الخميس، 17 يوليو 2008

يبقي انت اكييييييييييييد في مصر


وحشتونيييييييي جدا جدا والله العظيم

بس في فترة الانقطاع ديه حصلي شوية احداث يالهويييي وكأن اللي بيجرب يتفائل في مصر بطلعله كل شويه حاجه تخليه يغير رأيه ويتشائم اكتر ويردد الاغنيه المشهوره يبقي انت اكيد اكيد في مصر بتاعة شوية الشباب العثاثيل اللي طالعين يضحكو في الكريب بتاع الاغنيه واليكم ما حدث من بدايه التفوق الباهر بتقدير جيد مرورا بحفلة التخرج بمشاوير تخليص الورق بالكليه بالفيش والتشبيه والفلوس اللي دفعتها وحسبي الله ونعم الوكيل فيك يا فخري ي ي ي ي ي ي

بس في الاول عايزه اقول كام حاجه كده لو لاقيت نفسك بتعملها يبقي انت اكيد اكيييد في مصر ههههههههه نياهاهاهاهاهاه
1:لو روحت مصلحه حكوميه تخلص ورق ووقفت في طابورررر طويييل عريض ومخلصتش ورئك يبقي انت اكيد في مصر.

2:لو روحت نفس المصلحه الحكوميه برضو وطلع حد يعرفك هناك وعملت فيها عم الشريف النضيف اللي عايز يخلص ورقه بمجهوده ووقفت نفس الطابور الطويل العريض وروحت برضو من غير ما تخلص حاجه والحج في البيت اداك علي افاك عشان مستغلتش الفرصه اللي غيرك بيستغلها وروحت للمعرفه ده يخلصلك الورق يبقي انت اكيد في مصر.

3:لو قررت انك تروح هيا هيا المصلحه الحكوميه وتكلم المعرفه وخلصلك الورق في ثواني من غير تعب ولا حاجه وتقول ياااااااه لسه الدنيا فيها خير يا جدعان وانت رايح تستلم الورق تلاقيه شايلهولك في الدرج وتقول لسه فيكي رجاله يا مصر وانت رايح تستلم الورقه الراجل يبتبت في الورقه بويضحك وانت مش فاهم ويتبت ويضحك وانت برضو مش فاهم وبعدين يقولك اهرش تقوله نعم يقولك الحلاوه يا استاذه تقول اه ه ه ه ه ه ه ه طويب كده خد اللي معايا وسيب الورقه بقي يبقي انت اكيد في مصر.

لو عايز برضو تخلص ورقه تانيه في حته تانيه وحاجه من اللي مطلوبه منك مش فاهمها عادي طبيعة العقل البشري يا ناس ولو سمحت اجيب مش عارف ايه الموظفه متردش لو سمحت ممكن بعد اذنك عايزه افهم ابوس ايدك وبعد ساعه ترد بمنتهي البرود وتقولك اه ممكن تيجيبي اللي بتقولي عليه يا بردودك يا شيخه طب متعبريني من الصبح كنت استفدت بالوقت لا ازاي وتروح برضو من غير ما تخلص حاجه يبقي انت اكيد في مصر.

لو طلع بقي ان هيا هيا نفس الموظفه تعرف حد من قريبك وتكرر تاخده معاك واول ما تدخل عليها ماهيا ليهم مصالح مشتركه بقي تقوم تقف تفذ من مكانها واهلا اهلا بنوتشك لا مش معقولللللللل طب مقولتيش ليه يا اموره وابقي تعالي بس لازم تجيبي كذا وكذا ماشي والبيانات من الحته الفولانيه وفكريني بيكي بس وعنيه ليكي والله يبقي انت اكيييد في مصر.

لو بقي تخلص ورئك كله وفاضل ورقة المؤهل او اي حاجه تسبت ان قضيت في المخروبه الكليه خمس سنين من عمرك وتخرجت منها وتروح للموظف يقولك مفيييييييييييييييييييييش طب عايزه بيان نجاح مفيييييييييش طب عايزه ايفاده اني خلصت الكليه او مقيده فيها انتي مش مقيده يا ماما انتي خريجه اوكي طب عايزه ورقه بقي اني خريجه انتي لسه متخرجتيش يا ماما يالهوييييييي والله حرام وربنا اللي بيحصل فينا ده حرام جدا.
اه نسيت يبقي انت اكيد في مصر
لو يقولولك هيعملولك حفلة تخرج في احسن حته في مصر وتدفع مبلغ محترم وتاخد الحج والحجه وتروح وتلاقي نصب في نصب يبقي انت اكيد في مصر والله لو تعرفو المبلغ اللي دفعتوه تضربوني بالنار لان تقريبا البنت اللي لمت الفلوس مننا كانت عمله حفله ليها ولصحابها ونسيو ان فيه ناس تانين معاهوم بس حسبي الله ونعم الوكيل .

لو تلاقيها كل ما تفرج تتعقد كل ما تفرج تتعقد يبقي انت اكيد في مصر .

لو النت يفضل فاصل عندك بالشهر ويجي المحصل يقولك الاشتراك يبقي انت اكيد في مصر.
لو في وزاره اسمها الطرق والكباري وتلاقي برضو الشوارع مدغدغه ومكسره يبقي انت اكيد في مصر.
لو تلاقي موظفين قاعدين علي مكاتب وبياكلو وبيشربو وتبقي هاين عليك تعيط ادامهم ولا حياة لمن تنادي يبقي انت اكيد في مصر.

لو لاقيت مفيش ضمير مفيش ادب مفيش اخلاق يبقي انت اكيييييييد في مصر.

تصدقو بقي في حاجات كتييييير عايزه اقولها بس انا مليت اديني قاعده مستنيه ورقه معطلاني هتخليني استني عشرين يوم كمان وطبعا الشغل مبيستناش حد يعني لو مروحتش الشغل ده يبقي اكيد اما ادور علي شغل تاني هلف نفس اللفه اللي لاقيتها بس حسبي الله ونعم الوكيل في اللي مبيراعيش ضميره في شغله ويعقدها عالناس.
برضو مش هكتئب قدر الله وماشاء فعل وكل حاجه ليها وقتها بس حبيت انقلكو اللي حصلي واليلي كان مأخرني عنكو واللي اكيد غصب عني
سلام بقي عشاااااااااااااااان اقوم اتشل شويه عشان انا اكيييييييييد في مصر.

هناك 23 تعليقًا:

كيكى عوووووو يقول...

عووووووووووووووووووووو
انا جيت اتخدتى
..........................
اخيررررررررررررررررررررررررلل
ظهرتىىىىىىىىىىىىىىىىىىىىىىىىى
لولىىىىىىىىىىىىىىىىىىىىىىىى
لولىىىىىىىىىىىىىىىىىىىىىىىىىى
............................
وحشتينىىىىىىىىىىىىىىىىىىىىىىىىىىى
يابت مش قولتلك تعالى خد التاج
خلااااااااااااااص
خلل
..............................
ما احنا اكيد فى مصر امال فى ابو اتاتة
ههههههههههههههههههههههههههه
عوووووووووووووووووووووووووووووو

كلامنجي يقول...

انتو شايفين ان مصر هي السبب ماهي هي مصر الي اتبنت عليها الحضاره العظيمه من 7 تلاف سنه كل الي اتغير هم الناس مصر ملهاش دعوه ماتظلموهاش لك خالص الاحترام

wanna b a physician يقول...

اختصرى يابنتى
لما مش تلاقى حياة ولا بنى ادمين بجد ولا ضماير
يبقى انت اكيد اكيد فى مصر اااااااااااااه
وحمدلله عالسلامة للرجوع الكريم بس زى ما قولتلك كنتى انتحرتى ورحمتينا ههههههههههههه
تحياتى يا الا انتى كان اسمك ايه هههههههههههههههههههههه سلام

نعكشة يقول...

ربنا يبشرك بالخير
ياللي في مصر

بس مليش دعوة لسة الدنيا بخير :D

شكلي هتضرب دلوقتي


ربنا يعينك ان شاء الله و تنولي الشغلانةو الورق يطلع وا لاشية تبقي معدن
آمييييييييين

دمتي سالمة

سلامٌ عليكي

Empress appy يقول...

يا حبيبتى كل ده يحصلك شوفتى علشان مش استخدمتى قاعده نفش الريش اتعمل فيكى كده
بس عاوزة اقولك وحياتك فى اغلبيه البلاد كده اسالى اللى خرجوا بره مصر

غير معرف يقول...

يويو يا أمورة أول تلات تعليقات شيليهم عشان دول فايرس

نيجي بأه للمهم،، يبقى انت اكيد في مصر
ده انتي تعمليها حلقات يا روحي،، مصر ولاده بالعجايب واللي مش موجودة غير فيها،، سعاد حسني قالت: في الهند ام العجايب !!! أصلها ماكنتش عارفة ان مر كمان بنت هي أم العجايب

هيييييييييييييه،، اقول ايه بس يا ربي،، اسكت يا لساني اسكت

Dr.m يقول...

السلام عليكم
إحنا اكييييييييد في مصر لأن كل ده بيحصل في مصرنا العزيزه اللزيزه
لدرجة انك لو قلت في بداية البوست أنا رحت أخلص أوراق حكوميه وروتينيه من بلدنا المصريه كنا احنا توقعنا كل اللي حصل ده من غير ما تقوليه
تحياتي ليكي البوست حلو ودمه خفيف
سلام

شفـقــة و إحســــان يقول...

نو كومنت......
اللى بيحصل ده بيخلى الواحد فعلا يتاكد انه اكيد اكيد فى مصر
شفقة

غير معرف يقول...

المفروض من زماااان اوي يشيلوا لقب موظفين ويحطوا بداله تنابلة السلطان

يوميات فنانه مفروسه جداا يقول...

يا كيكي يا حبيبتي

والله انتي وحشاني اكتر وحاضر هاجي اخد التاج انا جايه اهه

ميحرمنيش منك ابدا ابدا

سلامز

يوميات فنانه مفروسه جداا يقول...

كلامنجي
=-=-=-=-
ماهوا اكيد ناس مصر هما السبب فعلا الناس بقت وحشه جدا

وليك برضو فائق الاحترام نورتني في اول زياره ويا رب تكررها

سلامز

يوميات فنانه مفروسه جداا يقول...

wanna b a physician
=-=-=-==-=-=-==--==-
خدامتك يا سمييييييييين أسمي يا سمين أنا حضرتك وبعدين مضايققاك في ايه انا انتحري انتحري كل شويه يا ساتررررر

علي اعداء الفن والفنانين يا رب

اهموا الدكاتره كلهم كده يكرهو الفنانيين عما هههههههههههه

سلامز

يوميات فنانه مفروسه جداا يقول...

نعكشة
=-=-=-=-=
يا رب يا ختشي يسمع منك ربنا

نورتنيني يا نعكوشتي

سلامز

يوميات فنانه مفروسه جداا يقول...

appy
=-=-=

مبعرفش انفش ريشي يا اابي

وبعدين برا مصر وجوا مصر يادي النيله ياختشي

طب نروح فين طيب

والله وحشاني جدا جدا يا اابي يا حياتي

سلامز

يوميات فنانه مفروسه جداا يقول...

أحسن تـستاهـل
=-=-=-=-=-=-=-=

مهاميهو يا جميله وحشتيني جدا جدا والله

انا سمعت الكلام ومسحت الكومنتات اهه

واسكت يا لساني ليه يعني اتكلمي وقولي اللي عايزاه كله ولا يهمك

ربنا يستر بقي

نورتيني يا احلي مهاميهو في الدنيا

سلامز

يوميات فنانه مفروسه جداا يقول...

Dr.m
=-=-=-
مصر فعلا لذيذه اوي اوي يا دكتور ام

واضح من اللي بنشوفوه

نورتني والله

سلامز

المنسى يقول...

دى حاجات دايما بتحصل معانا ومع كل الناس بس إللى فى مصر بس طبعا

ونفس الكلام ده بس بصراحة مش بالظبط حصل معايا الإسبوع اللى فات وانا رايح أقدم فى التدريب ونظرا لإنه تدريب بس مكنش زحمة ولا حاجة لإنه ببلاش يعنى


بس لازم تتطلع تمضى وتروح تصور وتنزل تمضى وتطلع تختم وتروح تجيب وفى الأخر تدفع 20 جنيه وأربعين قرش
أموت وأعرف بتوع إيه الأربعين قرش دول

وبما أنى هموت وأعرف وهموت قبل ما أعرف

هقولك لنا ولكى الله
وإحنا فعلا أ:يد فى مصر

Mafrousa يقول...

ازيك يا فنانه
انا كنت فى مكان النت فيه كان صعب كتير
اخبارك ايه
يوم التبرع مش عارفه اذاكنت حقدر آجي
اللى بيتبرع ده لازم يكون عنده دم اصلا..و انا دمي محروق على طول

بالنسبة للبوست بتاعك
مش بس انت اكيد قى مصر
لأ
المفروض نقول
المصريين اهمه...مصر مالهاش دعوه
المصرين..المستنيلين على عنيهم همه اللى بيزلوا بقية المخاليق و يطلعوا عنيهم..و يوقفولهم المراكب السايره
تحياتي

يوميات فنانه مفروسه جداا يقول...

شفقة هانم واحسان بك
=-=-=-=-=-=-=-==-=-=-=
مش كده ولا ايه دا احنا قربنا نهرب من مصر ديه

نورتوني يا احلي كابل في الدنيا

سلام

يوميات فنانه مفروسه جداا يقول...

ketchup
=-=-=-=-=
قول تنابلة المكاتب الومظفين التابله

ربنا يرحمنا

حلوه الصوره الجديده يا كاتشب

نورت

سلامز

كيكى عوووووو يقول...

عووووووووووووووووووووووووووو
انا جيت تااااااانى
اتخديتى تاااااااانى
...........................
لسة مخدتيش التااااااااج
طب ماااااااااااااااشى
براحتك
.......................
وانتى بتغيبى بجد
بتروووووووووووووووووحى فين
قولى مش هقول
لاى حد
..........................
على العموم
ربنا يخليكى ويسعدك على طوللللللللللل
الخط
عووووووووووووووووووووووو

كيكى عوووووو يقول...

بجد والله وحشتينىىىىىىىىىىىىى
اووووووووووووووووووووووووووى

غير معرف يقول...

بصي




































انا














اكيد














مصري













اصلي بحبها وخصوصا كل ماتتعقد














دي عشرة



















وعمر واهل



عجبتني التدوينة دمت بخير