الاثنين، 28 أبريل 2008

تاج عالهواااااا .....غيوووووم FM



ولا بيهمني أبدا منهم ...أيه يعني أكون حلوه في عينهم ...لا كلامهم يشغلني ولا يوم هيغيرني بس يهمني أني أبقي صحيح عجباك أبقي صحيح



عجباك ولا بيهمني!!!!!!!!!!!!!!!!!!!!!!




سمعنا دلوقتي مع بعض نوال الزغبي ولا بيهمني أغنيه عتيقه بقالها كتير موت بس نعمل أيه في طلبات المستمعين الخنيقه ....مستمعينا كانت




معاكو سنيه جنح وقضينا مع بعض وقت لطيف يلا اسيبكو احسن سايبه الواد والبت عند أم تتح من غير أكل ودلوقتي معادنا مع برنامج تاج




عالهوا مع زميلتي وحبيبشي وروحي روحي روحي كده عواطتشيف توتر مصطادافالكو معاها أنهرده السوبر ستار فنانة الفنانين القنبله الموقوته ياسمين مهدي.ونسمع مع بعض ايهاب توفيق لاحد متشرفنا الفنانه!!!!!!!!!!!!!!!




يا أحلي منهم ...يا فارقه عنهم ....الله علي الجمال ...الله مفيش ميثال...الله جامده اوي زي الكتاب ماقال!!!!!!!




مستمعينا دلوقتي شرفتنا في الاستديو الفنانه المفروسه دايما ياسمين المهدي ومعاكو في تاج عالهوا عواطيشف توتر




شرفتينا يا فنانه أنا:ميرسي أنا عارفه أني مشرفاكووو انهارده .




ودلوقتي يا فنانتنا الممفروسه نشرحلك فكرة البرنامج ونقولك أن بناء علي طلب مستمع أظن اسمه ثواني كده نعرفه من




الكنترول أه أسمه مودي بنصتديف نجم مشهور ونسأله عشر أسئله كده عالماشي بس نتمني تجاوبيلنا عليهم بصراحه




أنا:أكيد طبعا هجاوب بمنتهي الصراحه أنا مبخبيش حقيقتي عن معجبيني ومحبيني!!!!!!!!!!




نبدأ مع بعض يا فنانه بس بعد الفاصل الاعلاني اوكي أنا: أوكي




خروفي يا خروفي لابس بدله صوفي ليك قرنين وأربع رجلين ...........أشتري منتجات خروفي تكسب بدله صوفي




أتصل علي 09009874وحل المسابقه يا تري لون الشراب اللي كانت لابساه يسرا في سنوات الحب والضياع




كان ايه 1:أحمر 2:أزرق 3:أخضر




أتصل حالا تكسب لبانه تغلي فيها الرضعه بتاعت العيل .......................مستنيكو لابانات كتييييييييييييييييييير




مستمعينا رجعنلكم مره تانيه واذاعة غيوم FM100,100مزيكتنا طبعا أحنا اللي هنخطرهالك مش تسمع وكمان تختار




أنشالله ما عنك سمعت ولا توعا تسمع حتي .ورجعنا لفنانتا المفروسه نبتدي الاسئله وأول سؤال معانا؟؟؟؟؟؟؟؟؟؟




نحب نعرف من فنانتنا بيانتها اللي في البطاقه؟؟؟؟؟؟؟؟؟؟؟؟رقم 1




الأسم:ياسمين المهدي محمد وبيدلعوني يقولوليي يا يا سمينووووووو واصحابي الانتيخ بيقولولي ياسمونتي.




تاريخ الميلاد:1961986برج الجوزاء برج مهوي من الأخر يبقي معاك زي الفل ويقلب عليك في ثانيه أحذرررر




فناتتنا ساكنه فين:ساكنه في بيت بابي طبعا !!!!!فين يعني:أه حلوان وبنات حلوان أشكال وألوان.




الصنعه :فنون ان شاء الله ............الوظيفه:ورحمت جدي لسه مشتغلت يادي النيله عالأر يا رب اكمني بطلع شغل




خفافي كده هنسميه شغل أستغفر الله العظيم يا رب دا كام طابلوه بيعتو بس كده وكام حفلة أطفال نزلتها مش أكتر.




الديانه:مسلمه وموحده بالله.




الجنسيه:أنا مصري وأبويا مصري بسماري ولوني مصري.




الحاله الاجتماعيه:انسه -خمريه-طول متوسط-مؤهل عالي- ميسورةالحال-تشارك في الاثاث.




****************************




فنانتنا بتحلم بأيه ؟؟؟؟؟؟؟؟؟؟؟؟؟؟؟؟السؤال رقم2




بحلم ربنا يكرمنا وحالنا يتصلح ونبقي كويسين ويسترها علينا دنيا وأخره ويحسن ختامنا كلنا امييين يا رب وخلص وأشتغل




****************************




رأي الناس في فنانتنا بصراحه؟؟؟؟؟؟؟؟؟؟السؤال رقم3




والله دايما الناس بيقولو عني اتقي شر ياسمينوووو(الحليم)اذا غضب بس انا والله لو زعلت حد مني مببقاش قصداه




واتمني ميكونش حد زعلان مني خالص نهنينكان واحب اسمع سيد الحناين يا حنانا نته!!!!!!!!!!!!!!!!




***************************




أصدقائك الصدوقين بجد بجد يعني؟؟؟؟؟؟؟؟؟؟؟؟؟؟؟السؤال رقم4




من ايام المدرسه أصدقائي الصدوقين 1-أمنيه محمد سالم *مونتي بوبونتي*حياتي في بعدي عنك مش حياه


2-هبه سمير نصار*جزره*NO COMMENT


3-اماني محجوب*أم جودي*روحي روحي روحي


من المحروقه أصدي الكليه 1-هبه جمال*شوقيه*الزنانه بس حياتي بجد ومبدأنا اللي تتخطب تظبط التانيه


2-نورا عبدالرؤف*لوزه وقريبا مديحه حاتم أكمن خطيبها حاتم يعني داحنا زالنها


3-نوران ياسن-*المزه بتاعت الدفعه.واما عرق الوطو ينقح مقلكوش بقي.




*************************


حاجه مضيقاكي بجد؟؟؟؟؟؟؟؟؟؟؟؟؟؟؟؟السؤال رقم5




أكتر حاجه بتضايقني وتخلي الدم يغلي في عروقي المنظر ده







وده لاقاتيه نايم علي سلم محطة المترو رمسيس حسبي الله ونعم والكيل ومش هقول غير كده.


*******************************

حاجه تفرحك أوي ؟؟؟؟؟؟؟؟؟؟؟؟؟؟؟؟؟؟؟؟؟؟السؤال رقم 6

أخلص المحروقه وأشتغل والقي ابن الحلال .هي هي هئ يا كثوفي

*****************************

نفسك في ايه حلا دلوقتي ؟؟؟؟؟؟؟؟؟؟؟؟؟؟السؤال رقم 7

أخلص اللوك لوك ده وأقوم أضرب شندوتش وأنام نووووووووووووووم عميق من بتاع زمان.الا دلوقتي الكليه علمت

الواحد يا دوب ينام 16ثانيه ويقوم يخلص الي واراه.ونفسي بجد انقل الكومبيوتر من أوضة أخويا عشان اتطرقع علي

الكيبورد براحتي ألا البعيد لو صحي من الصوت هيقوم يطرقعلي علي قفايا .

****************************

مواصفات فارس أحلامك؟؟؟؟؟؟؟؟؟؟؟؟؟؟؟؟؟؟؟؟السؤال رقم8 هانت اهيه

سيبك من الشكل هههههههههه مش هنقول طوووووووووووووووويل عشان معجبيني القصيرين ميضايقوش وبرضو مش

هنقول قصير عشان معجبيني الطواااال ميزعلوش .بجد بقي هقول راجل بمعني الكلمه مش أي كلام ويكون عندو تذوق

فني وأحساسه مرهف كده ميكونش جلانف يعني سوري في اللفظ ويكون كريم وأكيد متدين ومش مغرررررررور

زي ناس يقدر الحياه الزوجيه وطبعا أكيد يكون متعلم وأكبر مني بكتييييييير عشا أعيل براحتي وأقدر اناديه أقوله يا

عجووووووووووووز مناخيرك قد الكوووووووووووووووووووووز.

***********************************

ناس مرو عليكي مش هتنسيهم أبدا ابدا؟؟؟؟؟؟؟؟؟؟؟؟؟؟؟؟؟ظالسؤال رقم9

كتتتتتتتتتتتتتييييييييييييييييييييييييييييييييييييييررررررررررررر ومش هقول عشان منساش حد ويزعل مني بس بقولهم كلهم

بحبكو اوي وأتمني نفضل حبايب وأخوات علي طووووووووووووول يا رب.

********************************

سر خطير في حياتك؟؟؟؟؟؟؟؟؟؟؟؟؟؟؟؟؟؟؟السؤال العاشر أخيرا يا رب

لازم يعني يا كثوفي يا كثوفي.............. طيب .

بابا بصراحه أنا اللي كنت بقلب الفكه اللي في جيبك الصبح واما تقول مين اللي قلبني ابصلك وأضحك عشان تفهم

أن انا بس انت يا غلبان مكونتش بتعرف وبتتهم نفسك انها وقعت منك يلا يا عم اعترفتلك أهو

أه وفي حاجه كمان أنا كونت بخنسر من المصروف وكنت بقولك المشروع يتكلف 100جنيه وهوا يتكلف 99 بس

هما مش 99 جنيه بالظبط يعني بس اهو كونت بخنسر وخلاص.

هبه*شوقيه أنا اللي دلقت عل الطرحه بتاعتك ألوان واما سألتيني قولتيلك معرفش.سامحيني بقي(طظ فيكي طبعا)

طبعا فيه بلاوي تانيه بس كفايه عليكو كده هتودوني في داهيه.

وفي نهاية اللقاء نحب نشكر فنانتنا المفروسه دائما ياسمين المهدي والي لقاء اخر مع نجم جديد وفنان جديد وبرنامج

تاج عالهواااااااااا كانت معاكو عواطشيف من غيوم FM

***************************************************************************

صدرتني في التاج يا دوكتور مودي اوكي مكسفتكش اهه مع انك (مش هقوول انا زعلانه جدا)بس اي خدمه ومتشكرين

اكمنك بعتلي تاج من ضمن اللسته . يلا بقي اقولكككككككككككوووووو سلام

استنوني جايبلكو فرسه انما ايه والله بتحصل وتكرر كل يوم بعنوان(معرفتشيي الناس كنوووووووز) سلام بقي

























هناك 12 تعليقًا:

صالح سعيد يقول...

يا سلام سلم
اول تعليق ويتكلم
مبدئيا دى اول زيارة ولن تكون الاخيره
لانه باين وواضح جدا انك بنت لمضه وانا بحب التعامل مه هذه اللماضه لانى المض شويه
بهزر طبعا بس بجد فى شئ لفت انتباهى وهو ان البوست طويل جدا ومع ذلك قريته للاخر وده يحسب ليكى بصراحه
لان اسلوبك فى السرد كويس جدا
وبعدين احنا طلعنا فنانين زى بعض
بس انا سينا ريست مش ممثل
بس على ادى برضه
لسه داخل العالم ده جديد
بس بجد البوست حلو
وعجبتنى الصوره بتاعة مترو الانفاق
يسعدنى التواصل معك يا ياسمونتى

almasry يقول...

لا ده بجد برنامج خنيق بس اسلوبك لذيذ


ياريت تشرفينا وتاخدى تاج كده تجاوبيه

يوميات فنانه مفروسه جداا يقول...

صالح سعيد:
*********
نورت والله مدونتي المتواضعه وانشاء الله متكونش الزياره الاخيره.
لمضه طيب متشكرين يا عم الله يسترك وبعدين مالها اللاماضه وكويس انك لمض عشان نلمض علي بعض ومتشكرين والله علي قرائتك للبوست كله ده شرف لينا يا سعادة البيه منستحئهوش والله.وكمان فنان طيب وسع بقي عشان منقطعش علي بعض متشكره اوي علي مرورك الطيب.

almasry
*******
شرفتنا ويارب متكونش اول واخر مره
البرنامج خنيق فعلا بس هنعمل ايه في طلبات المعجبين !!!!!!!!!!!!!
وبعدين اخد تاج تاني حرام عليك مصدقت خلصت الاولاني.
شرفت يا مصري

Eldebug يقول...

يااااااااااااااااه ... الكلام اول ماشفته حسيت انه كتييييير ...بس لما قريته خلص بسرعة اوى

لقد تحقق فيكى قول الشاعر :



لما افتكر هابقى اقوله ... بس المهم انتى اسلوبك حليوة كده ومعجبانى

اكيد بما انى قلتلك كلام حلو وجميل زى ده يبقى عاوز حاجة فى المقابل ... لا لا لا دى مش اخلاقى
دوكشى كام بيت شعر بس كده على ما قسم ولما تزورينى هتعرفى الموضوع ...اوعكشى ماتجيشى

dr_modymodak يقول...

هههههههههه دمك زي العسل كل ده يطلع منك يا ياسمين بجد اجابات والاسلوب مشوقين جدا

بشكرك يا ياسمين علي قبولك للتاج واجاباتك الجميله دي وفي انتظار فرستك الجديده

زعلانه مني؟؟؟ليه بس يا ياسمين دا انا بعتبرك زي ماما الصغيره هههههههه ما عاش اللي يزعلك ولو صدر حاجه غصب عني عديها بس انا مش فاكر اني زعلتك والله

يالا سلام يا فنانتنا

صحفية روشة يقول...

بصى هو بوست طويل بس يستاهل بجد
موتنيى من الضحك وانا حبيتك موت وسجلتك فى الفيفوريتس وهنبقى اصحاب
يلا باى
____________________________
للى عاوز يزور لوحه شرف يدخل مدونتى وهتلاقو لينك لوحة شرف فيها
لوحة شرف هى لوحه شرف لكل من دون فابدع وينشر بها افضل بوستات كتبها البلوجرية
____________________________
ميفوتكش البوست الجديد (شيوخ على ما تفرج)

wanna b a physician يقول...

الحقيقة دمك خفيف بس هو البرنامج اللى رذل استغفر الله العظيم نجوم FM وبعدين الاحساس المرهف مالى البلد بس هى الفلوس اللى مش موجوده ههههههههههههههه
تحياتى

يوميات فنانه مفروسه جداا يقول...

eldebug
*******
متشكره اوي علي تعليقك وواضح جدا انك مش عايز مقابل هههههههه والله من غير حاجه هزور مدونتك هسيبلك اللي فيه
النصيب هناك ان شاء الله تحياتي ليك

dr modymodak
*************
متشكره اوي كتتتتتير علينا الكلام ده يا بيه والله
انا زي ماما ههههههههههههههههه
طيب متشكرين.
وحصل خييييير ومتشكرين عل مرورك يا دوك تحياتييييي

صحفيه روشه
***********
يادي بوست طويل بوست طويل هههههههه
بس تعرفي والله بفرح اوي اما بلافي حد ضحك وابتسم عشان حاجه انا كتباها
ربنا يحلليلك دنيتك كمان وكمان يا قمر
وده شرف ليا بجد انك تسجليني عندك
ويا رب بجد نبقي اصحاب
تحياتي ليكي يا قمر


wanna b a physician
********************
متشكره اوي علي تعليقك
وانا رايي ان الاحساس المرهف ده بقي عمله نادره دلوقتي يا دكتور واذا لاقيته بجد يعني علي رأي المثل
عش العصفوووره يقضينا هههههههههه
اصلي انا قنوعه علي الاخر
انا بحضر بوست عن الموضوع ده وبفنش
فيه.
متشكره مره تانيه وتحياتي ليييك

Soooo يقول...

هااااااااااااااااااايل البوست ده
مش البوست وبس
مدونتك كلها هايله الحقيقه

انا قريت كل مواضيعك وعملتلي دماغ حلوة قوي الحقيقه

اول مره اجيلك بس ان شاء الله مش هتكون آخر مره





سلامووووووووووووز

يوميات فنانه مفروسه جداا يقول...

soooooooo
**********
انا سوووووووو سعيده انهارده والله ايه الهنا اللي انا فيه ده متشكره اوي اني لاقيت حد بعمله دماغ هههههههه
بس البوست عملك دماغ عاليه اهه اي خدمه.
ويا رب بجد متكونش زيارتك الاخيره بجد
ومتشكره اوي علي مرورك .
تحياتي

ابو على يقول...

يا سوادى البتاع دا طويل اوى انا تعبت لغايه لما لقيت مكان التعليق
وعلى فكره من كتر الضحك الى ضحكته مش هاضحك تانى خلاص
بس اكتر حاجه ضحكتنى حكايه تشارك ف الاثاث دى
..... يلا كفايا كده
تحياتى يا غلباويه

يوميات فنانه مفروسه جداا يقول...

أبو علي
********
يا كسوفي يا ناس البوست طويل البتاع طويل طب والله بعد كده لعملكوا ميني بوست عشان اريحكو هه.
ويا سيدي متشكرين وربنا يجعلك تضحك كمان وكمان والضحك ميخلصش أبدا.
اشارك في الاساس اه فيها حاجه ديه هههههههههههههههههه.
غلباويه طيب يا عم الحج متشكرين الله يسترك ومتشكره اوي علي مرورك الطيب
تحياتي