الأحد، 25 يناير، 2009

سياسات البطييييييييييييييييييييييييييييخ!!!!!!!!!!!!!!!!!!!!!!!!!!


الله عليه !! البطيخ يالهويييييييييي بموت فيه ومع جبنه اسطمبولي بقي
ورغيف عيش سخن كده بقي يا نهاررررررر اتصدق جوعت!!!!!!!!!
ولا بقي مع منجايه في الحر اوعي وشك بقي بجد بطيخ بطيخ يعني مش اي
حاجه يعني !!!!!! حط بقي معاهم حبة عنب كده ومشميتين لا لا لا يا
جماعه انا عايزه بطيخ بقي دلوقتي ماليش فيه انا عايزه ثمره اثمرولي
بطيخه!!! ايه اللي انا بقوله ده خلاص اهه هدخل في الموضوع
بعد تفكير وتمحيص وتشخيص وتمعن وتفنن وتمكنن اكتشفت ان البطيخ مش
مجرد ثمره بناكولها وخلاص ؟؟؟؟؟؟؟؟ ها ها ها كلا البته
انا اكتشفت ان البطيخ له سيايه يا جدعان !!!!!!! أيون سياسه
وربنا سياسه بكل ما تحتويه الكلمه من معني (يالهوي انا بقيت برطن
بالنحوي لووووولي) ماعلينا اكملكو بقي
سياسه البطيخ ..فكر كده حضرتك لحظه معايا غمض عينيك وطلع لسلنك
وطرطء ودانك وارجع بذاكرتك لوراه وانت رايح بتشتري بطيخه!!!!!
تدخل علي البياع سبع اسد سلطان زمانك تبص للبطيخ كله نظرة ثقه
اتقان وتنشن علي واحده وتقعد تخبط وترزع والبياع يقولك خد ديه
تقوله لا هيه ديه يقولك طب ديه وتقوله لا اخودشي غير ديه هيه ديه
وقلبك كده مسبشر خير انها تطلع حمرا وتاخدها وتروح عالبيت وايه
هاتو سكينه !!والحاجه تقولك منصور يابني ان شاء الله حمرا يا ضانيا
قلبي حاسس والله والحاج يقولك لا والله وعافارم عليك وعرفت تنقي وا ولاه
وتلاقي اخواتك مبرقين ومستنين بقي والناس يباركولك ودي باين عليها
بطيخه ايه واوعي يا جدع!!!!
وتأتي اللحظه الحاسمه وتشق البطيخه وتلاقيها قرعه ان ان ان اااان
تشششششششششششش اول حاجه تلاقي الحاجه تقولك انا كان قلبي حاسس انها
قرعه اساسا نظرتها من الاول البطيخه ديه مش مريحاني وتلاقي الحاج
يقولك اتحمل بقي نتيجة غلطتك واطفحها لوحدك واخواتك يقرفو منك
والجران يضحكوا عليك!!!!!!!!
يا تري ايه اللي الواحد ممكن يعملو في الحاله ديه ؟؟؟؟؟ ناس كتيير
اوي بتتقبل البطيخه علي قرعها وتقول اهيه مع حتة جبنه ولقمه
تتبلع واهي ماشيه وخلاص وواحد تاني علي اقرب مقلب زباله يقوم
راميها ولاعن اليوم اللي اشتري فيه بطيخ ومبطله اساسا
وواحد تالت يصر انه يرجعها للراجل وياخد بدالها واحده حمرا
وميستسلمش ابدا !!!!!!!!!
بس عادة الناس بتختار الحل الاولاني اهي حتة جبنه ونبلعها ونعيش
طعمها وحش مش مشكله مش مبلوعه مفيهاش حاجه
السؤال بقي يا تري انت هتختار انهي سياسه من سياسات البطيخ
علي اعتبار انها هي اللي ماشيه حاليا في البلد!!!!!!!!!

هناك 20 تعليقًا:

عالم حبيب يقول...

ضحكتيني جزاكي الله خير

شوقتينا للبطيخ بقالي يجي سنة تقريبا ما اكلتوش .. الحل الأحسن بقى ان الواحد ياخدها عالسكين .. يعني يشقها عند الراجل علشان لو طلعت قرعة يرجعهالوا تاني

المعنى اللي ورا الكلام جميل

بنوتة يقول...

هههههههههههههههههههه
بصراحة الشعب المصرى بلع كل حاجة مش يقولك معدته تفوت فى الحديد
هو أكبر مب كده بكتييييييييييييييير
تحياتى ليكى

wanna b a physician يقول...

انا اختار اتعلم الاول ازاى انقى البطيخ وبعدين اروح اشترى
عشان ما اغلطش واقع فى الخطأ صح كدا

وبعدين انا باعرف انقى بطيخ ومش اى حد يخبط لا مؤاخذة يبقى بطاخ هههههههههه
او على راى عدوية ده احنا معلمين على البطيخ نخبط نعرف جوه مين ( احمر ولا أقرع )

NİSANUR يقول...

selamun aleykum I'from Türkiye,from Ankara

حازم سويلم يقول...

بطيخ وجبنة وعنب ومانجو, والله العضيم انا جعت وانا بقرأ التدوينة

تحياتى من غير بذر

شفقة هانم واحسان بك يقول...

والله برافو عليكى فعلا تشبيه تحفة
بس اللى مابيحبش البطيخ يختار ايه؟
اكيد الب بتاعه
ولعلمك الكل هيختار الحل الاول انه ياكل مع حتة جبنة وخلاص
اصلنا كلنا كده بنحب نريح نفسناونختار الاسهل

نهر الحب يقول...

شعب مرتاح وبيحب الانتخة
والبطيخ ؟!!
اللى فهم تعليقى يقولى
تحياتى

mohamed ghalia يقول...

ايه ده هى البلد سياستها البطيخ ولا الكوسه والقرع
على العموم كله بينفع فى بلدنا
سعيد بالتعرف على مدونة حضرتك
دمتى بحفظ الله

مصطفى أبوزيد يقول...

الحقيقه انا مختلف تماما
انا اصلا ما بحبش البطيخ
تخيلي

______
تقبلي مروري
تحياتي

موناليزا يقول...

تقريبا انا فاهمة قصدك:)
بس اجابتى انى مبفكرش اشترى بطيخ من اساسه

غير معرف يقول...

أنا ضحكت أوي ..

وثمّ ..

" أولاً " : ألف سلامة , وإتعلمو تركبو ميكروبصات بقى ..ماعلينا ,,

" ثانياً "بجدد إنت صعباانه عليّا جداا ا ربنا سترر بجدد ,,ألف سلاامة بجدد

"ثالثاً " المقال بيضحك أوي , بس مش هعلّق بقى عشان أميرة قاعدة جنبي ..

"رابعاً" ما ينفعش ما أعلقش حتى لو أميرة جنبي ..لازم أعلق

"خامساً" لازم أفكر أولاً هعلّق على إيه بالزبط ؟؟
ثانيا اللي هيا تبع أولا اللي هي في خامساً التعليق لازم يكون محترم برضو .. بس يبقى إيه ؟؟

"سادساً " البطيخ طعمو جميل أوي ..

"سابعاً " خلاص بقى عشان أنا بهيّس وده مش كويس .


أخيراً ..
السياسة ليست فقط بطيخه قرعة ..!!
بل ما هو أشدّ ..
والمهم إننا كلنا بناكل ..
ونسكت ..

وألف شكر

يمنى

انت تسال والكمبيوتر يجيب يقول...

دعوه
الأخ العزيز/او الأخت العزيزه
تحيه طيبه
ندعوك للمشاركه فى برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام وهو يذاع يوميا التاسعه وعشر دقائق صباحا عدا الجمعه وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا
المدونه
http://netonradio.blogspot.com
الموقع
http://dear.to/cairo

Fantastic يقول...

ههههههههههههه
والله الشعب ده بيسلك ف اى حاجه
عجبنى البوست جدا:)

أبو العريف يقول...

انت يا بنتي عايشه في ميه البطيخ
لان كلامك كله مبطخ
بس تصدقي ان بطيخه بالفرنساوي اسمها
باستيك
يعني واخدينها من عندنا
هما اساسا ما لهمش ف البطيخ

عاشقة الحق وقاهرة للظلم ومحبة للحرية يقول...

السلام عليكم

اولا زوقك جميل اوى فى اختيار الالوان وتصميمك للمدونة والموسيقى الهادية جدا

ثانيا البوست رائع

بس حتى البطيخ ليه سياسة:D

wanna b a physician يقول...

ياسلام باست ياسمين هنفضل كدا كتير
كل شوية غياب غياب على فكرة ده اخر انذار
بعد كدا رفد من المدرسة ههههههههه

لا بجد مش ناوية تبطلى تغطسى احسن فى مرة مش تقبى تانى
ساعتها مين هيفرسنى

يارب تكونى بخير
ابقى طمنينا عليكى

سلام

الرابطة وبناء الأمة يقول...

السلام عليكم ورحمة الله وبركاته
نتقدم بدعوي لك أخي ( أختي ) المدون بمناقشة
محاكمة عادلة
مبارك بين التأييد والرفض
ملف يناقش ويحلل ويضع الحلول
رائيك يهمنا جدا
مع خالص تحياتنا الكتيبة السياسية

رئـــــيسـة حزب الأحلام يقول...

ازيك ياجميل بصى من الاخر انا فهمت ان ومالحياة الا بطيخة ياحمرا ياقرعة
اما بقى عن يوم التبرع ادعيلى بس اقبض بس المرتب وساعتها هاجى هههههههههههههههههه هعمل ايه ادعيلى انتى بس
تحياتى لكى ونشوف بعض على خير

واحدة مفروسة يقول...

انا جبت بطيخة امبارح
لااالااالااا
و كانت حمرا و زي العسل
تاخدى حتة؟؟؟؟؟

will يقول...

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人