قبل ما أبدأ كلام في أي حاجه أحب أوجه شكر خاااااص لاولي الفضل عليا أه والله أصحاب جميله يعني وهما؟؟؟
أحب اشكر دكتور مودي مودك اللي مترددش لحظه أنو يساعدني في عمل البلوج ده وتقريبا عملهولي وساعدني كتيير
وفهمني أكتر ربنا يباركلك يا دوك ومش غريبه يعني عليك الشهامه ونردهالك في الافراح ان شاء الله نسمع أحلي
تحيه للدكتور مودي لولولولولولولي .
تاني واحد أحب اشكره وساعدني وفهمني أخويا الدكتور محمد علام(دكتور مخنووق جدا)واللي طالعها في دماغي
اساسا بعد ما قريت البلوج بتاعه وبرضو ساعدني وفهمني وأنا مقدرش أنكر فضله وتعبه معايا.
يلا يا ولد يا جعيدي أضروبلنا عيارين في الهوا تحيه للدكتور علام طوخ.طوخ.طوخ.طوخ.طوخ.
خلاص أدينا كل واحد حقه نقلبها اكتئاب بقي احسن أنا طالبه معايا حزن علي الاخر!!!!!!!!!!!!!!!!!!!!!!!!
مفروووسه هوا انا مفروووسه بس أقول أيه ولاأيه دا الواحد مفروس وتعبان ويأيس ومحتار في الدنيا الغريبه اللي
أحنا عايشينها الدنيا اللي مليانه آلام وأحزان وحيره وخوف .الواحد بيعيش فيها علي أمل اه الامل الضووء اللي
جاي من بعيد في عز الضلمه ضلمه تخوف وترعب والصوت اللي جاي برضو من بعييد بيطمنك شويه كل ما تسمعه
وتحس خلاص الفرج جاي وفجأه يسكت الصوت وترجع تاني جووه أوضه ضلمه ملهاش كراار .
أحساس غرريب متملكني أحساس بالخوف والرعب بالخوف من أي حاجه وكل حاجه من الموت من الحياه من الناس
وأكتر حاجه قاتلاني الموت اللي ممكن يجي في أي لحظه أحنا مش مستعدينله وزي ماحنا ممبنتحركش من مكانا.
بنجري ونسابق في دنيا مش عارفين هتودينا لفين دنيا فانيه زايله مالهاش لازمه .
نفسي أحس بالامان نفسي أحب الحياه ونفسي ونفسي ومفيش أي حاجه بتتحقق .وأصعب أحساس بجد علي الانسان
أما يكون لوحده محدش حاسس بيه ومحدش فاهمه ولا داري بيه مهما يككون اصحابك جنبك مهما تكون عيلتك حواليك
برضو محدش بيحس بيك ولا حاسس باللي بيوجعك من جواك واللي بيوجع اوي بقي اما يكون عندك أنسان عزييز عليك
أوي حاطه في مكان عاللي تفرح أوي وهوا جنبك وتتمناله الرضا يرضي وهوا حاطك في قوائم الانتظار عنده هههه
أما يكون مش لاقيله حد يبصلك بس يلاقيك مستنيه ومستنيلو أشاره بس وانت عارف بكده وساكت ومستنيه برضو!!!!!
يا لها من دنيا صعبه ومره وقاسيه.......أدينا مستنيين ومنتظريين عل وعسي يحصل تغيير في أي حاجه .تغير في الحياه
أو حتي الفكر أوأي حاجه تغيير تخلي الواحد يعرف يعييش.
نفسي :أيه يا بنتي الاكتئاب اللي انتي فيه ده كله أيه اللي حصل يعني مفيش حاجه تستاهل ومفيش حد يستاهل تضايقي
نفسك عشانه وتعملي الهبل ده كله.
أنا:أيه مفيش حاجه أزاي دأنت فاضلك شهررين وتخلصي كليتك وتقعدي في البيت ويبقي الاحساس ده موركز يا حلاوه
نفسي:بيت بيت ايه والشغل والمشاريع والحياه والطموحات والدنيا كلها المفتوحه.
أنا:مشاريع هاهاهاهاهاها يا بنتي بطلي الاوهام اللي انتي فيها ديه والكلام اللي بتضحكي بيها علي نفسك ديه الحياه سوده
ومفيش فيها جديد هتخلصي الكليه وتترزعي في البيت تستني العدل .
يا تري أيه اللي بيوصل الانسان للشعور ده شعور اليأس والخوف والقلق والالم والخوف من الفشل وخصوصا لو فشلت
في تجربه ليك قبل كده بتبقي مرعوب لو فشلت تاني وخصوصا لو كانت مصير حياه بتحددها.أحساس غريب ماليني
بالتناقض والاستسلام مش أنا لوحد اللي كده للأسف ديه حالتي أنا وكتير من صوحابي .
ليتني أعرف ماذا أفعل ولكن يبقي الأمل وحده أنتظره وأن نحيا حياه بلا خوف حياه حياه سعيده للأبد!!!!!!!!!
فاليله حقا أحساسي غرررييييييب .
هناك 12 تعليقًا:
ياسمين
بجد بحسدك علي البوست ده فعلا والله كلمات مؤثره معاني اكثر تاثيرا
كلنا يا ياسمين بينتابنا لحظات كتيره اوي من الخوف والقلق والياس والتشاؤم من بكره
بس فيه مننا اللي بتقتله العوامل دي ويستكين ليها
وفيه برده اللي بيقاوم وبيثبت مهما اتغيرت الاحداث اللي حواليه بيفضل في مكانه مش هننكر انه بيتسرب ليه بعض من الخوف والياس ولكن لا يتحكم فيه
كل اللي اقدر اقلهولك واقوله لاي حد استسلم ياريتك تبقي من النوع التاني
عيشي اللحظه يا ياسمين ما تفكريش في بكره هتتعبي والله بكره خليه علي الله
اعملي اللي عليكي راعي ربنا في تصرفاتك بكده هيكون بكره احلي بكتير
في الختام لا شكر علي واجب يا ياسمين وبجد تسلمي علي البوست ده
اه نسيت اتكلم عن الخوف من الموت فعلا عندك حق مين فينا استعد للحظه دي ربنا يهدينا ويرشدنا وينور طريقنا
متفكرش كتير متفكرش وعيش ايامك ومتسالش كتير ما انت مفيش غير كده قدامك تتعب تشتكي من ايه تسال في العالم ليه؟
تحياتي
تصدقي وتآمني بالله دلوقت إتأكدت إنك في فنون جميلة دي وكمان شكلك فن كشكيلي
ماشي البوست كلامه حلو محدش قال حاجة ، بس محتاج شوية تظبيط ويبقى صاروخ لإني تهت بجد فيه
إما تظبطي بقى الموضوع علشان أفهم كويس ألا البعيد فهمي على قدي ، أو تديني درس خصوصي لكل بوست
في إنتظار البوست القادم على أحر من الجمر علشان أفهمه بنسبة أكبر من ده
وتسلمي بجد على كلامك عني ، فعلاً أخجلتم تواضعنا المتواضع .. ودي أقل حاجة نعملها ياستو ياسمين وتحت أمرك في أي حاجة
YaSsSso0o0
البوست صارووووووخ
فعلا اصعب احساس لما تحس انك وحيد وانت فى وسط الناس .......اما بأه حوار الانسان العزيز اللى حاطك فى قائمه الانتظار دى بأه أصعب حاجة فى العالم وفكرتنى بحكاية الحمامه اللى حبت الوردة البيضاء بس للاسف الوردة ألتلها مش هينفع أحبك غير لما ابأه ورده حمراء ...وعالطول الحمامة قطعت جنحاتها ونشرت دمها على الورده البيضاء وبئت حمراء ......... bas kan 5las sooo late coz the bird dead....... sorry tawlt 3alakyyyyy ......... wa happy life ya yasooooooo:)
دكتور مودي: متشكره اوي والله علي شعورك ده ومش جديد عليك والله ذوقك العالي ده وححاول اسمع كلامك وانفذكلامك وربنا يسترها معانا دنيا واخره ان شاء الله
دكتور علام:حرام عليك والله أنا مش هطبع كتاب كفايه اني بطلع اللي بحس بيه بجد ومش عايزه أي حاجه تاني بعد كده وعموما شكرا علي مرورك الطيب
مونتي بونبونتي:يا سيدي علي الاحساس والله نجم أنتي يا مونتي وأحساسك عاللي بس الورده طلعط معندهاش دم خالص وربنا ما يحرمني منك يا حبي واشوفك غدا
ازيك يا مفروسه
-------------
شكرا على زيارتك مدونتى المتواضعه
انا شايفه ان زوقنا واحد فى اختيار اللون البمبى ههههههههه
ربنا يوفقك........وخدى بالك من نفسك الدنيا اللى دخلتيها ماتفرقشى كتير عن الدنيا اللى انتى هربانه منها
مفروسه
عندك حق والله الدنيا فعلا مقلقه ومخيفه
ربنا يسترها علين بقي
متشكره اوي انك لبيتي دعوتي
بصى ياستى كلنا من جوانا بنحس بتعب وزهق وضيق وان مهما الناس حولينا مش حاسين بينا بس ده بيحصل ساعات كتير وشىء عادى لان الطبيعى ان مفيش حد هيحس بكل شىء جوا غيره
اما موضوع الخوف فبرضوة الناس كدا كلها انا نفسى ساعات كتير باخاف مع انى كل شىء تمام الحمدلله بس ده طبع فى البشر وتقدرى تقولى شوية بعد عن ربنا
تمنياتى لكى بالنجاح والتوفيق
أول زياره
مدونه جميله
واكتئابك شديد اوى
كل سنه وانتى طيبه
لسا ما رديتيش عليا
عموما انا بقى ضيفتك عندى
عشان لو حصل حاجه
ياخدونا مع بعض
هتلاقى مدونتك منوره فى أبناء بهيه
قُلْ بِفَضْلِ اللّهِ وَبِرَحْمَتِهِ فَبِذَلِكَ فَلْيَفْرَحُواْ هُوَ خَيْرٌ مِّمَّا يَجْمَعُونَ [يونس : 58]
بتوفيق من الله وفضل تم تحويل طلب الحملة التي تقودها المدونة بشأن سن قوانين للحد من التجديف على الإسلام خاصة والأديان عامة إلى المسئولين في هولندا
http://kawlansadida.blogspot.com/2008/04/blog-post_28.html
ساهم بتوقيعك في مطالبة الحكومة الهولندية بسن قوانين من شأنها حماية المسلمين من العبث بمقدساتهم الدينية خاصة ومن التجديف على الأديان عامة على الرابط التاليhttp://kawlansadida.blogspot.com/2008/04/blog-post_21.html
وجزاكم الله عن إسلامكم خيراً"
ليكي عندي تاج بتمني تقبلبيه هتقوليلي يعني ايه تاج دا حاجه كده تقدري تقولي عليها تدبيسه المدونين بيبعتوها لبعض
والتاج ده بيطلب منك تكتب عشر حاجات عن نفسك
بتمني تقبليه وما تكسفنيش شا ياسو
إرسال تعليق