه مصطلحات غير عربية يجب الاستغناء عنها
0 مدى تأثير العربية في اللغات الأخرى 0 طرائف ونوادر في اللغة العربية
0 خواطر وأشعار حول اللغة العربية سواء من مكتوبك أو منقولك
3- هذه المواضيع المطروحة ما هي إلا مجرد أفكار لفتح باب التفكير و لك مطلق الحرية في اختيار مواضيع أخرى متعلقة بالأمر نفسه
4- إن قمت بكتابة موضوع بالفعل في الإطار الخاص بالحملة نرجوا إعلامنا به حتى نضع جميعا الرابط الخاص بالموضوع على المدونات ونجمع روابط كل المواضيع المتصلة بالحملة هنا بالمدونة
[Photo] قم بتفعيل الحملة بنشر الرسالة المتفق عليها لدى كل المدونات التي تعرفها وادعوهم للتفاعل معها وأشرح لهم الأسباب والهدف من الحملة
وفقنا الله جميعا وتقبل الله منا ومنكم صالح الأعمال
مبررررررررررررررررررررروك
أخيرا لقيت حد من خريج كليتنا عالنت
مرحب بيكى فى عالم الخريجين .. وشدى حيلك
وعندى فكرة إنشاء مدونة لخيريجين الكلية
ياريت تقوليلى رأيك فيها و نجمع فيها أكبر قدر من الخريجين .. يتكلموا عن خبراتهم وتجاربهم و يعرضوا فيها شغلهم كمان
أتمنالك التوفيق
خالد
خريج دفعة سنة 1995
مبروك
وعندك حق لى موضوع 5 ثوانى
يار ب تكونى موفقه فى مستقبلك
كل اللى قبل كده قوة دفع يعنى الترتيب المنطقى فى التعليم
اللى بعد كدخ بقى هو انت..ورينى الشطاره بقة
مبروك انك خلصتي كليتك على خير ولو انها سنين متتعوضش
الواحد نفسه بجد يرجع لايامه دي تاني بس مع صحابه وشلته
ربنا يوفقك في حياتك
انا بنت خالتي صحيح معاكي في تربيه فنيه
وخلصت برضه السنادي
وانتي بتكتبي كده حسيت انها اللي بتكتب والله
دريم
إرسال تعليق