بعد ما اابي رشت علي ياسمين البودره السحريه واللي كانت فاكره بكده عملت خدمه فموناليزا هانم انها تسكت ياسمين عملت زي المثل اللي قال جت تكحلها عمتها طبعا كلنا عارفين نية اابي الحسنه بس اللعنه خلاص صابت ياسمين .
____ ____ _____ _____
في الوقت بقي اللي ياسمين اتولدت فيه كان والدها كان مسافر هوا شغلته الاساسيه دكتور بس كان سايب الطب وبيشتغل في التجاره وبطبيعة الحال بيقي مسافر طول الوقت وميعرفش حاجه عن ياسمين خالص ولا عن اللعنه اللي صابتها!!!!!
وأول مره تدرك ياسمين انها مصابه بلعنه كان وهي عندها خمس سنين وكان يوم عيد ميلاها وفي الوقت اللي بيعلقو الخدامين الزينه فيه طلعت ماهيناز الخدامه وقالت لياسمين
ماهيناز:كل سنه وانتي طيبه يا ياسمين يا حبيبتي أنا بقي عملتلك تورتايه جميله وشوقيه(الخدامه الجديده)خيطتتلك فستان ازرق جميل هيبقي تحفه يا حبيبتي.
ياسمين:الله انا بحب اللون الازرق اوي يا داده واوعي ماتكونيش كترتي الفواكه عالتورته زي مبحبها.
ماهيناز:لا عملتلك كل اللي عايزاه يا عفريته يلا اطلعي البسي الفستان.
وطلعط جري لبست الفستان ونزلت وعملنا عيد الميلاد وراحت داده ماهيناز مقطعا حته من التورته وقالتلي(كلي)
وكلمت كلي ديه كانت بداية المأساه لان ماهيناز ساعتها قالتها بصيغة الامر مش طلب عادي في الاول كان طعم التورتايه جميل وخصوصا بقي وانا بحب الفواكه اللي عاليها وافتكرتني ماهيناز باكل لاني بحب التورته وقطعتلي حته تاني وكلتها كلها زي اللي قبلها ومش عارفه ليه مش عارفه اخلص اكل ومش قادره ابطل وبدأت اتعب !!!!!!!!!! وماهيناز بقي مقولكوش متواصتش وتقطع وانا اكل وتقطع وانا اكل كان جوايا احساس اني لازم استمر في الاكل من غير انقطاع
موناليزا هانم:متعجبه من بنتها بتعملي ايه يا ياسمين!!!بتاكلي كده ليه يا بنت.
ماهيناز :سيبيها يا هانم خليها تاكل زي ماهيا عايزه انهارده عيد ميلادها خليها تاكل كلي كلي
يا بنت الذينا حرام عليكو حد يوقف المهزله اللي انا فيها ديه!!!!! كل اكله باكلها بحس بشئ تقيل بينزل بطني مش قادره ابلع وقعدت اعيط واصرخ واكل تقولولي اعمل التلات حاجات دول ازاي معرفش وقعدت اجاهد وانا ببلع الاكل واصرخ واكل ومش عارفه اوقف
موناليزا هانم:اول مره تتنتبه للموضوع ده وافتكرت لعنة اابي وراحت قايله لياسمين ياسمين بطلي اكل
وطبعا كان بصيغة الامر راحت ياسمين مبطله اكل علي طول
_________ __________ _________ _______
في الوقت ده ماما بصت لماهيناز واتأكدنا كلنا من المصيبه اللي حصلت انه ممكن اي حد يدي أمر لياسمين وياسمين تنفذ من غير تردد لدرجة ان لو حد قالها ارمي نفسك في البحر ممكن ترمي نفسها من غير تررد.
يا تري ايه اللي ممكن يحصل لياسمين لوحد عرف السر الخطير ده!!!!!!!!!!!!!!!!!!
هناك 27 تعليقًا:
الله قشطة جدا
احنا كده هنعمله فيلم
تعيطي وتسرخي وتاكلي في نفس ذات الوقت عادي جدا مهو حلم يعني
والدادا ماهيناز صعبت عليا والله
وجوعتيني كمان يالا مش مشكلة ابقى اكل تورتة بعدين
تحياتي
تخلى معاها ريكوردر فيه الأوامر علشان نظبط نفسيها
بس والله حلوة القصة متابعك للآخر
ماقولتليش ايه احنا التلاتة ده
مش برضه احنا اتنين ولا هايخدو الظابط اللى بيراقبنا كمان :D
جميلة جداا الحلقة دى يا ياسمين
الحمد لله ان موناليزا هانم عرفت تفك الشفره والا كان زمانك لسه عمالة تاكلى لغاية دلوقت
هههههههههه
حاسة ان الحلقة الجاية كمان هتكون احلى ومستنياها على ناااااااار هاديه هههههههههههه
موهوبة يابنتى بجد والله ماشاء الله عليكى
منتظراكى يا قمرررر
دمتى بخير حبيبتى
سالى
رررروعه
اسلوبك جميل جدا
امممممممممممم
مفيش حتة تورته بئه من بتاعة الفواكه
يلا بسرعه مش تتاخرى علينا بباقى القصه
دى هتبقى قصه تجنن
تحياتى اختى الرقيقه
اخيكى
احمد سكر
هههههههههه هتتخنى يا ياسمينا والله مكنش قصدى شكلى هطلع شريرة يا دى النيله بس شكلك مش بتسمعى الكلام هههههههههههههه
تستاهلى بقى
لو حد عرف السر الخطير ده
عن نفسى كل يوم كل يوم
هاقولك هاتى 10 جنية يا ياسمين
وبعدين بتاكلى وتعيطى وتستمرى فى الاكل لا اله الا الله
هتفرسينى يابنتى معاكى
لما نشوف اخرت اللعنة
كدا يا اببى البنت الغلبانة دى تعملى فيها كدا
اه انا رديت عليكى عندى
هو
احمد
والله تحفة :D
عسلية بجد
دة كدة هتتبهدل في البلد دية يابنتي
وعايشة في جردل ستي يعني في مصر
البنت راحت بلاش
مستنية الباقي
والحلقات قصيرة
وانا بطالب بالتطويل
......
سلامون عليكي
ههههههههههه
حلوة "كلي كلي " دي
فكرتيني بمسرحية تخاريف لما كانوا بيأكلوووووه
بس خلي بالك السر الخطير دا لو اتعرف اكيد اكيد هيستغلوا ياسمين أسوأ استغلال وبراءة الاطفال في عينيها
يا نهارررررررررررررررررررررررررررر دى مصيبة لو حد عرف السر الخطير دة....ياسمين روحى البنك دة بليل واسرقى الفلوس وتعالى
ههههههههه
ربنا يسترها على البنت ومش حد يقلوها ارمى نفسك فى النار وترمى
لازم تشوفى حل فى فك اللعنة
والقضاء على الشريرة ههههه
انا عندى قصة طويلة تعالى شوفى البداية عشان تتابعى بعد كدة معانا
تحياتى
HERO
******
وماله يعني لو عملناه فيلم وماهيناز متصعبش عليك اصلها غبيه وكانت هتموتني من كتر الاكل
منور يا هيرو
سلام
ايه الحكايه الحلوة دى
بس ده فيلم اجنبى انا شوفته بس كان جميل اوى وعجبنى وانا منتظرة باقى الحكايه الجميله
سلام يا ياسمين
funckydoctor
**************
ريكوردر لا حلوه والله الفكره هههههههه
وانا ليا الشرف تتابعني والله
وبعدين انت متعرفش ولا ايه !!!!!!!!!!
لا والله ماتعرف بجد !!!!!!!
دول لاغو رقم اتنين من زمان
بص كان زماااااان واحد اتنين تلاته
دلوقتي
واحد تلاته
واخد بالك معايا ولا ايه
هههههههههههههه
تقبل هزاري يا دكتور ونورتني في اول زياره ليك
سلام
سالي
****
سالي القمر عندنا يا مرحبا يا مرحبا
شوفتي الشفره بقي يا سالي لو مكانوش اكتشفوها كان زماني في خبر كان
ربنا مايحرمني من زيارتك ولا رئتك ولا زوئك يا سالي يا قمر
منوره يا حبيبتي
سلام
احمد سكر
**********
اهلا وسهلا استاذ سكر
التورته هتلاقيها بره خبط عند دباديبو هيديك حته كبيره ليك وللعيله الجميله كلها
منور يا استاذ احمد ومتشكره اوي لذوق حضرتك
سلام
appy
******
كده يا اابي اللي عملتيه فيا ده
هههههههههههه الله يسامحك
منوره يا اجمل اابي في الدنيا
سلام
wanna b a physician
**********************
يعني لو عرفت هتطلب 10 جنيه بس ههههههههههههه
انا لو مكانك هطلب مش اقل من12.50
جنيه
امال ايه لازم يكون الاستغلال علي حق ههههههه ولا ايه
وبعدين وماله يعني لما اكل واصرخ واعيط عادي يعني
وسلامتك من الفرسه يا دكتور احمد
منور كالعاده
سلام
نعكشة
*********
ده انتي اللي عسليه يا نعكشه والله والله وهحاول اطول علشان خاطرك
منوره يا نعكوشتي
سلام
سنووايت
********
تعرفي يا سنو الحلقه الجايه بقي الاستغلال هيبقي علي ودنه
منوره يا سنو يا جميله
سلام
كيكي
****
انا روحت يا كيكي زي ماقولتيلي ولاقيته قافل اعمل ايه
نورتي يا كيكي يا جميله
سلام
Tamer Nabil
************
فك اللعنه ده بقي عايز وقت كتير يا تامر وعموما هتشوف بنفسك
نورت يا تامر وحالا هكون عندك اهه
سلام
حنين القلب
**********
ايه ده هما عملوها فيلم ايه الناس اللي مبتضيعش وقتها ديه
ما انا قولت يا حنين القصه ديه اساسا من الادب الغربي وانا متخيلاها في قالب مصري وابطالها اصحابي البلوجرويه
جدعه مصحصحه اهه يا حنين
نورتيني في زيارتك الاولي يا رب تكرريها
سلام
لأ بجد اسلوب حلو ومميز
زيارة اولى لمدونه تحفه
شكلى هاكون زبون
تحياتى:))
لقتى البنك قفل
روحى الى جانبوا يازكية
وهتى معاكى 2 كيلو بيض
يلا بسرعة
عايزة اطبخ
كده برضه يا ابى مش كنتى تركزى وتخليها تسمع كلامى انا وبس ههههههه
جامدة يافنانة وماتوقعتهاش كده
مستنيين الباقى ياسمسومة(يلا اسمعى الكلام بسرعة وماتتاخريش علينا هههههه)
دمتى بخير حبيبتى
ايه ده؟؟؟
يعني اابي هي السبب في اني تخين وكنت باكل كل ماحد يقوللي كل؟؟
انا كنت عارف ان الطعنه مابتيجيش غير من الضهر
ربنا يستر لو هتطلعيني في الحدوته
ده اابي بتنجاني عملت فيكي كده .. امال انا هعمل ايه
يالهووووووووي
متابع بشغف
وربنا يسعدك ويبسطك ويكرمك ويوفقك ويرضيكي دنيا وآخره
سلامووووووووووز
إرسال تعليق