الاثنين، 23 يونيو 2008

الفصل التالت......ان ان اااان تش

من الممكن أي حد يديني امر بس كلام في سركو لازم الامر يبقي امر مباشر عشان انفذه زي البسي الفستان اقلعي هدومك روحي نامي دلوقتي أما بقي لو في سورة رجاء هاهاهاهاهه ولا كأني سامعه من اساسه وكأني بخلص اللي بيتعمل فيا.
__________________________

المشكله بقي ان لو حد قالي اقفي علي رجل واحده طول النهار ممكن اعملها ويارتها تيجي علي كده المصيبه لو حد قالي اقطعي راسك موتي نفسك لازم انفذ يالهوي ي ي ي ي ي ي هروح فطيس كده والله.
_________________________
أول ما بدأت اكبر شويه اتعلم ااخر الطاعه شويه يعني اما حد يديني امر اتأخرلي شويه بس بقي الحاله اللي ببقي فيها مألكوش علي الاحساس ضيق في النفس ووتعب واحس كأن في دوامه بتسحبني ومرجعش طبيعيه غير لما انفذ الامرـ الله يسامحك يا اابي ـ وماما موناليزا كان مقدره حالتي هيا ومهايناز وميطلبوش مني اوامر كتير.

_________________________

ماما كان تعرف واحده صاحبتها ساحره أسمها سحر وشهرتها الساحره مفقوعه مرارتها من حامتها وكانت ساحره شاطره جدا وماماطلبط منها تحاول تفكلي اللعنه بتاعتي بس مفقوعه قالت لماما ان اابي هي الوحيده اللي تقدر تفك اللعنه طب وانا بقي هجيب اابي منين ان شاء الله هيا مش ساحره يعني بتظهر براحتها وتختفي براحتها وعرفت أنها اجرت الكوكب بتاعها مفروش وسافرت السويس عند خالتي فرنسا والرايق ياني طب اجيبها منين اابي دي بقي وبعدين مفقوعه قالت لماما في السر كده انها تقدر تفك اللعنه بس خايفه من سوسو متقدرش تفك لعنات من غير أذنها يالهوي ي ي طب وسوسو مسافره برضو طب اعمل ايه اعمل ايه.
____________________________

نادر اوي اما ماما كانت تديني امر انفذه أما بابا بقي الدكتور احمد واللي كانت شهرته دكتور فيزيشن وانا كنت بتلخبط فيها واقوله دكتور فيزك بس ظبطها اما كبرت شويه المهم بابا عمره ماداني امر ولا كان يعرف عني اي حاجه علي موضوع اللعنه ده كان كل همه السفر وجمع الفلوس وخلاص ونادر اوي اما كان يكلمني اساسا.

واما كان عندي 8 سنين حصلي حتت موقف بسبب اللعنه ديه كنا ساعتها في الصيف وكان ليه واحده صحبتي اسمها مفروسه كانت بنت صاحب بابا وكانت بتيجي عندنا هي ومامتها وبعدين في مره كنا واقفين مع ماهيناز في المطبخ بتعملينا كعكايه وبعدين ماهيناز قالتلي روحي المخزن هاتيلي لوز روحت رايحه المخزن وجايبالها لوزتين بس راحت ماهيناز مبراقالي وقالتلي في صرامه روحي المخزن هاتي لوووز روحت رايحه ونفذت الامر بالظبط المره ديه وبعدين طلعط انا ومفروسه نلعب في الجنينه واليكم ما حدث.

مفروسه:أنتي ليه مبتسمعيش الكلام من أول مره .
ياسمين:مبحبش في ماهيناز كل شويه هاتي هاتي اعملي.
مفروسه:وهيا بترفع راسها لفوق أنا دايما بسمع كلام اللي اكبر مني.
ياسمين:ده لانك مش مضطره بتسمعي الكلام بمزاجكك يا بختك.
مفروسه:لا مش بمزاجي أوي بسمع الكلام ولا الا بابا بضهر ايدو علي وشي علي طول .
ياسمين:يارتها تيجي علي كده انا واقعه تحت تأثير لعنه اديتهالي الساحره اابي.
مفروسه:اابي ولعنه ـوكأنها لاقيت كنز وفضلت فاتحه بؤبها ومبرقه عينها وهي بتسمع قصة اللعنه بتاعتي وانا مدلوقه زي الجردل حاكتلها من طءطء لسلامو عليكو وبعدين راحت قايله ـ يعني ممكن اي حد يديكي امر تنفذيه.
ياسمين:زي الهبله للأسف أيوه.
مفروسه:طب ممكن أجرب.
ياسمين:لا مفروسه اوعي تجربي ايه انتي بتهزري ولا ايه انتي يا بنتي ابوس ايدك بلاش طب خدي الفلوس اللي معايا كلها طب ماما جابتلي فستان تعالي اوريهولك مفرووووووووووسه بلاش.
مفروسه:ولا هيا هنا اساسا وراحت قايله أنا عايزه العب سبق العبي سبق.
ياسمين:الحمد لله بس كده.
مفروسه:وتخسري وانا اكسب.
ياسمين:يالهو ي ي ي ي ي ي أبتدينا.

ويارتها جت علي كده بس داحنا كان عندنا شجرة توت لميت للهانم توت عشان تاكل ولعبنا امنا الغوله كان طبعا لازم اكون انا الغوله وكهربا واكيد اخسرلها والكلب الحيران واكيد عرفتو مين الكلب وهلما جرجر ساعه مفروسه هانم قاعده تأمر وانا انفدذ بس وفي الاخر زهقت منها بقي اه مهو مش معقوله كده روحت رايحه عاليها جايباها من شعرها وضرباها بوكس في وشها وهيا ماسكتتش راحت جايه عليه موقعاني علي الارض واحنا الاتنين ماسكين في شعر بعض وبعدين راحت مدياني لوكاميه في بطني روحت قايمه عليها روحت ماسكاها من شعرها مدياها بوكس تاني في مناخيرها راحت لاطشاني بالالم علي وشي شوفت شررار وبعدين مدريتش بنفسي غير وانا ماسكاها من خدها قاعده اعض اعض فيه لحد مانزل دم ماخلاصهاش مين ايدي غير الجنايني يالهوي كل مافتكر شكلها وعضتي عامله زي الختم في وشها ولا فستانها اللي باظ ولا شعرها اللي اتقطع واثار الخرابيش اللي علي جسمها يالهوي دانا شردت البت خالص مانا كونت زهقت منها بقي وبعدين بقي مشينا ناحية البيت وانا ماسكه ضهري ورجلي وبعرج وهيا حطط ايدها علي وشها ولاقت دم وتصرخ صريخ مش عادي افشوني بقي مامتي ومامتها وانا بكتملها نفسها عشان متعليش صوتها اللي جم عليه اساسا .
وطبعا اخدت العلقه التمام وافتكر ان مفروسه ماشوفتهاش تاني خالص بعد الخناقه ديه تقريبا عزلو وسابولي البلد كلها .

وطبعا بعد الحدثه الرهيبه ديه ماما موناليزا اديتني امر ان مؤلش لحد خالص عن اللعنه ديه واتعلمت بعدها اخلي بالي كويس اوي ي ي .

يا تري ايه اللي ممكن يحصلي تاني بعد اللي حصل ده

يا لهو ي ي ي ي ي ي ي ي ي ي ي ي ي

هناك 21 تعليقًا:

wanna b a physician يقول...

بقا كدا كل همه يلم فلوس وخلاص ماشى هيرجع من السفر ويفرجك على الاوامر
عايزك تلفى مصر سبع مرات ماشى ولما تيجى اديكى الامر التانى

اه على فكرة بقا فيزيشين دى معناه طبيب ماشى اما وريتك
هههههههههههههههههههههههههههه
سلام يا ياسمينو

Empress appy يقول...

ههههههههه انا هفضل مختفيه علشان تسمعى الكلام وخرفانى عارفه السر والنحله والدبور متابعين
وبيقولوا ليه
تعرفى لو فى ايدي كنت خليت الناس والاطقال يسمعوا الكلام ويبقوا مؤدبين وريحت الابهات والامهات ههههههههههههههه

غير معرف يقول...

بيسموه
driven person

شخص مُنقاد


مش حلو دا على فكره
و بيأثر في المستقبل على اتخاذ القرارات الصعبة و المهمة
!!!
ايه الكلام الكبير ده


و الفراولة بتاع الفروالة

Mafrousa يقول...

ههههههههههههه
بقى حصل كل ده يا كدااااااااابه
ابداا يا جماعه ماتصدوقهاش ....ديه فشارة
اللي حصل باظبط و باللملي اني انا اللي ضربتها و عضيتها و اديتها بالبونيه فى وشها و ااقومها و اطرحها ارضا تاني ...لغاية لما كسحتها ...و اصلا اصلا البوكس اللي اديتهولها و قعلها سنانها كلها بقت هاتمه....
و بعدين مش احنا الللي عزلنا...هههه
جيه فقدت الذاكرة باين!!!!
دول يزميها شالوها من ايدي بالعافيه على المستشفى..و كانت فاقده الذاكره....و لما خفت شويه مخها رجع على الزيرو...قالوا بدل من رجعها نفس المكان اللي حصلت فيه الواقعة المشؤمة ناخدها نعيشها فى حته تانيه
ههههههه
------------------------------
لو عند بيوست للمدونه المشتركه فيه الميل بتاع فرنسا فى المدونه
حتالقيه فى تعليقات سابقه فى مواضيع سابقه
لو مش لاقتيه قوليلي

غير معرف يقول...

وهي ماهيناز ليها عندك ايه هي عشان تقولك روحي واعملي وهاتي وسوي
وبعدين بالنسبة لمفروسة كانت صابتك الانتشيم عشان تقوليلها وتحكيلها؟؟
ثم باباكي ازاي مامتك ما تحكيلوش عنك وعن مشكلتك الكبيرة،، هو فيه بينهم مشاكل لا سمح الله؟؟ بيبعتلكو فلوس قليلة؟؟
تؤتؤتؤتؤتؤتؤ
لا حول ولا قوة الا بالله

مها ميهوووو

يوميات فنانه مفروسه جداا يقول...

wanna b a physician
**********************
اه كل همه يجمع فلوس وخلاص هههههههههههههههههه

علي فكره بقي انت كمان مش انا بس اللي بتلخبط في اسمك روح عند تاني واحده مديها التاج بعدي هتلاقيها كاتباه وانا بي افيزيكن هههههههههههههههههههههههههههه

واموت واعرف كل مره تقول هوريكي هنوريكي هتوريني ايه انا مباخفش انا

يا بااااابا

ههههههههههههههههههه
نورتني كالعاده يا دكتور احمد
سلامز

يوميات فنانه مفروسه جداا يقول...

appy
******
ابوس ايدك يا اابي اظهري بقي وتعالي شوفي اللي عملتيه فيا لو سمحتي وخلصيني بقي

عاااااااا هئ ئهئئهئهئهئه

لا الا هروح اخلصلك علي الخرفان واعض النحله واشرحلك الدبور اديني قولت اهه

نورتيني جدا جدا يا حبيبة هارتي

سلامز

يوميات فنانه مفروسه جداا يقول...

ketchup
*********

ايه يا عم الحج انت مش هندسه ايه اللي دخلك في علم النفس بقي وبعدين تابع الحلقات من الاول وانت تفهم القصه ايه اساسا

وياواد يا واد ياواد يا ولا ايه

نورتني

سلامز

يوميات فنانه مفروسه جداا يقول...

واحده مفروسه

***********

انتي ظهرتي فيييينك من ايام العضه هههههههههههههههههههههه لا حول ولا قوة الا بالله هي اسرت عليكي للدرجادي بتقولي كلام محصلش معلش بقي انتي اللي استفذتيني وسمعت انك عملتي عملية نقل خد بدل اللي هبرته هاا نجحت هههههههههههههمعلش معلش اصل انا جيت عليكي برضو

عايزين نشوفك ابقي تعالي بقي ها

ههههههههههههههه
______________________

يستحسن يا مفروستي تبعتيلي ايميلك اخد رأيك انتي الاول

بعد اذنك طبعا

سلامز يا حبيبتي

يوميات فنانه مفروسه جداا يقول...

احسن تستاهل
************
دي بتكيدني يا لهوييييي انتي بتكديني ولا ايه

لا لالالالالالالالالالالا مالكيش دعوه بمهايناز وبعدين بقي دي خصوصيات العيله واحنا عيله بتحب الصلصه كل واحد له علبتين صلصه
هاهاهاها وش واحد قالب شفاتيره

اكمك من حلوان بقي ولا ايه

ولاقيتي تلفونك ولا لسه

تلاقيه هرب منك ومن عمايلك

يلا نورتيني

علي فكره انا بهزر اوعي تكوني بتزعلي يا مهاميهو انا بحبك اوي والله

سلامز

شفـقــة و إحســــان يقول...

دمك شربات عسا سكر

Mafrousa يقول...

wahdamafrousa@gawab.com

المـــفـــــــقــــــــوعـــــة مــرارتـهــا يقول...

بقي طلعتيني ساحرة
ده انا غلبااااااااااااااااااان

سنووايت يقول...

ههههههههههههههه
كدة مفروسة تستغلك الاستغلال دا يا ياسمين
بجد متخلية الموقف زي ماحكيته
ومن ساعتها وانا باضحك
هههههههه

wanna b a physician يقول...

انتى ما تعرفيش ما انا قولتلها برضوة
وقولتلها ان معناها طبيب كمان
الظاهر ان مصر كلها بتقولها كدا هههههههههههههه
انا خايف اطلع انا اللى غلط فى الاخر ههههههههههههههههههههههههههههههههههههههههههههههههههه
سلاموووووووووز

يوميات فنانه مفروسه جداا يقول...

شفقه هانم واحسان بك
*********************
ايانكان منكم شفه ولا احسان متشكره اوي اوي ربنا يكرمكم يا رب

نورتوني

سلام

===========================

واحده مفروسه
***************
متشكره اوي يا مفروستي هبعتلك الميل في اقرب فرصه ربنا يخليكي ليا

سلام يا حبيبتي

يوميات فنانه مفروسه جداا يقول...

مفقوعه مرارتها
**************

يا اهلا يا اهلا

نورتيني يا سحوره

سلامز يا حبي

يوميات فنانه مفروسه جداا يقول...

سنووايت
*********
ربنا يسعدك كمان وكمان يا سنو يا قمره

نورتيني يا جميل

سلامز

يوميات فنانه مفروسه جداا يقول...

wanna b a physician
**********************
انا كنت مكسوفه من نفسي جدا والله

بس الحمد لله مش انا لوحدي

اتأكد بقي منها احسن تكون زي مابتقول كده

نورت يا دكتور

سلامز

موناليزا يقول...

ههههههههههههه
حد يضرب مفروسة الضرب ده كله
بس والله عسل ياسمسم
استمرى ياجميل فى انتظار الباقى

Soooo يقول...

راحت مدياني لوكاميه في بطني روحت قايمه عليها روحت ماسكاها من شعرها مدياها بوكس تاني في مناخيرها
------------

ده انتي ومفروسه غااايه في الرقه
ايه الحلاوة دي
ايه الجمال ده

ده كان فاضل انك تطلعي مطواه وهي تطلع دبابه واديلو ادي

شفتي بقى اابي هانم بتعمل ايه
انا من الاول حاسس ان الخرفان البمبي اللي مربياها دي بني ادمين وهي ساحراهم
وقولك على حاجه كمان
تلاقي القلل اللي عندها فيها تعويذه
ايوه زي مابقولك
اي حد مايعجبهاش تروح حادفاه بالقله تصيبه اللعنه

ربنا يسترها علينا

----

السرد ممتع قوي والقصه خدت طابع مشوق
منتظرين الحلقه الجديده

وربنا يسعدك ويبسطك ويكرمك ويوفقك ويرضيكي دنيا وآخره يارب




سلامووووووووووووز