فنانه مفروسه

وحشتوووووني

2010-04-08T12:56:00.001-07:00

وحشتوني كلكووو والله ونفسي ارجع اكتب تاني واتواصل معاكووو تاني بس مش عارفه

وحشتني الكتابه التعليقات والحوارات واللف علي المدونات بس للاسف مش عارفه ارجع تاني

وحشتيني اوي يا فاتيما ويا مفروسه ويا ابي ويا خيخيه ويا داليا ويا مهاميهوو

وحشتني الشقاوه اللي كنت بتشقاها في المدونه

قريب اوي هرجع اقلبها مراجيييح تاني

ادعوولي لو لسه فاكرني

مفروسه ومتغاظه وهتطق

2009-03-29T11:11:00.000-07:00

والله ما عارفه ابدا منيييين

مأنا كل ماقول وانا مالي اشوف حاجه افظع من اللي قبلها !!!!!!!!!!!!! طيب وبعدين معاكو يا بشر وبعدين يا مصرييين هنتغير امتي هيتصلح حالكو امتي حد يرد ويجاوب عليا يا جدعان الا انا نافوخي بيضرب مش هيضرب

بقي انا وانا في الكليه كنت بركب المتروو واقعد في عربيه السيدات وانزل التحرير المحطه اللي قدام المجمع واركب تاكسي انا واصحابي للزمالك عشان اروح كليتي لحد هنا جميييل .... خمس سنين وانا علي الحال ده اتاريني مكنتش بشوف حاجه وكنت اما اسمع حد يقول شوارع مصر ولا زباله ولا اولاد شوارع ولا اي حاجه اهت فيه واقوله يا مفترين يا ظلمه يا كفره فييييييين ده مانا بنزل كل يوم والبلد زي الفل!!!!!!!!! اتاري المترووو والتحرير والزمالك كانو شايللين عني كتتتتتتتتتتتتتتتتير كتتتتتتتتتتتتتتتتتيييييييير

وبعد ماشتغلت الحمد لله وبدأت العربيه اللي بركبها تمشي بييا لارض الواقع واشوووف الناس بقي بخيرها ببهاريزها بسلططتها وبابا غنوجها شووووووفت اللي عمري ما شوفته واأتأكدت اني اكيييدد اكيييييييييييد في مصر.......واليكم يا ساده ما ااراه كل يووم واتأكد منه اني اكييدفي مصررر وااللي يشوفه يتأكد بقي انه في مصر بقي

لو شفت

******

*صندووووق زباله كببببببببببيييير يعني من الاخر كده مقطوره قالبنها صندوووق والناس تسسسيب الصندوق وترمي بره حوالليه اعرف انك في مصر.

* شواررع كانت تمام وكويسه وتتكسر عشان المجاري وتترصف وتتكسر تاني عشان الصرف وتترصف وتتكسر تاني عشان العاز وتترصف وتتكسر رابع عشان خاطر المقاول وتترصف وتتكسر خامس عشان خاطر عيوون حد تاني وتترصف وتتكسر سادس بقي عشان خاطر عيون حد برضو مش هقول ومييييين وفي الاخر تتساب متكسره او تترصف مدغدغه واي كلام يبقي انت اكيييييييد في مصر.

*لو ماشي في طريق سريع وتقعد تتشاهد وبمعدل كل دقيقه تقول يا رب سلم عشان لا السواق اللي راكب معاه مراعي الارواح اللي راكبين معاه ولا العربيات اللي حوالييك مراعيه ده يبقي انت اكييييد في مصر.

*لو علي الدائري وماششين عادي كده ولاقيت الناس اللي حوالييييك مستغربين وبيسالوو بعضهم هوا مفيش حادثه انهارده ولا ايه لان بقي الطبيعي دلوقتي الحوادث يبقي انا اكككييييد في مصر.

*لو شفت ردم وتكسسسير وتراب وبلا ازرق في كل حته ومش لاقينله مكان يغوروه فيه غير الشوارع اتأكد انك في مصر.

*لو دخلت سوبر ماركت ولاقيت الناس بتعبي في اخر عزمها وكأن الاكل هيخلص اعرف انك في مصر.

*لو مشيت في اي حته وسمعت الفاظ مش ولابد من الناس اللي بقي ده الطبيعي عندهم وبقي الهزار كله قلة ادب اعرف انك في مصر.

*لو ركبت اتوبيييس ولاقيت الشباب قاعديين وعامليين نايمممين او الايمان واخد حده وبيقرأو قرأن والعواجيييز وكبار السن والبنات والستتات واقفيييين عاديييي يبقي انت فيييين ؟؟؟؟؟ برافو في مصر.

*لو انعدم الضميييييير والاخلاق والذوق والادب وشوفت ده بين بعينك اعرف انك في مصر.

*لو شفت بقي البناطييل المحزئه علي البديهات والبلوزات القصيره علي الجيبات الضيقه وعليهم حجاب اعرف بقي انت في مصر.

*في حاجه بقي والله بتحسبن كل ماشوفها انا مش عارفه اقولها ازاي بس في حديييث بيقوول

عَنْ ابْنِ عَبَّاسٍ رضي الله عنهما قَالَ : مَرَّ النَّبِيُّ صَلَّى اللَّهُ عَلَيْهِ وَسَلَّمَ بِحَائِطٍ مِنْ حِيطَانِ الْمَدِينَةِ أَوْ مَكَّةَ ، فَسَمِعَ صَوْتَ إِنْسَانَيْنِ يُعَذَّبَانِ فِي قُبُورِهِمَا ، فَقَالَ النَّبِيُّ صَلَّى اللَّهُ عَلَيْهِ وَسَلَّمَ : ( يُعَذَّبَانِ ، وَمَا يُعَذَّبَانِ فِي كَبِيرٍ ، ثُمَّ قَالَ : بَلَى ، كَانَ أَحَدُهُمَا لا يَسْتَتِرُ مِنْ بَوْلِهِ ، وَكَانَ الآخَرُ يَمْشِي بِالنَّمِيمَةِ ، ثُمَّ دَعَا بِجَرِيدَةٍ فَكَسَرَهَا كِسْرَتَيْنِ ، فَوَضَعَ عَلَى كُلِّ قَبْرٍ مِنْهُمَا

كِسْرَةً . فَقِيلَ لَهُ : يَا رَسُولَ اللَّهِ ، لِمَ فَعَلْتَ هَذَا ؟ قَالَ : لَعَلَّهُ أَنْ يُخَفَّفَ عَنْهُمَا مَا لَمْ تَيْبَسَا ، أَوْ إِلَى أَنْ يَيْبَسَا صدق رسووول الله

يعني النميمه وعرفناها انما بقي اللي بيحصل في الشارع عيني عينك كده واللي بيعمل كده اللي مبيراعييييش ناس ماشي ولا قرف بيتعمل يعني بقي ياريت الناس دوول بجد يخلو عندهم دم بقي وفعلا الكلام ده مبيحصلش غييير في مصر.

*في بلاوي ومصايب والله بشوفها كل يووووم ومش قادره اعمل حاجه مشكلتنا بقت مشكله مجتمع ووعي وذوووق وضمييير واخلاق ومبادئ يتري نطبق ايه ولا ايه ولا نمسك في ايه ونسييب ايه

ديه امثله بسيطه من اللي الواحد بيشوفها كل يوم واكيييد كلكو بتشوفو الكلام ده

وياريت كل واحد يبتدي بنفسه لعل حالنا يتصلح في يوووم من الايام

بس انا حاطه نيه ان من رأي منكرا فليغيره اينعم انا بغيره بقلبي ولساني بس عشان مش في ايدي حاجه بس اهيه بدايه ااننا نتكلم ونظهر عيوبنا واخطائنا وبلاوينا ونحاول نغيرها يمكن نتغيرر ويتصلح حالنا في ييييييوم من الايام.

دعوه للتصالح

2009-03-14T11:18:00.001-07:00

لا اله الا أنت سبحانك انى كنت من الظالمين . رب انى كلي ذنوب وأنت العفو الغفور .لا اله الا أنت سبحانك انى تبت اليك وانى من المسلمين فتب علىّ انك أنت التواب الرحيم.لا اله الا الله واستغفر الله لذبنى وللمؤمنين والمؤمنات.رب اغفر لى ولأمة نبينا محمد صلى الله عليه وسلم مغفرة عامة وارحمنى وأرحم أمة نبينا محمد صلى الله عليه وسلم رحمة عامة . رب أغفر و أرحم وأنت خير الراحمين .ربا ان تعذبنا فانا عبادك وان تغفر لنا فانك أنت العزيز الحكيم . يا أرحم الراحمين . يا ارحم الراحمين . يا أرحم الراحمين برحمتك نستغيث فأغثنا وابدل سيئاتنا حسنات وأقرر عين نبينا محمد صلى الله عليه وسلم بى وبأمته.ياسلام سلمنى من كل أمر فى حياتى ويوم أموت ويوم أبعث حيا.رب أنت ولىّ فى الدنيا والاّخرة توفنى مسلما والحقنى بالصالحين .وسلام على المرسلين والحمد لله رب العالمين
يا ريت يا جماعه نجعلها دعوه للصلح ونفتكر الموت وان الدنيا فانيه ونتصالح مع بعض
انا دخلت عن خيخه وقريت عندها الدعاء بتاع التصدق بالعرض
اللهم اني اشهدك اني تصدقت بعرضي علي من ظلمني يا رب يا رب سامحنا كلنا واعفو عننا ارزقنا حسن الخاتمه والله يا بجد الدنيا ما تستاهل حد يزعل من حد
بالله علي اي حد يدخل عندي وزعلان مني اني ضايقته ولا قولتيله حاجه زعلته انه يسامحني لوجه لله تعالي
ربنا يكرمكو كلو يا رب ويرزقنا كلنا حسن الخاتمه.اميييييين

سياسات البطييييييييييييييييييييييييييييخ!!!!!!!!!!!!!!!!!!!!!!!!!!

2009-01-25T08:58:00.000-08:00

الله عليه !! البطيخ يالهويييييييييي بموت فيه ومع جبنه اسطمبولي بقي

ورغيف عيش سخن كده بقي يا نهاررررررر اتصدق جوعت!!!!!!!!!

ولا بقي مع منجايه في الحر اوعي وشك بقي بجد بطيخ بطيخ يعني مش اي

حاجه يعني !!!!!! حط بقي معاهم حبة عنب كده ومشميتين لا لا لا يا

جماعه انا عايزه بطيخ بقي دلوقتي ماليش فيه انا عايزه ثمره اثمرولي

بطيخه!!! ايه اللي انا بقوله ده خلاص اهه هدخل في الموضوع

بعد تفكير وتمحيص وتشخيص وتمعن وتفنن وتمكنن اكتشفت ان البطيخ مش

مجرد ثمره بناكولها وخلاص ؟؟؟؟؟؟؟؟ ها ها ها كلا البته

انا اكتشفت ان البطيخ له سيايه يا جدعان !!!!!!! أيون سياسه

وربنا سياسه بكل ما تحتويه الكلمه من معني (يالهوي انا بقيت برطن

بالنحوي لووووولي) ماعلينا اكملكو بقي

سياسه البطيخ ..فكر كده حضرتك لحظه معايا غمض عينيك وطلع لسلنك

وطرطء ودانك وارجع بذاكرتك لوراه وانت رايح بتشتري بطيخه!!!!!

تدخل علي البياع سبع اسد سلطان زمانك تبص للبطيخ كله نظرة ثقه

اتقان وتنشن علي واحده وتقعد تخبط وترزع والبياع يقولك خد ديه

تقوله لا هيه ديه يقولك طب ديه وتقوله لا اخودشي غير ديه هيه ديه

وقلبك كده مسبشر خير انها تطلع حمرا وتاخدها وتروح عالبيت وايه

هاتو سكينه !!والحاجه تقولك منصور يابني ان شاء الله حمرا يا ضانيا

قلبي حاسس والله والحاج يقولك لا والله وعافارم عليك وعرفت تنقي وا ولاه

وتلاقي اخواتك مبرقين ومستنين بقي والناس يباركولك ودي باين عليها

بطيخه ايه واوعي يا جدع!!!!

وتأتي اللحظه الحاسمه وتشق البطيخه وتلاقيها قرعه ان ان ان اااان

تشششششششششششش اول حاجه تلاقي الحاجه تقولك انا كان قلبي حاسس انها

قرعه اساسا نظرتها من الاول البطيخه ديه مش مريحاني وتلاقي الحاج

يقولك اتحمل بقي نتيجة غلطتك واطفحها لوحدك واخواتك يقرفو منك

والجران يضحكوا عليك!!!!!!!!

يا تري ايه اللي الواحد ممكن يعملو في الحاله ديه ؟؟؟؟؟ ناس كتيير

اوي بتتقبل البطيخه علي قرعها وتقول اهيه مع حتة جبنه ولقمه

تتبلع واهي ماشيه وخلاص وواحد تاني علي اقرب مقلب زباله يقوم

راميها ولاعن اليوم اللي اشتري فيه بطيخ ومبطله اساسا

وواحد تالت يصر انه يرجعها للراجل وياخد بدالها واحده حمرا

وميستسلمش ابدا !!!!!!!!!

بس عادة الناس بتختار الحل الاولاني اهي حتة جبنه ونبلعها ونعيش

طعمها وحش مش مشكله مش مبلوعه مفيهاش حاجه

السؤال بقي يا تري انت هتختار انهي سياسه من سياسات البطيخ

علي اعتبار انها هي اللي ماشيه حاليا في البلد!!!!!!!!!

قالوا عن الياسمييين

2009-01-14T13:30:00.000-08:00

(زهرة الياسمين ..كيف صرت سكين؟)_زهرة الياسمين هل تذكرين..؟يوم كنت فارساأرفع سيفي وكان ساعدي القوي الأمين وكنت يا زهرة الياسمين حولي من أطيابك تنثرين وكنت بأغنياتك تغردين قلت لك يومها لو أنك تخبئين شيئا من طيبك وقليلاً من تغريدك..لعاديات السنين فأخذت تضحكين تقولين وتقسمين:أنك ستبقين ياسميني و لو عادتني سنيني..وطيبك سيبقى طوع يميني.. وأنت ستبقين..زهرة الياسمين.ومضيت يا زهرتي مزهواً شامخ الجبين.أحارب بسيفي ظلمة الليل البهيم.وأخوض غمار النهار..وأعود إليك دون أن أسمعك الأنين.وتمضي السنون ويالها من سنين!ولم يعد السيف سيفي ولا الساعد ساعدي..فمالي لا أسمعك تغردين ؟!!وأين طيوبك ؟وأين ذاك اليمين؟يا زهرة الياسمين..بالله عليك كيف صرت سكين؟!ومضت..يا لقلبي المسكين في ذلك اليوم الحزين كل الذكريات صارت سكاكين كل الأمنيات صارت سكاكين ومضت..زهرة الياسمين وأنا والله لا ادري وحشرجة الفراق في صدري كيف سأكتبك ياشعري يا شعري الدفين ومضت..ومازلنا نثق بعهود الياسمين فلا نامت أعين العاشقين !!!!!!!!!!!!!!!!!!!!!!منقووووول

__________________________________________

والنبي يا جماعه واحد بيدور علي واحده اسمها ياسمين اللي يلاقيها الله يستره يقوله عليها احسن الراجل دايخ يا عيني من صباحة ربنا بلف عليها ومأجر عربيه وواقف عليها بالمكرفون وليك الاجر والثواب يا فاعل الخييييير

يا ياسممممممممممممممممين ردي عليا انتي فييييين

دعوه للصمت !!!!!!!!!!!!!!!!!!!!!!1

2008-12-18T11:14:00.000-08:00

قمة الحب ان يجبرك الصمت على الكلام فيعجز الكلام عن التعبير............. فتصمت!!!!!!!!!!!!

ناري نارييين ناري من جمالووو

2008-11-10T06:27:00.000-08:00

ناري نارين قلبي ايه جرالوو ..جابسي هوري مولاكااه ..جادو ميساري ساري نااااااااه ..ناريييييي نارينننننننن

ايه مستغربين ليه يعني اكمني بغني هندي اومال لوعرفتو داه انا دلوقتي بغني هندي واتكلم هندي واولع بخور هندي واشرب تمر هندي وعندي تجربه هنديه فظييييييييعه مريعه وكل ليه وبسبب ايه !!!!!!!!!!

هقولوكو,,,, بقي انا بقي بالصلاه عالنبي كده بشتغل في شركه لحد هنا سليم مفيهاش حاجه عادي يعني ماكل البشر بتشتغلو في شركات عادي يعني ايه المشكله مشكلتي بقي انا زمايلي في الشركه انترنشاونال زمايل برضو ايه المشكله.. استنو بس عليا مهو انا زمايلي من سيرلانكا وتيلاند والعراق والاردن وسوريا ولبنان والهند ... ايه المشكله بقي ... مهو المصيبه مش في حد فيهم غيييير الهنووووووووووووود

ومن اول يوم اشتغلت في الشركه وانا بعاني منهم والله أمشي في الكونيدور اسمع(خوب صورت - مي اب كب نهي بو لون قا- مادوري-كياسي)وقلت يا واد طنث خالص وامشي وخلاص . اجي ادخل الاداره اسمع(صباه الخير هندي-نيودياهي -انتي هندي وانا هندي) اجي ادخل القسم الاقي المصمم الهندي مسبلي ومتنحلي وانا مش عارفه فيه ايه يجي المهندس الهندي يشيك عالشغل قبل ما ينزل المكنه اسأله ايه رأيك في التصميم يقولي التصميم مووون اقوله ايه يقولي قمر ديزاين قمر اجي انزل عشان اروح الاقي اتوبيس الهنود كلهم مطلعين نصهم من شباك الاتوبيس وبيعملولي باي وبيضحكوا شكلي بقي وحش في الشركه من عمايلهم ديه وبعدين ايه يادي النيله عليا وعلي سنينيني يعني معجبيني يطلعو من الهند يعني البنانين والسورين عدمو خلاص من الشركه ايه الحظ الهباب ده . وفضلت علي الحال ده كتتييير لحد ما المصمم اللي معايا في القسم لاقيته جاي يكلمني هندي ويقولي شام خير انا تنحت وقولتيله نعم لاقيته كررها تاني شام خير وبيتكلم بصقه اوي وعشم غريب وانا متنحه برضو وبعدين اما زهق لاقتيته بيقولي ايه انتي مش افهم هندي ولا ايه انتا مش هندي هزيت راسي بالنفي وقولتيله لا يا خويا والنبي انا ما هندي انا مصري لاقيته قالي ازاي انتي مصري المصنع كله مفكر انتا هندي قولتيله ليه ان شاء الله اتاري الواد الغلابان وزمايله يا عيني مفكرني هنديه اكمني عندي حسنه الهنود في وشي والحسنه اللي في وشي طبيعي والمصحف الشريف وهما مفكرين انا عاملاها ولاني كمان سمرا مديه علي هندي شويه وهما يا عيني كان مفكرين اني هنديه او ليا اصول هنديه وعملو معايا الواجب تمام صياتوني في المصنع كله والله لحد هنا عادي مش مشكله المصيبه بقي في ايه المصيبه في يوم لاقيت الواد رامش الهندي جاي يقولي انا عايز اكون يور بوي فرند انا تنحت شوتين كده وبعدين قولت اكملها هزار وقولتيله بس انا مسلمه وانت مجوسي يا خويا يعني مينفعش لاقيت الواد بصلي ومستغرب اوي كده عادي يعني احنا كلنا انسان 8*&&*%$#@#@#@$#@!##$%$%!!!!!!!! دي حالتي يا جماعه وانا بسمع وروحت قيلاله نعععععععععععععععععم يا روح ماما كلنا انسان ازاي ياد مش انا يلا اصحي من قلت المصرين الجدعان الكمل ياض في البلد ابص لواحد هندي امشي يلاه من هنا احسن بضهر ايدي هرزعك قلم خدامين افوءك ياض وكمان مجوسي امشي يا بن التيييييييييت من هنا وبصيت واريا لاقيت زمايلي ميتين علي روحهم من الضحك وبيقولولي اهي ردحت يالبلدي بنت صلتح باشا

ومن هنا نطلع بأيه يا قماميييييييير العرسان الهندي بيكترو عليا اعملو حاجه يا مصرييييييييين الاغرئات من كل ناحيه مش هسيبك ابدا يا مصر مها يكووووووووون مهما يكووووووووووون

يلا بقي

مي اب كب نهي بو لون قاااااااااااااااااااااا

عودوننننن احمد(احمد ميييييييييييييييين)

2008-11-07T02:52:00.000-08:00

تحديث:
قال ايه مفروسه حبيبتي زعلانه مني اكمني مجبتش سيرتها تحت والله يا مفروسه يا اوختشي ولا ليكي عليا يمين طول مانا بكتب قاعده اقول ناسيه حاجه مهمه وقلبي مش مطاوعني انشر الموضوع بس تقولي ايه في الزهايمر وسنينه وعموما حئك علي راسي واحنا مفاريس زي بعضينا وانا بحبك قوي قوي والبؤين دول عشان انتي غاليه عندي واهديلك اغنية اه كان قلبي وروحي وعمري وبوسه علي خدك كمان موووووه.

أيه بسمعها كده عودون احمد وانا وربنا معرف حد اسمه احمد بستثناء خالي وعمي وابن عمي وابن خالتي وابن عمتي تقريا العيله كلها اسمهم احمد بس اعرف واحد اسمه احمد يالهوييي لا لا لا
مش عارفه اكتب ايه بس اللي قررت اعمله هو اني اكتب وخلاص وبعد فترة انقطاع ملهاش مبرر غير عدوي الاول اللي هو الزهق والملل وخصوصا بقي اني برج الجوزاء يعني اجدع واحده تقلب وتمل في ثواني برج مهوي ايه علي اخره يعني بس والله وحشتوني جدا اوي خالص
بس في خلال الفتره اللي فاتت ديه حصلي حاجات كتييير جدا ومواقف كتيره منها اللي صدمني ومنها اللي اتصدمو برد فعلي واتعلمت حاجات كتيير وخصوصا بعد الشغل وما ادراكو ما الشغل واللي بجد بجد اتعلمت حاجات كتيييير في الفتره القصيره ديه وده لان حياة الجامعه بتختلف اختلاف جزري عن التعامل في ارض الواقع والشغل بالذات وخصوصا وكل واحد بيقول يلا نفسي بس الحمد لله اوي اني كنت بلاقي حد ينصحني ويقف جنبي ومن الناس دول حبيبتي دولي (داليا قوس قزح)اما كنت بشتيكلها كانت بتنصحني بجد ربنا يخليكي ليا يا دولي يا حبي .
ومن موكعي هذا احب اقول

* دكتور من غير سماعه:الف شكر يا دكتور لانك سألت عليا طول فترة الغياب
*فاتيما : وحشتيني يا حبي اوي جدا ونفسي اشوفك
*ابي : مووووووه بوسه علس خدك
* خيخه ام شيكو : رغبه غريبه دفينه اني قعد معاكي واتعلم منك لانك فعلا دماغ جامده جدا
* مهاميهووووو : تقبليني صديقه مقربه ليكي يا مها.
سووووو : اسأل الله الكريم رب العرش العظيم ان يشفي حمزه ابن اخوك يا سووو
موناليزا: اما بقرالك بحس ان لسه الدنيا بخير وانا بحبك فالله منغير ماشوفك

سنووايت : رمز الحكمه والمثاليه في دماغي وحشتيني

مسجون في دمعته: ليك وحشه وربنا يكرمك وتغير قرارك

بس خلاص يلا سلام بقي
راجعلكووووووو تاني

2008-10-08T23:20:00.000-07:00

EL NET DA5al 3andy fe EL SHOGHLE YA WALAD

YA ALF NHAR ABYAD YA ALF NAHAR MABROOOOOOK

BAS EL KEY BORD ENGLSH BAS 3ADY WALA HAYHMANY

WA7ASHTOOOOOOOOONYYYYYYYYYYYYY

YASMINOOOOOOOOOOOOOOOOO

اللهم بلغنا رمضان

2008-09-01T12:44:00.000-07:00

اَللّهُمَّ اَعِنّي فيهِ عَلى صِيامِهِ وَ قِيامِهِ، وَ جَنِّبني فيهِ مِن هَفَواتِهِ وَاثامِهِ وَ ارْزُقني فيهِ ذِكْرَكَ بِدَوامِهِ ،بِتَوْفيقِكَ يا هادِيَ المُضِّلينَ .اَللّهُمَّ اجْعَل لي فيهِ نَصيباً مِن رَحمَتِكَ الواسِعَةِ، وَ اهْدِني فيهِ لِبَراهينِكَ السّاطِعَةِ، وَ خُذْ بِناصِيَتي إلى مَرْضاتِكَ الجامِعَةِ بِمَحَبَّتِكَ يا اَمَلَ المُشتاقينَ . اَللّهُمَّ حَبِّبْ اِلَيَّ فيهِ الْإحسانَ، وَ كَرِّهْ فيهِ الْفُسُوقَ وَ العِصيانَ وَ حَرِّمْ عَلَيَّ فيهِ السَخَطَ وَ النّيرانَ بعَوْنِكَ ياغياثَ المُستَغيثينَاَللّهُمَّ زَيِّنِّي فيهِ بالسِّترِ وَ الْعَفافِ، وَاسْتُرني فيهِ بِلِِِباسِ الْقُنُوعِ و َالكَفافِ، وَ احْمِلني فيهِ عَلَىالْعَدْلِ وَ الْإنصافِ، وَ آمنِّي فيهِ مِنْ كُلِّ ما اَخافُ بِعِصْمَتِكَ ياعصمَةَ الْخائفينَ . اَللّهُمَّ طَهِّرْني فيهِ مِنَ الدَّنسِ وَ الْأقْذارِ، وَ صَبِّرْني فيهِ عَلى كائِناتِ الْأَقدارِ، وَ وَفِّقْني فيهِ لِلتُّقى وَ صُحْبَةِ الْأبرارِ بِعَوْنِكَ ياقُرَّةَ عَيْن الْمَساكينِ . اَللّهُمَّ ارْزُقْني فيهِ طاعةَ الخاشعينَ، وَ اشْرَحْ فيهِ صَدري بِانابَةِ المُخْبِتينَ، بِأمانِكَ ياأمانَ الخائفينَ . أللّهُمَّ افْتَحْ لي فيهِ أبوابَ الجِنان، وَ أغلِقْ عَنَّي فيهِ أبوابَ النِّيرانِ، وَ وَفِّقْني فيهِ لِتِلاوَةِالقُرانِ يامُنْزِلَ السَّكينَةِ في قُلُوبِ المؤمنين . أللّهُمَّ إنِّي أسألُكَ فيهِ مايُرضيكَ، وَ أعُوذُ بِكَ مِمّا يُؤذيكَ، وَ أسألُكَ التَّوفيقَ فيهِ لِأَنْ اُطيعَكَ وَلا أعْصِيَكَ، يا جواد السّائلينَ أللّهُمَّ اجْعَلني فيهِ مُحِبّاً لِأوْليائكَ، وَ مُعادِياً لِأعْدائِكَ، مُسْتَنّاً بِسُنَّةِ خاتمِ أنبيائكَ ،يا عاصمَ قٌلٌوب النَّبيّينَ

اَللّهُمَّ اجْعَلْ صِيامي فيهِ صِيامَ الصّائِمينَ وَ قِيامي فيِهِ قِيامَ القائِمينَ، وَ نَبِّهْني فيهِ عَن نَوْمَةِالغافِلينَ، وَهَبْ لي جُرمي فيهِ يا اِلهَ العالمينَ، وَاعْفُ عَنّي يا عافِياًعَنِ المُجرِمينَ.اَللّهُمَّ قَرِّبْني فيهِ اِلى مَرضاتِكَ، وَجَنِّبْني فيهِ مِن سَخَطِكَ وَنَقِماتِكَ، وَ وَفِّقني فيهِ لِقِرائَةِ اياتِِكَ، بِرَحمَتِكَ يا أرحَمَ الرّاحمينَ .اَللّهُمَّ قَوِّني فيهِ عَلى اِقامَةِ اَمرِكَ، وَ اَذِقني فيهِ حَلاوَةِ ذِكْرِكَ، وَ اَوْزِعْني فيهِ لِأداءِ شُكْرِكَ بِكَرَمِكَ، وَاحْفَظْني فيهِ بِحِفظِكَ و َسَتْرِكَ يا اَبصَرَ الناظرين اللهم امييين امييين امييين

شكر لداليا قووس قزح والمعاونييين علي فكرة البوست ربنا يبارك فيكوو يا رب وتعمللونا افكار احلي واحلي.
لاي حد مقصره في حقه ومبزوروش من كل حبايبي سامحوني والله ماعندي وقت خالص انا بدخل عالمدونه بالعافيه من قلة الوقت
يارب اشهد عليا اي حد مزعلني انا مسمحاه ويارب تسامحه وتغفرله وتباركله وتسترها معاه دنيا واخره واي حد انا مزعلاه بالله عليه يسامحني وما يزعل مني وتباركله يا رب في مسامحته ليا.
كل سنه وانتو طيبين كل سنه وانتو بألف خير وصحه ويجعل رمضان السنه ديه خييير علي كل المسلمين يا رب.
الدعاء منقوول من منتدي ربنا يبارك في اللي كتبه ونزله في المنتدي عنده يا رب وتتقبله مننا يا ارحم الراحمين.
والسلام عليكم ورحمة الله وبركاته.

يووووم من عمري

2008-08-06T08:29:00.000-07:00

أتحدث اليكم من السيبر الشمالي الافغاني يالهويي هودي نفسي في داهيه ولا ايه دانا هنا في السيبر اللي بيقع شمال غرب جنوب شرق بيت مش هقول مين لاني عارفه اني معجبيني كتييير واكيد هيتتبعوني وانا قرفت خلاص

ندخل بقي في المهم اني خلاص نويت اغير شركة النت اللي بتاعمل معاها خلاص ومش هققولكو علي اسمها ربنا مايجعلنا من قطاعين الارزاق يا رب وبناء علي ان الوقت هنا بفلوس وانا لسه علي باب الله ومش نواين يدوني ورقه تثبت اني قضيا في المخروبه خمس سنين عشان اشتغل قررنا نحن فنانه مفروسه عاطله مفكوسه اني احكيلكو علي اللي حصلي يوم تجمع الاخوه البولوجرويه في اثناء الحمله الخيخيه للتبرع بالدم وطبعا لاني مش هقدر اغطي الليله زي ماغططها فاتما وغطاها سوووو فأنا هقول احساساتي وشعوراتي في هذا اليوم الحدث الفظيع المريع الشنيع وبداية نحكي بقي كلو يركز معايا
صحيت من النوم يوم الجمعه الصبح صحيت ايه هوا انا نمت من اساسه ما علينا المهم طبعا كان بقالي خششتاشر شهر بمهد للحج في البيت اني انزل يوم الجمعه اساسا ولاني بتحايل عليهم وببوس ايديهم عشان حد بس يدخلي المدونه ولا يقرالي حاجه ويدخلي عاالنت يعملي حاجه فكانت مشكلتي اني اعرفهم بالتجمع التدويني ده المهم تم المراد وطبعا كان لازم اقدم الرشوه علي الصبح فقمت من النوم بدري ظبط الظبابيط وعملت كوبايه التيه في الففتيه لماي فازر وروحت لابسه ولسه بقولهم نازله لاقيت الحج بيقولي رايحه فين اوبااااااااااااا هوا ايه يا حج انا بمهدلك من سنه فاتت عشان اروح لا يا حبيبتي بابا قاعد انهارده الجمعه وعايزك تقعدي معايا ونفطر مع بعض يا سلام يا سلام حبك الحب الابوي ده عالصبح المهم الحجه ادركت الموقف وظبططني ونزلت الحمد لله خلاص والله والله ماقدر اوصفلكو شعوري وانا نازله كان شعور جميل جدا جدا وروحت مكلمه خيخيه عشان اعرف السكه واذا بخيخه تعرفني يالهوييييي كنت حاسه اني بطير كده ووصلت وتمام التمام وادخل كده من الباب والاقي مين في وشششيي اوباااا اابي كنت عارفه شكلها من الصور في مدونة الصباغ ومن غير احم ولادستور سلام كده واحضان والبنت يا عيني مخضوضه طب قوليلي مين طيب وانا ولا هنا وأمؤؤؤؤؤه وامؤؤؤؤؤؤؤه وفي الاخر اما افتكرت قولتيلها اني فنانه مفروسه
واحب اقولك يا اابي حبيتك جدا جدا جدا اوي خالص وحبيت جرأتك واسلوبك لانها جرأه بنضج ويا رب نفضل اصحاب علي طول وبعدين عملت نفس العمله مع فاتيما يا نهار بقي زي ماتخيلتك يا فاتيما والله واحده كده اول ما تشوفها الواحد يحس بنبع حنان انفجر في وشه ربنا يخليكي لينا يا احلي فاتيما ويرجعلك يوسف بالسلامه وتفرحي بيه عريس بشمهندس لواء طيار علي رأ ي اابي ان شاء الله بس بجد نفسي يبقي التواصل مابينا اكتر من المدونات اميلات كده وحركات وبعدين ببص كده اوم ايه الاقي البشمهندس سووو قاعد بيملي استماره وروحت سلمت عليه وقولتيله كل سنه وهو طيب وعقبال ديشليون سنه يارب ونفرح بيك كده وتبقي وزير الثقافه ان شاء الله وتشغلني معاك صبي وزير علي فكره سوووو شخصيه محترمه ورجوله واخلاق ويجبر اللي قدامه انه يحترمه اي خدمه يا عم الحج وابعت الجنيه اللي ادتهولك بقي عشان سلافاه وبيطالبوني بيه حضرتك ايدك لميت نقطه ليك وللزمن بس ربنا يكرمك وبعدييين ايه اللي حصل يا بت يا ياسمين اااااااه روححت بقي سلمت علي خيخه صاحبة الليله كلها ومفيش غير اني اقولك يارب يجعله في ميزان حسناتك وتفرحي بشيكو يا رب ان شاء الله واتعرفت علي ميرا بنت رقيقه اوي اوي خالص ورحت رايحه في الركن البعيد الهادي ابص واشوف الناس بتعمل ايه وانا بقي قاعده كان قاعد جنبي ميييييين بابا ابو خالد يالهووووي يا جدعان انا سامعه الناس بيسلمو عليه طب اعمل ايه اسلم طب مش هيعرفني طب اعمل ايه نجدني بقي الاستاذ احمد كمال شخصيه كده ماشاء الله هيبه كده وهوا بيتعرف عالناس بقولو انا فنانه مفروسه ولاقي ايه بقي بابا ابو خالد قعد شويه كده وراح قايلي انت بقي فنانه مفروسه وانا تنحت شويتين وقولت اه وفي اثناء ما علامات الازبهلال لاقيت ابو خالد بيقولي انا عارفك ومتابعك يالهووووووووووووييييي متابع مين يا بابا انا دانا كان هاين عليا ازغرط وسلمت عليه وفعلا ماشاء الله عليه سماهم علي وجوههم فعلا ربنا يبارك في عمرك يا رب ويخليك لينا وتيجي من بور سعيد تنورنا كمان وكمان وبعدين جت بقي حبيبة قلبي اابي وروحت النادي معاها هيا وسوو وركبت بطوووط اه وربنا ركبت بطوووط مش تمنميت سي سي بس وربنا عربيه كده دي حتي اابي نقلت بيها المغمن عليها وعملت احلي واجب بيها ربنا ياركلك يا اابي وعقبال مانركبلك المرشيدس يا رب
واحنا بقي قاعدين في النادي لاقيت مييين لماضه جايه انا عرفتها من otv بس حبيتها اكتر اما شوفتها علي الطبيعه حاجه كده لماضه وزي السكر وفرحت اوي برضو اما عرفت انها عرفاني وبعدين الناس اتجمعو وتمام التمام والاقي واحده قاعده تبصلي كده وعايزه تقول حاجه وبعدين الاروبه لاقيتي بتورب راحت سألتهم مين ديه قالولها فنانه مفروسه وطلعت مهاميهوووووو احسن تستاهل وراحت قايلالي بقي ومؤؤؤؤه مؤؤؤؤؤه وانتي بقي مهاميهووو
كنت متخيلاكي غير كده خالص ملامحك البريئه مدلش علي شقاوتك في المدونه بس انا سعيده جدا اني عرفتك والله يا مهاميهو يا رب نبقي اصحاب بجد لاني فعلا حبيتك
واتعرفت تاني علي شيماء انسانه جميله ومش مفتريه خالص واتعرفت علي سلوي رئيسة حزب الاحلام هيا واختها سالي حاجه كده رقه وزوووق واخلاق ان شاء الله يبقي التواصل كويس مابينننا ونيجي بقي لميييييييييين لمين يا يا سمين اه البشمهندسه داليا قوس قزح يا نهار حاجه كده زووووووق ولطيفه وجميله وعزمتنا كلنا واقولك الف شكر علي احلي كوباية نسكافيه اتعزمت عليها والمره الجايه تجيبي نووور معاكي عشان ارسملها وكمان عرفت رودي الجميله اللي دخلتنا النادي بس مقعدتش معانا كتيير ان شاء الله نتعرف اكتر المره الجايه يا قمر وميييييييين تاني مين تاني اه خالد همس الاحباب شخصيه زوووق كده وتحس ان اخونا الكبير قاعد معانا والله ربنا يباركلك في همس يا رب وميييين وضياء والمنسي والعسقلاتي ونيجرو ودعاء مواجهات ناس محترمين قوي والله ماشاء الله عليهم
والصباغ اللي كان عامل جو لطيف بخفة دمه والله وايناس نهر الحب ان شاء الله ربنا يقويها وتعرف تعمل حاجه وسعيده جدا بمعرفتها .
يا رب اكون افتكرت الكل بس انا عندي مشكله في الذاكره لو مفتكرتش حد سامحوني بقي
والله كان يوووووم جميل جدا اوي خالص موووووت ربنا يكرمكو كلكو يا رب ونتجمع تاني تالت وعاشر ان شاء الله واحب اقولكو اني لو اتأخرت تعرفو اني اتشديت من قفايا لاني طولت في السيبر والحسابه بتحسب فربنا يسترها بقي ان شاء الله ويكرمكو كلكو يا رب

كانت معكم من احدي سيبرات مصر فنانه مفروسه مفكوسه عاطله بالكوسه وللللللووووووللللووووووويي ي ي ي ي ي ي ي ي ي

شيفت .....دليييييييييت من حياتك

2008-07-24T16:27:00.000-07:00

يا تري امته الواحد يكرر بجد بجد انه يشطب شخص معين من حياته

ويعمله شيفت ديليت من حياته كلها ولاي درجه بالظبط الواحد يفضل

مستحمل ويسأله الاول يمسحه من حياته ولا يمسح كده علي طول من غير

استأذان وهل لو الشخص المراد مسحه ساعد الشخص اللي عايز يمسحه

في حاجه بس ميخودش باله من تصرفاته الرخمه اللي بيعملها هل من حق

الشخص اللي قرف خلاص من انه فعلا يدلته نوهائيا من حياته ولا ايييه

رأيكو في الموضوع ده.

اللي خلاني اتكلم في الموضوع ده موقف معين حصلي من ساعة ما دخلت عالم

التدوين والمدونين واللي فعلا استفدت من التجربه ديه جدا جدا لاني

مر عليا اشخاص كتيييير ومن خلال التدوين قدرت افهم شوية حاجات

كتتتتتير كنت مش فاهمها بس اللي توصلتلو بجد ان البشر فعلا اصناف

كتييييير والمفروض اني اعامل كل واحد علي حسب طريقته وكمان ان اي

حد يضايقني اعمله شيفت ديليت من حياتي نهائيا يا تري انا كده صح

ولا غلط ولا ايه مش عارفه عايزه اعرف رأيكو في الموضوع ده.

شوسه ملحوسات صوغنتتات:

الموقف فعلا حصل معايا بس من مده وكنت مأجلاه لحد ما ربنا أذن وبجد بجد عايزه اعرف رأيكو في كلامي ده

ثانيا بقي ان طبيب بلا سماعه وكيكي كانو راملولي تاجين هرد عليهم في خلال الاتمون ده ان شاء الله اي خدمه عامللكو فيها عم المهم اهه

رابعا ممممممممممممممم مش عارفه

ثالثا بقي وده المهم اني مش عايزه اي حد في الدنيا يكون زعلان مني ومن خلال رأيكو معايا هحدد حاجات كتييييييير جدا جدا.

وسلام

=--=-=-=-=-=-=-==-=--=-=-=-=-=-=

تحديث : فاتيما قالتلي في تعليقيها ان البوست ده ملغم بس والله كل الناس حبايبي واخواتي والشخصيه اللي حصل معاها الموقف بعد ماعملتلها شيفت ديليت عملتلي برضو شيفت ديليت هههههه يعني خلاص مش بتيجي عندي المدونه هنا خالص مالص بس اللي خلاني اذكر الموقف ده دلوقتي ان فيه مواقف مشابه بتحصل واكيد هتحصل وانا مش عارفه اذا كنت اتصرفت صح ولا غلط لان الشخصيه ديه ساعدتني كتير وفهمتني حاجات بس مكنش فيه تميز في التصرفات معايا عشان كده مكنتش مجبره اني استحمل طريقة حد فقط لاغير اتمني تكون وصلت الفكره.

يبقي انت اكييييييييييييد في مصر

2008-07-17T08:06:00.000-07:00

وحشتونيييييييي جدا جدا والله العظيم

بس في فترة الانقطاع ديه حصلي شوية احداث يالهويييي وكأن اللي بيجرب يتفائل في مصر بطلعله كل شويه حاجه تخليه يغير رأيه ويتشائم اكتر ويردد الاغنيه المشهوره يبقي انت اكيد اكيد في مصر بتاعة شوية الشباب العثاثيل اللي طالعين يضحكو في الكريب بتاع الاغنيه واليكم ما حدث من بدايه التفوق الباهر بتقدير جيد مرورا بحفلة التخرج بمشاوير تخليص الورق بالكليه بالفيش والتشبيه والفلوس اللي دفعتها وحسبي الله ونعم الوكيل فيك يا فخري ي ي ي ي ي ي

بس في الاول عايزه اقول كام حاجه كده لو لاقيت نفسك بتعملها يبقي انت اكيد اكيييد في مصر ههههههههه نياهاهاهاهاهاه
1:لو روحت مصلحه حكوميه تخلص ورق ووقفت في طابورررر طويييل عريض ومخلصتش ورئك يبقي انت اكيد في مصر.

2:لو روحت نفس المصلحه الحكوميه برضو وطلع حد يعرفك هناك وعملت فيها عم الشريف النضيف اللي عايز يخلص ورقه بمجهوده ووقفت نفس الطابور الطويل العريض وروحت برضو من غير ما تخلص حاجه والحج في البيت اداك علي افاك عشان مستغلتش الفرصه اللي غيرك بيستغلها وروحت للمعرفه ده يخلصلك الورق يبقي انت اكيد في مصر.

3:لو قررت انك تروح هيا هيا المصلحه الحكوميه وتكلم المعرفه وخلصلك الورق في ثواني من غير تعب ولا حاجه وتقول ياااااااه لسه الدنيا فيها خير يا جدعان وانت رايح تستلم الورق تلاقيه شايلهولك في الدرج وتقول لسه فيكي رجاله يا مصر وانت رايح تستلم الورقه الراجل يبتبت في الورقه بويضحك وانت مش فاهم ويتبت ويضحك وانت برضو مش فاهم وبعدين يقولك اهرش تقوله نعم يقولك الحلاوه يا استاذه تقول اه ه ه ه ه ه ه ه طويب كده خد اللي معايا وسيب الورقه بقي يبقي انت اكيد في مصر.

لو عايز برضو تخلص ورقه تانيه في حته تانيه وحاجه من اللي مطلوبه منك مش فاهمها عادي طبيعة العقل البشري يا ناس ولو سمحت اجيب مش عارف ايه الموظفه متردش لو سمحت ممكن بعد اذنك عايزه افهم ابوس ايدك وبعد ساعه ترد بمنتهي البرود وتقولك اه ممكن تيجيبي اللي بتقولي عليه يا بردودك يا شيخه طب متعبريني من الصبح كنت استفدت بالوقت لا ازاي وتروح برضو من غير ما تخلص حاجه يبقي انت اكيد في مصر.

لو طلع بقي ان هيا هيا نفس الموظفه تعرف حد من قريبك وتكرر تاخده معاك واول ما تدخل عليها ماهيا ليهم مصالح مشتركه بقي تقوم تقف تفذ من مكانها واهلا اهلا بنوتشك لا مش معقولللللللل طب مقولتيش ليه يا اموره وابقي تعالي بس لازم تجيبي كذا وكذا ماشي والبيانات من الحته الفولانيه وفكريني بيكي بس وعنيه ليكي والله يبقي انت اكيييد في مصر.

لو بقي تخلص ورئك كله وفاضل ورقة المؤهل او اي حاجه تسبت ان قضيت في المخروبه الكليه خمس سنين من عمرك وتخرجت منها وتروح للموظف يقولك مفيييييييييييييييييييييش طب عايزه بيان نجاح مفيييييييييش طب عايزه ايفاده اني خلصت الكليه او مقيده فيها انتي مش مقيده يا ماما انتي خريجه اوكي طب عايزه ورقه بقي اني خريجه انتي لسه متخرجتيش يا ماما يالهوييييييي والله حرام وربنا اللي بيحصل فينا ده حرام جدا.
اه نسيت يبقي انت اكيد في مصر
لو يقولولك هيعملولك حفلة تخرج في احسن حته في مصر وتدفع مبلغ محترم وتاخد الحج والحجه وتروح وتلاقي نصب في نصب يبقي انت اكيد في مصر والله لو تعرفو المبلغ اللي دفعتوه تضربوني بالنار لان تقريبا البنت اللي لمت الفلوس مننا كانت عمله حفله ليها ولصحابها ونسيو ان فيه ناس تانين معاهوم بس حسبي الله ونعم الوكيل .

لو تلاقيها كل ما تفرج تتعقد كل ما تفرج تتعقد يبقي انت اكيد في مصر .

لو النت يفضل فاصل عندك بالشهر ويجي المحصل يقولك الاشتراك يبقي انت اكيد في مصر.
لو في وزاره اسمها الطرق والكباري وتلاقي برضو الشوارع مدغدغه ومكسره يبقي انت اكيد في مصر.
لو تلاقي موظفين قاعدين علي مكاتب وبياكلو وبيشربو وتبقي هاين عليك تعيط ادامهم ولا حياة لمن تنادي يبقي انت اكيد في مصر.

لو لاقيت مفيش ضمير مفيش ادب مفيش اخلاق يبقي انت اكيييييييد في مصر.

تصدقو بقي في حاجات كتييييير عايزه اقولها بس انا مليت اديني قاعده مستنيه ورقه معطلاني هتخليني استني عشرين يوم كمان وطبعا الشغل مبيستناش حد يعني لو مروحتش الشغل ده يبقي اكيد اما ادور علي شغل تاني هلف نفس اللفه اللي لاقيتها بس حسبي الله ونعم الوكيل في اللي مبيراعيش ضميره في شغله ويعقدها عالناس.
برضو مش هكتئب قدر الله وماشاء فعل وكل حاجه ليها وقتها بس حبيت انقلكو اللي حصلي واليلي كان مأخرني عنكو واللي اكيد غصب عني
سلام بقي عشاااااااااااااااان اقوم اتشل شويه عشان انا اكيييييييييد في مصر.

الناجح يرفع ايده....... هييييييييييه

2008-07-02T02:38:00.000-07:00

الناجح يرفع ايده هييييييه هنغني في عيدنا وعيده هيييييييييه

والله يا جماعه ربنا ده جميل اوي اوي تخيلو فعلا ما ابكاك الا ليضحكك

اينعم دخلت في شوطة الاكتئاب بس حصل شوية تطورات كده الف حمد وشكر ليك يا رب

اولا: النتيجه ظهرت ونجحت بتقدير جيد الحمد لله والله فرحانه اوي

ثانيا:مش هقوووووووول وربنا يستر بقي

ثالثا:خدت قراراتي خلاص في كل اللي مضايقني وقررت اني ااجل اي مشاريع زواجيه مستقبليه ومش هستسلم للامر الواقع واكرر الغلط في خطوبتي الاولانيه ومن هنا بقول فشل جواز الانتريهات فشل زريع معايا مع انه اللي شغال اليومين دول والله اعلم هتجوز ازاي بس احلي حاجه في الدنيا بجد قولةكلمه لالالالالالالالالالا وانت مقتنع من معاميق معاميققك وتلاقي اللي حواليك بيزغرولك كده وانت ولا همك.

رابعا بقي:اخيرا فرحت بصديقتي الصدوقه لوزه واللي كان فرحها علي تومه اول امبارح واللي كانت هاريانا مشاوير معاها وكل شويه تومه جاي تومه اخيرا ربنا كرمهم بعد خطوبه خمس سنين ومن هنا بوجه رساله لاستاذ تومه اوعي شوف اوعي تحاول تزعل لوزه في اي حاجه هتشوف اللي عمرك ما شوفته ومش هتقدر تغمض عنيك حذرتك وانت حر وانت يا لوزه شوفتو انا حقانيه ازاي اعملي يا ماما اللي انتي عايزاه فيه ويبقي يتكلم معاكي هوا حر

رينا يسعدكو واعيش واشوف ولادكو يا رب خلي بالك علي حبيبيتي يا تومه حطها في عينك واوعي تزعلها.

خامسا: بقي اوعي حد يكتئب تاني احساس وحش اوي والدنيا مش مستهاله اساسا نضيعها في وجع قلب انا سلمتها لربنا ومش هتعب دماغي تاني (اللهم اني جعلتك حسبي وكيلي يا رب)

(اللهم لك الحمد كما ينبغي لجلال وجهك وعظيم سلطانك)

سادسا بقي وده الاهم:هقوم اخلص الشغل بتاعي المطلوب مني بقي احسن انا لسه في فتره اختبار طبعا انا اللي بختبرهم انتو عارفين سيدات الاعمال اللي زي موهميين اد ايه وبعدين اخاف دولاب العمل بتعطل ايه دولاب ديه ماعلينا ادعولي بقي وربنا يستر.

فترة صمت

2008-06-26T15:09:00.000-07:00

حالة تقوقع كده مع نفسي الله اعلم هتوديني لفين تقريبا شوطتة الاكتئاب اللي شايطه البلد

وكأني خبطت في شبك عنكبوت ضخم له الف خيط وخيط كل مافك خيط الاقي محاوطني

كتير غيره خيط ايه ديه دباره مش خيط حاسه اني عايزه اروح مكان بعيد فيه بحر واقعد

لوحدي من غير حد ما يكون معايا او اقعد علي الة الزمن وارجع عيله زي زمان كل همها

اللعب وبس وتعمل اللي هي عايزاه كله .اصعب حاجه علي البني ادم اتخاذ القرار وخصوصا لو كان مصير او حياه والله ويا سلام لو جيت تسأل اللي حواليك يقولولك ملناش

دعوه دي حياتك وانتي حره او ولالما تكون واخدلك قرار قبل كده وفشلت فيه الله علي

الاحساس لا بقي انا مش هستحمل والله انا حاسه اني هطق هفطس هموت كل واحد في

بقي بيقول نفسي نفسي محدش بقي بيدور علي مصلحة حد يااااااااه يلا بقي هاخد فترة

واعيد حساباتي واوراقي يمكن اطلع بأي حاجه مفيده من دماغي المأكسده ديه. فتره صمت

مع نفسي اشوووووووووووووووووووووووووووووووووووووه

الفصل التالت......ان ان اااان تش

2008-06-23T12:29:00.000-07:00

من الممكن أي حد يديني امر بس كلام في سركو لازم الامر يبقي امر مباشر عشان انفذه زي البسي الفستان اقلعي هدومك روحي نامي دلوقتي أما بقي لو في سورة رجاء هاهاهاهاهه ولا كأني سامعه من اساسه وكأني بخلص اللي بيتعمل فيا.
__________________________

المشكله بقي ان لو حد قالي اقفي علي رجل واحده طول النهار ممكن اعملها ويارتها تيجي علي كده المصيبه لو حد قالي اقطعي راسك موتي نفسك لازم انفذ يالهوي ي ي ي ي ي ي هروح فطيس كده والله.
_________________________
أول ما بدأت اكبر شويه اتعلم ااخر الطاعه شويه يعني اما حد يديني امر اتأخرلي شويه بس بقي الحاله اللي ببقي فيها مألكوش علي الاحساس ضيق في النفس ووتعب واحس كأن في دوامه بتسحبني ومرجعش طبيعيه غير لما انفذ الامرـ الله يسامحك يا اابي ـ وماما موناليزا كان مقدره حالتي هيا ومهايناز وميطلبوش مني اوامر كتير.

_________________________

ماما كان تعرف واحده صاحبتها ساحره أسمها سحر وشهرتها الساحره مفقوعه مرارتها من حامتها وكانت ساحره شاطره جدا وماماطلبط منها تحاول تفكلي اللعنه بتاعتي بس مفقوعه قالت لماما ان اابي هي الوحيده اللي تقدر تفك اللعنه طب وانا بقي هجيب اابي منين ان شاء الله هيا مش ساحره يعني بتظهر براحتها وتختفي براحتها وعرفت أنها اجرت الكوكب بتاعها مفروش وسافرت السويس عند خالتي فرنسا والرايق ياني طب اجيبها منين اابي دي بقي وبعدين مفقوعه قالت لماما في السر كده انها تقدر تفك اللعنه بس خايفه من سوسو متقدرش تفك لعنات من غير أذنها يالهوي ي ي طب وسوسو مسافره برضو طب اعمل ايه اعمل ايه.
____________________________

نادر اوي اما ماما كانت تديني امر انفذه أما بابا بقي الدكتور احمد واللي كانت شهرته دكتور فيزيشن وانا كنت بتلخبط فيها واقوله دكتور فيزك بس ظبطها اما كبرت شويه المهم بابا عمره ماداني امر ولا كان يعرف عني اي حاجه علي موضوع اللعنه ده كان كل همه السفر وجمع الفلوس وخلاص ونادر اوي اما كان يكلمني اساسا.

واما كان عندي 8 سنين حصلي حتت موقف بسبب اللعنه ديه كنا ساعتها في الصيف وكان ليه واحده صحبتي اسمها مفروسه كانت بنت صاحب بابا وكانت بتيجي عندنا هي ومامتها وبعدين في مره كنا واقفين مع ماهيناز في المطبخ بتعملينا كعكايه وبعدين ماهيناز قالتلي روحي المخزن هاتيلي لوز روحت رايحه المخزن وجايبالها لوزتين بس راحت ماهيناز مبراقالي وقالتلي في صرامه روحي المخزن هاتي لوووز روحت رايحه ونفذت الامر بالظبط المره ديه وبعدين طلعط انا ومفروسه نلعب في الجنينه واليكم ما حدث.

مفروسه:أنتي ليه مبتسمعيش الكلام من أول مره .
ياسمين:مبحبش في ماهيناز كل شويه هاتي هاتي اعملي.
مفروسه:وهيا بترفع راسها لفوق أنا دايما بسمع كلام اللي اكبر مني.
ياسمين:ده لانك مش مضطره بتسمعي الكلام بمزاجكك يا بختك.
مفروسه:لا مش بمزاجي أوي بسمع الكلام ولا الا بابا بضهر ايدو علي وشي علي طول .
ياسمين:يارتها تيجي علي كده انا واقعه تحت تأثير لعنه اديتهالي الساحره اابي.
مفروسه:اابي ولعنه ـوكأنها لاقيت كنز وفضلت فاتحه بؤبها ومبرقه عينها وهي بتسمع قصة اللعنه بتاعتي وانا مدلوقه زي الجردل حاكتلها من طءطء لسلامو عليكو وبعدين راحت قايله ـ يعني ممكن اي حد يديكي امر تنفذيه.
ياسمين:زي الهبله للأسف أيوه.
مفروسه:طب ممكن أجرب.
ياسمين:لا مفروسه اوعي تجربي ايه انتي بتهزري ولا ايه انتي يا بنتي ابوس ايدك بلاش طب خدي الفلوس اللي معايا كلها طب ماما جابتلي فستان تعالي اوريهولك مفرووووووووووسه بلاش.
مفروسه:ولا هيا هنا اساسا وراحت قايله أنا عايزه العب سبق العبي سبق.
ياسمين:الحمد لله بس كده.
مفروسه:وتخسري وانا اكسب.
ياسمين:يالهو ي ي ي ي ي ي أبتدينا.

ويارتها جت علي كده بس داحنا كان عندنا شجرة توت لميت للهانم توت عشان تاكل ولعبنا امنا الغوله كان طبعا لازم اكون انا الغوله وكهربا واكيد اخسرلها والكلب الحيران واكيد عرفتو مين الكلب وهلما جرجر ساعه مفروسه هانم قاعده تأمر وانا انفدذ بس وفي الاخر زهقت منها بقي اه مهو مش معقوله كده روحت رايحه عاليها جايباها من شعرها وضرباها بوكس في وشها وهيا ماسكتتش راحت جايه عليه موقعاني علي الارض واحنا الاتنين ماسكين في شعر بعض وبعدين راحت مدياني لوكاميه في بطني روحت قايمه عليها روحت ماسكاها من شعرها مدياها بوكس تاني في مناخيرها راحت لاطشاني بالالم علي وشي شوفت شررار وبعدين مدريتش بنفسي غير وانا ماسكاها من خدها قاعده اعض اعض فيه لحد مانزل دم ماخلاصهاش مين ايدي غير الجنايني يالهوي كل مافتكر شكلها وعضتي عامله زي الختم في وشها ولا فستانها اللي باظ ولا شعرها اللي اتقطع واثار الخرابيش اللي علي جسمها يالهوي دانا شردت البت خالص مانا كونت زهقت منها بقي وبعدين بقي مشينا ناحية البيت وانا ماسكه ضهري ورجلي وبعرج وهيا حطط ايدها علي وشها ولاقت دم وتصرخ صريخ مش عادي افشوني بقي مامتي ومامتها وانا بكتملها نفسها عشان متعليش صوتها اللي جم عليه اساسا .
وطبعا اخدت العلقه التمام وافتكر ان مفروسه ماشوفتهاش تاني خالص بعد الخناقه ديه تقريبا عزلو وسابولي البلد كلها .

وطبعا بعد الحدثه الرهيبه ديه ماما موناليزا اديتني امر ان مؤلش لحد خالص عن اللعنه ديه واتعلمت بعدها اخلي بالي كويس اوي ي ي .

يا تري ايه اللي ممكن يحصلي تاني بعد اللي حصل ده

يا لهو ي ي ي ي ي ي ي ي ي ي ي ي ي

طهقان ,زهقان,مضايق

2008-06-16T15:49:00.000-07:00

هابي بيرز داي تو مي شاتشات شاه هاي بيرز داي تو مي شاتشاتشاه

تخيلو 19/6/1986يوم اتحسب في تاريخ البشريه وهو قدوم فنانه عظيمه في

تاريخ العظماء هاهاهاااااااااااا محدش يمد ايدو عالتورته انا هقسم

بالعدل وكلكو هتاكلو(ابقو قابلوني)

اعملو حسابكو الهدايه سيبوها عند دباديبو انا مفهماه علي كل حاجه

اللي مش جايب دهب للخلف در يرجع من نفسه مش ناقصه انا دبادبيب و

قلوب وورد والكلام الفارغ ده مالي الدنيا عندي .

بلوجر هيقف عند 22 خلاص مش هنزود تاني هوا علي كده ربط العداد

والله حسيت بقيمة كلامك دلوقتي يا مفروسه يا ختشي.

يلا اتجمعوه بقي عايزه اطفي الشمع كلكو هنا يوووه عليكي يا اابي

سيبي التليفون بس لحد من طفي الشمع ها يلا يا مفروسه انا شايفه

سنوو ومنوناليزا لسه جاين تمالي متأخرين كده ايه تلفون ليا هوا

ده وقتو مين فاتيما وانتي طيبه يا روحي مجتيش ليه يلا مستنينك.

ايه يا كيكي مين اللي تحت اه دا عم الحج سوو وانا بي افيزيشن

واقفين تحت ومكسوفين يطلعو اكمن كل التجمع حريمي طب قوليلهم اني

هنزلهم تورته ميخافوش.

كلو جيه تمام العدد كده كل الناس اللي اصديكائي الصدوكين موجودين

طيب ويلا حالا بالا بالا هنوابو الفساد ويك ويك هيكون عيد ميلاده الليه اسعد الاعياد ويك ويك طب تحيا ابو الفساد هيييييييييييييه

عمركوش شوفتو واحده عملت حفلة عيد ميلاد لنفسها من الهوا ربنا يشفي نياهاهاهاهاها نياهاههاهااهاهاهاهااها

********************************************************

ملقتش حد افضفض معاهروحت فاتحه المدونه وقعدت افضفض معاها امال ايه اطق اموت يعني ولا ايه ولا اطق اموت يعني .

*الحمد لله فقدت القدره علي تميز ايام الاسبوع خلاص بعد ما قعدت من الكليه يعني كل فتره كده اسئل البشر اللي حواليه هوا انهارده ايه.

عيد ميلادي بعد بكره وجاتلي رساله من مجهول بيقولي كل سنه والدنيا بين ايديك والضحكه ماتفرق عنيك كل سنه وانت طيبه تفتكرو تكون من مييييييييين !!!!!!!!ايه مين لا طبعا انا اشك مستبعد تماما لا مش لا لاممكن يحصل ابدا ده استحاله يحصل انا عارفه طب ازاي انا رقمي مش مع حد اساسا غيييييير اه الرقم محدش يعرفه غير فودافون اكيد بتحتفل معايا بيه شركه رهيبه والله اي خدمه اعلانات اهه اصل انا فودافون.

سمعت أغنيه جديده أسمها بكلمه منك بتاعت شرين منزلها سينجل احساسها حلو اوي ومعلق معايا اوي الكوبليه ده

(بكلمه منك لاقيت كل اللي مش لاقياه ولو في حد زعلني انا مسمحاه وفي جرح انا هنساه)يانهار علي الاحساس اللي بيشع من الكوبليه ده.

مبحبش عبد الحليم انا مش عايزه اسمعه يا بنتي يووه عليكي طب اغنية ايه ديه <<<خايف مره أحب وعارف ليه انا قلبي خايف ..مش عارف ايه........بس لو الاقي اللي احبه واللي قلبي يروح لقلبه واللي ترتاح روحي جنبه يومها عمري مابقي خايف.>>>>>>>>> الاغنيه تخلص واعيدها وتخلص واعيدها ههههههههههههه أقولكو لينك الاغنيه اههhttp://www.mawaly.com/file/play/20753.html
اساسا اساسا عبدالحليم عمل الاغنيه ديه عشاني
هوا ده اللي مبحبش عبد الحليم امال لو بحبه كنت عملت ايه كلت الكمبيوتر.

كذبه في مصر أسمها مفيش شغل الشغل مالي الدنيا بس اللي يدور وانا بقي مدورتش شغلتين بحالهوم جولي لحد عندي في بس نقول ايه قليل البخت يلاقي العضم في الكوتشي اصل بابا مرضيش ليه كده اصل الشغل بعيد يا فرحتي ياناه بيك يا دادي هو انا اشتكيتلك لا بس مفيش شغل يعني مفيش شغل وسلمت امري لله ومستنيه فرصة شغل قريبه يعني حاجه كده في العماره اللي جنبنا عشان دادي يوافق.

في فيرس اكتئاب ماشي في البلد كل ماكلم حد يقولي مكتئب مكتئب يادي النيله عليا ده مش انا بس علي كده يلا بقي بلا وكسه هقوم اعملي دماغ جبنه رومي وهبقي كويسه علي طوول.

حاجه فرساني بقي عايزه اقولها بقي اصلي انا ولا بفهم غلط ولا بقف علي الواحده ولا علي الكلمه والدليل اني (ولا يقرا )لا بقي هقرا وربنا لاقري ومش هخلي حاجه غير لما اقري ومش هفوت فرصه غير لما اقري
بس هه والله والله لاكتب واقرا !!!!!!!!!!! اقولكم متخدوش علي كلامي انا كنت مفروسه وخلاص ارتحت.

لميت حاجة الكليه كلها اللي مش عايزاها ياااااه خلاص فضيت اوضتي وروقتها ترويقه جامده ولميت الحاجه اللي هريميها أودعها الاول وحطيطها في نص الصاله وبدأت في طقوس الحفله>>>>>>>>>>
لبست السلطانيه وبدأت في الدوران حوالينها وكما يفعل أبو الريش في حفلة افريقيه وواوواواواوا هيه واوواواوااواو هيه
بس بقي ايه مقلكوش أول ما الراجل اللي بيلم الزباله جيه يشيلها حسيتها طالعه من قلبه هوا انا مسمعتهاش بس حسيتها وهوا بيقول روحي ربنا ينتقم منك هشيل كل ده ازاي يا مفتريه منك لله مييينك لله كوحوه كوحوهه كوووحه.

ضحكة شر بقي اختم بيها الليله ديه نييييهاهاها نييييهههااهاهاهاه ننننننننننننننننيهاهاهااااااااااا

ياااااه كنت محتاجه اتكلم اوي اوي وملقيتش غير الكيبورد اتكلم معاه ساعات كده الواحد بيحس انه مخنوق بس اول مايفضفض باي حاجه وكل حاجه بيهدي علي الاخر ويستريح .

واحب اهدي سلامي لتيته وجدو وخلتو وجوزها في اثيوبيا وعمتو وعمو في الصومال وتيته وجدو التانين في صعيد مصر وهاني ورمزي ومحسن وعلاء ومحمد واحمد ابراهيم توفيق محمد في الزقازيق واحب اهدي سلامي لاختي وجوز اختي بمناسبة الخطوبه السعيده واقولهم الف مليون مبروك ولحضرتك ولاسرة البرنامج .أوااااااااااااه وسلام بقي عشان اقوم انام

الفصل التاني..جيتي تكحليها يا اابي ..عمتيها

2008-06-13T12:54:00.000-07:00

بعد ما اابي رشت علي ياسمين البودره السحريه واللي كانت فاكره بكده عملت خدمه فموناليزا هانم انها تسكت ياسمين عملت زي المثل اللي قال جت تكحلها عمتها طبعا كلنا عارفين نية اابي الحسنه بس اللعنه خلاص صابت ياسمين .
____ ____ _____ _____
في الوقت بقي اللي ياسمين اتولدت فيه كان والدها كان مسافر هوا شغلته الاساسيه دكتور بس كان سايب الطب وبيشتغل في التجاره وبطبيعة الحال بيقي مسافر طول الوقت وميعرفش حاجه عن ياسمين خالص ولا عن اللعنه اللي صابتها!!!!!
وأول مره تدرك ياسمين انها مصابه بلعنه كان وهي عندها خمس سنين وكان يوم عيد ميلاها وفي الوقت اللي بيعلقو الخدامين الزينه فيه طلعت ماهيناز الخدامه وقالت لياسمين
ماهيناز:كل سنه وانتي طيبه يا ياسمين يا حبيبتي أنا بقي عملتلك تورتايه جميله وشوقيه(الخدامه الجديده)خيطتتلك فستان ازرق جميل هيبقي تحفه يا حبيبتي.
ياسمين:الله انا بحب اللون الازرق اوي يا داده واوعي ماتكونيش كترتي الفواكه عالتورته زي مبحبها.
ماهيناز:لا عملتلك كل اللي عايزاه يا عفريته يلا اطلعي البسي الفستان.
وطلعط جري لبست الفستان ونزلت وعملنا عيد الميلاد وراحت داده ماهيناز مقطعا حته من التورته وقالتلي(كلي)
وكلمت كلي ديه كانت بداية المأساه لان ماهيناز ساعتها قالتها بصيغة الامر مش طلب عادي في الاول كان طعم التورتايه جميل وخصوصا بقي وانا بحب الفواكه اللي عاليها وافتكرتني ماهيناز باكل لاني بحب التورته وقطعتلي حته تاني وكلتها كلها زي اللي قبلها ومش عارفه ليه مش عارفه اخلص اكل ومش قادره ابطل وبدأت اتعب !!!!!!!!!! وماهيناز بقي مقولكوش متواصتش وتقطع وانا اكل وتقطع وانا اكل كان جوايا احساس اني لازم استمر في الاكل من غير انقطاع
موناليزا هانم:متعجبه من بنتها بتعملي ايه يا ياسمين!!!بتاكلي كده ليه يا بنت.
ماهيناز :سيبيها يا هانم خليها تاكل زي ماهيا عايزه انهارده عيد ميلادها خليها تاكل كلي كلي
يا بنت الذينا حرام عليكو حد يوقف المهزله اللي انا فيها ديه!!!!! كل اكله باكلها بحس بشئ تقيل بينزل بطني مش قادره ابلع وقعدت اعيط واصرخ واكل تقولولي اعمل التلات حاجات دول ازاي معرفش وقعدت اجاهد وانا ببلع الاكل واصرخ واكل ومش عارفه اوقف
موناليزا هانم:اول مره تتنتبه للموضوع ده وافتكرت لعنة اابي وراحت قايله لياسمين ياسمين بطلي اكل
وطبعا كان بصيغة الامر راحت ياسمين مبطله اكل علي طول

_________ __________ _________ _______

في الوقت ده ماما بصت لماهيناز واتأكدنا كلنا من المصيبه اللي حصلت انه ممكن اي حد يدي أمر لياسمين وياسمين تنفذ من غير تردد لدرجة ان لو حد قالها ارمي نفسك في البحر ممكن ترمي نفسها من غير تررد.

يا تري ايه اللي ممكن يحصل لياسمين لوحد عرف السر الخطير ده!!!!!!!!!!!!!!!!!!

<<(ياسمينه المسحوره)>>ياسمينه والهديه العجيبه

2008-06-09T08:33:00.000-07:00

أول بوست بعد الانتهاء من زحمة الكليه ومشاغلها وبما أني بحب أوي اقرأ الروايات والقصص أوووم ايه بقي روحت

جايبه راويه جميله اوي من الادب الغربي المهم انا متعوده أقرا الروايات والقصص قبل ما أنام ومع أول فصل قريته

حصلت معايا حاجه غريبه أوي أول ما نمت شوفت كل أحداث الفصل اللي قريته في الحلم وانا نايمه بس شوفته

أيه بقي مصري بحت بأشخاصه وتفاصيله وكل حاجه!!!!!1 قولت يا واد طنش خالص واتكرر بقي معايا الحوار ده

مع كل فصل بقراه اووووووم ايه برضو قولت احكيلكو بقي الاحلام اللي انا قاعده احلمها ديه هموا انا مش هحلم

كده وخلاص.

علي فكره انا في الحلم بطلة القصه والاشخاص التانين اللي في القصه من عالم الواقع يعني مش بعيد تلاقوني مدخله

شخصيه في شخصيه منكو ولا حاجه يعني برضو مش بعيد تلاقو واحده مفروسه بتحكي ولا اابي ولا عم الحج

سوووو العجوز مشرفنا ولا حاجه ولا حتي وانا بى افيزيشين ولا اي حد من حبايبنا دول يعني توخو الحذر ومحدش

يتصدم يعني لو لاقي نفسه في احداث الحلم من حبايبي واصدقائي البلوجرويه كلهم.

واليكم ما حلمت بالتفصيل المتململل علي حلقات متتابعه متتاليه.

__________________________________________________________

الحلقه الاولي..........ياسمينه والهديه العجيبه

أتولدت ياسمين في حي راقي من أحياء القاهره اتولدت في جاردن ستي وكانت عييلة ياسمين ناس اغنيا جدا جدا ربنا فاتحها عليهم من الاخر يعني وكانو عيله راقيه كده خدم بقي وحشم والكلام ده كله بس الغريب بقي في العيله ديه علاقتهم الغريبه بعالم السحره والمشعوذين والعفاريت والحوارات ديه في وقت انتهي تقريبا تعامل الناس بالخرافات ديه كلها يا تري بقي ازاي هتاثر الحياه ديه علي حياة ياسمين .أول ماتولدت ياسمين كانت موجوده ساعتها الساحره اابي اللي كانت جايه من كوكبها ساعتها عشان تبارك لمامة ياسمين موناليزا هانم علي المولوده الجديده أول ما وصلت اابي علي طول

كانت ياسمين ساعتها بتعيط بطريقه غير عاديه شفقت اابي الساحره الطيبه علي موناليزا هانم لانها وقتها كانت تعباته جدا وقررت تهدي ياسمين هديه ومكانتش ابدا تقصد اابي انها تصيب ياسمين بلعنه ابدا ابدا انما كانت تقصد تديها هديه مش اكتر وكانت هدية اابي بتنجاني هي لعنة الطاعه يعني راحت رايحه اابي ناحيت ياسمين وقايللها من انهارده مش هتتعبي ماما موناليزا ابدا انتي هتكوني مطيعه علي طول يا ياسمين هتسمعي الكلام من غيرنقاش وراحت راشه عليها بودره

سحريه وقايللها دلوقتي بطلي عياط يا ياسمينه فراحت ياسمين مبطله علي طول وهنا بقي الصدمه اللي اتصدمت بيها موناليزا هانم وخدامتها ماهيناز(خدامه اسمها ماهينازهههههههه طيب)وطبعا معرفتش موناليزا هانم وماهيناز يفهمو اابي بشاعة اللي عملتو في ياسمين بس هي مكنش اصدها خالص حاجه وحشه كان قصدها تساعد موناليزا هانم

هنشوف بقي بعد كده مدي تأثير هدية اابي هانم بتنجاني في حياة ياسمين واللي هتخلي ياسمين ماشيه في طريق غريب هنعرفه بعدين.

__________________________________________

وسلام بقي عشان اقوم اكمل بقيت القصه وبعدين انام وبعدين احلم بيكو وبيها وبعدين احكيلكو بقي علي الحلم

سلاااااااااااااااااااام

يا كليتنا يا حبيبتنا..باي باي..باي باي

2008-06-04T14:25:00.000-07:00

يا نهارررررررررر أنا خلاص خلصت الكليه !!!!!!!!!! أزاي طيب دأنا حتي لسه يا دوبك كده أول أول امبارح

طلعت نتيجة الثانويه العامه وأما روحت أجيبها مزعلنيش أي حاجه غير أني جيبت غير لائق في امتحان قدرات

الفنون Meانا غير لائق طب How؟؟؟؟؟؟؟؟؟؟؟؟؟اذا كان انا اللي راسمه الامتحان للي قدامي اساسا والبنت ديه

جابت لائق ومش في دماغها اي كليات فنووون اساسا ديه كانت داخله الامتحان كده يعني وخلاص!!!!!!!!!

سلمت أمري لله وقلت يا بت ملها لو جاتلك أداب ولا تجاره دول حتي كليات الشعب كليشن كان اهم كويسن

وبدأت في رحلة مكتب التنسيق واستنيت المرحله بتاعتي وانا هناك بقي عرفت ان في امتحانات قدرات فنون

في الكليه نفسها للي جابو غير لائق .......وعرفت برضو ان كان فاضل يوم واحد بس لليلحق ومكدبتش خبر

روحت علي اساس ان استماره الكليه ب10جنيه زي كل الكليات اتاري حظي بقي ان كل الكليات بعشره جنيه

الا تربيه فنيه ب170جنيه !!!!!!!!!اه والله قولت مش مشكله هوا اساسا ماليش نصيب ادخل الكليه من اصله

ورجت البيت لاني مكونتش عامله حسابي ساعتها علي المبلغ ده والناس امتحنو خلاص . وبعدين بقي أووووم ايه

واحده صاحبة My Motherاتصلت بينا كده

علي هوفه ولاقيتها بتقول لمامتي انها فاتحه قناة النيل للتعليم العالي وفي امتحانات للمتخلفين!!! محدش يفهم غلط

هههههه( المتخلفين يعني اللي اتخلفو عن الامتحانات توضيح بسيط بس)

وروحت انا ومامتي ومامتي بقي استنصحت وأخدت معاها فلوس كتير عشان أي اكشن جديد نبقي جاهزين علي

طوووووول والحمد لله امتحنت ونجحت في القدرات.

أول امبارح بقي كنت قاعده كده في بيتنا واسمع بقي صوت بيقول بأعلي صوته (ياسمييييييييييييييين) واطلع بقي

البلكونه الاقي الراجل بتاع الجوابات بيقول جوووووووووواااااااب الترشييييييييح ح ح ح ح ح ح ح ح

مش انزلو تحت لا روحت قايلاله كليه ايه راح قايلي تربيه فنيه روحت نازله لافحه الراجل حته بعشره وبابا كان لسه

جاي من الشغل راح لافحه واحده زيها مش محتاجه اقولكو العشرين جنيه من خمس سنين كانت ورقه قيمه برضو

الراجل مكنش مصدق كل ده علي تربيه فنيه أمال لو طب هيعملو ايه!!!!!!!!مسكين مش فاهم قيمة كليتي طبعا

وحمدت ربنا أوي أني دخلت الكليه اللي عايزاها.

أمبارح بقي كله متقسم ل خمس ثواني بس تخيلوووووووووووووو!!!!!!!!!!!!!!!

الثانيه الاولي_________سنه أولي والتوهان اللي الواحد كان فيه وكنت مش فاهمه حاجه في اي حاجه وفرحت

حياة الجامعه والشله الكبييييره والمواد الغريبه كانت سنة تهيس علي الاخر يعني.

الثانيه التانيه________ سنه تانيه والصدمه والمواد الكتيييير ومنافسه اكتر واصحاب اكتر والرحلات والمزرات

والمتحف المصري اللي اتهرينا محضرات فيه والذكريات الحلوه .

الثانيه الثالثه_______سنه تالته أتفرقت الشله الكبيره بعد ما كل واحد دخل قسمه ورحلة الاقصر اجمل اسبوع

قضيته في حياتي والروقان الجامد دي كانت اسهل سنه.

الثانيه الرابعه_______ سته رابعه بقي والتعب والحفر عالخشب والخبره اللي بقت عندي من الكليه والدنيا

اتظبطتت شويه كانت سنه جامده لووووز يعني وكل حاجه كانت شغاله دانا حتي اتخطبت في السنه ديه .

الثانيه الخامسه ______يعني سنه خامسه يعني بكاليريوس يعني كوبارات الكليه يعني اللي بيضحكو علي بتوع

سنه أولي يعني الزهق والملل داحنا خلينا دكتور الجلد يدعي علي نفسه هههههههه مكوناش بنشتغل وكان معانا

معيده حامل يا عيني ولدت قبل أونها ههههههههههه كنا مقضينها بقي بالطول والعرض مهمنيش حاجه بقي خلاص

دانا هخلص يا عالم دأنا كنت حتي زهقت من الخطوبه روووووحت فسخاها علي طوللللللللل اه وربنا اتفسخت خطوبتي

فيها السنه ديه.

خلصت الكليه خلاص ذكريات ولعب وتعب وجد ورحلات وصحاب جدعان اوي اوي مع قلة اصحاب مبدأعيش ندل تموت

مستوور والنداله مبدأ والحياه فرص. دكاتره اتعملنا معاهم وجها لوجه منهم اللي حبيناه واللي بنفتكره ونقوله ربنا

يباركله ومنهم المسخره (دا احنا كان بيدينا دكتور فلسفه امتحان تخيلو قالنا ايه ههههههه اللي عايز يغش يغش من

اللي جنبه وبعنيه بس اسمعله صوت نهاره اسود هههههههههههه)

وبرضو كان فيه اللي استخسر فينا العلم الله يسامحه بقي وفي وفي وفي ..................................

خمس سنين بخمس ثواني والله عدو هوا

هتوحشيني يا كليتي يا حبيبتي يالي كنا بخنق علي بعض وبنرجع لبعض تاني هيوحشني روتينك وحياتك اوي اوي

سيبتك بقي وهبتدي اشق طريقي لوحدي .خلاص بقي مش هتلاقي حد يخنصر منك يا دادي ي ي ي ي

خلاص يا ماما محدش هيبهدلك السجاجيد والحيطان والسلالم بالالوان والطين والسبغات والغرا الابيض حوافر

الحيوانات والكله.

يا كليتنا يا حبيبتنا ...........باي ي ي ي ي با ي ي ي ي!!!!با ي ي ي ي ي ي با ي ي ي ي ي ي

<<< ( ABOOKARTONA )>>>>>

2008-05-29T12:11:00.001-07:00

مشينا كتير.. تعبنا كتير..مشينا لحد ماتعبنا

أسكوتو مش أنا رحت حفلة التوقيع وأخدت وصفة المرواح ودي وصفه سهله الله الله ودي وصفه هايله الله الله

وطول الطريق ماشيا بحلم أما اشوف رحاب ابي هعمل أيه أما أشوف سو العجوز اللي كلمة السر كانت أبو كارتونه

وأول واحد كان ناسيها هوا ههههههههههههه أو لو شفت أي حد من الناس الجامده ديه اللي عرفتهم في دنيا الخيال

وخلاص هشوفهم في الحقيقه واليكم يا اخوالنا ما حدث:

من امبارح وانا قاعده بحلم بالرحله اه وربنا كنت عامله زي الطفله اللي رايحه رحله وقولت مش هروح لوحدي كلمت

صديقتي الصدوقه أمنيه مونتي بونبونتي وأتفقت معاها اننا ننزل تمام ونزلنا في حتت معاد اتقابلنا الساعه 4في عزالحر

بس مش مهم يلا بقي وربنا عمري ما عملتها المهم اتقابلنا وكانت وصفة سو باشا ان المكتبه فوق فلفله لوووووول

حلو أوي دي منطقتي يا أخوالنا دا انا بركب من هناك كل يوم المهم اما وصفلي قالي ان فلفله اول طلعت حرب من

ميدان التحرير متعرفوش بقي انا استزكيت وأفتكرتو فلفله اللي في 26يوليوعلي حسب وصف وانا بي افيزك

المهم نزلنا الاسعاف وكلي ثقه ورايحه ناحية فلفله اللي في اول الشارع هناك المهم ببص كده مفيش فلفله أروح

وأجي فين فلفله مفيش يا لهوي ي ي ي شالو فلفله !!!!!!!!!!!لاقيت راجل صاحب محل بقولو فين يا عمو فلفله

لوسمحت قالي فلفله قفل ؟؟يا خرابي قفل علي حظي هئ هئ هئ عااااااا هئ طيب يا عمو في مكتبه اسمها

عمرو بوك استورز !! قالي نعم عرفت بقي ان عمو ميعرفهاش الراجل لاقي وشي كعبر كده وقفل شفق في

حالي وقالي علي فكره في فلفله تاني يمكن هوا اللي انتي قصدك عليه قولتيله فين قالي في أخر طلعت حرب

ووصفلي الطريق ووروحنا ومشينا كتير..وتوهنا كتير ..ومشينا لحد ماتعبنا هههههههههه داحنا هيسنا تهيس

من الشمس والحر ووصلنا أخيرا الي المكان ولاقينا فلفله يا جدعان ولاقيت عمو كده واقف عالباب بقوله لو

سمحت مكتبة عم مكملتش الكلمه لاقيته فوق قولتله نعم راح باصصلي شزرا وقالي بقولك فووق خلاص يا عم

متزوئش وطلعط فوق ولا لاقيه زحمه ولا حاجه قولت يا واد طنش خالث واطلع يا ناس الاقيلكو ايه اتنين نازلين

من عالسلم ولاتنين دول بصولنا كده بصه غريبه ومريبه ما علينا طلعنا والمكتبه يالهوي هص هص في المدونين

فين الحفله فنانه مفروسه انا يا ناس انا هنا يا بشر ولا حياة لمن ينادي المهم لاقيت واحد واقف وسألت عالكتاب

وأشتريته وسالني ان كنت مدونه وقولتيلهم أسم المدونه وسألته عالناس وابي مجتش طيب أحمد الصباغ اللي عامل

أعلان بالحفله التانيه مجاش طيب سوووو العجوز قالولي سو لسه نازل يا نهار هوا ده الشخص اللي كان نازل عالسلم

طلع سوووووو يا نهار وأنا معرفش طيب يا جماعه هما رايحين فين كده قالولي هما طالعين علي البورصه يالهوي ي

البورصه يعملو ايه ف أمنيه شادتني وقالتلي البورصه ديه قهوه يا غبيه اه ه ه مانا عارفها طبعا طيب هي فين يا

جماعه فاتبرع الشخص المحترم واللي اسمه استاذ ابراهيم عادل صاحب مدونة أنا أنا واللي اتشرفت بمعرفته

المهم اتبرع انه يورينا الطريق لسه نازلين الشارع ولاقينا لسه سووو ماشي هوا والانسه اللي معاه صاحبة مدونه

جديده لسه ورايحين عالبورصه المهم قولنا لاستاذ ابراهيم شكرا احنا هنمشي ورا سوو اصله كان مميز أوي بالكسكته

اللي كان لابسها المهم مشينا لحد ماوصلنالهم وسوو بيلف واره كده فقولتيله لو سمحت أبو كرتونه أنه يعرفني

ابدا المهم في الاخر عرفني وعرفني علي البنوته اللي كانت معاه بس هو عرفنه ببعض بأسماء المدونات مش

أسماء الاشخاص يعني وبعدين سألته علي ابي قالي معرفش اذا كانت عالبورصه ولا لا قولتلهم خلاص هنمشي

وراكو لحد ما نوصل ونشوف هموت واشوف ابي وربنا المهم وصلنا وملقيناش حد أيه الحظ ده يا رب ماعلينا

بس لاقيت احمد الصباغ قاعد من بعييد شوفته وكان نفسي اقوله شكرا عالحفله الجامده بس يلا مش مهم بقي اكمنه هوا

اللي منوه المهم سووو كلم ابي وسألها جايه ولا لا وكانت الصدمه أنها مش جايه بس أنا كلمتها في التليفون وكنت فرحانه

جدا اني كلمتها والله صوتها ما شاء الله جميل جدا وحونين كده الله يسهلووووو يا أستاذ أسلام وسلمنا علي سوو

ومشينا ودي كانت تفاصيل اليوم زي ما طلبط مني أحكي واحده مفروسه والله أنا زعلانه وفرحانه وتعبانه وكل

حاجه في قلب بعضيها بس يلا ماليش نصيب أشوف حد ...........

الكتاب ماشاء الله جميل جدا هايل والبوستر بتاع الكتاب تحفه ماشاء الله يلا بقي أن شا الله ما حد حوش ورجعت أنا

وصحبتي نجرجر أذيال الهزيمه يا حسرتي عالمشوار يلا اللي طرقع اليوم كله من غير نتيجه يلا مش مهم

_____________________________________________________

خلاص يا عالم جالك الامتحان يا تارك المذاكره هئ هئ هئ عااا ااااااااااااااا أدعولي شكرا .سلام يا أخواني

وحشتوني..وحشتوني..وحشتونييييييييييييييييي

2008-05-26T14:33:00.000-07:00

وحشتوني أوي وصوابعي أكلتهم خلاص خلصت علي تلات صوابع وداخله اهه عالرابع عايزه أخلص الامتحانات بقي

وأرجع تاني وخلاص داخله اهه عالننظري وأنا عامله نفسي نايمه وأنا عامله نفسي نايمه!!!!!!!!!!!!!!!!!!

المهم أتفرست أوي لما عرفت حوار حفلة التوقيع ومحدش قال يلا مش مهم قدر الله وما شاء فعل بس أن شاء الله

هروح يوم الخميس يا جماعه بليز اللي هيروح يقولي عشان مدبش المشوار عالفاضي وملاقيش حد واطلعه عليكو

وربنا وبرضو اللي عارف يقولي أروح أزاي من التحرير أو 26 يوليو عشان برضو ماتوهش وأطلعه عليكو

المكان ____مكتبة عمر بوك استورز

الزمان____2008/5/29

معلش هنوه تاني اللي هيروح يا ريت يقولي في الكومنتات ربنا يكرمكو يا جماعه والله لو كان حتي الامتحان يوم الخميس

أن شاء الله هروووح برضو ماشي.

كلمة السر (ABO KARTONA)

أشوفكو علي خير أن شاء الله _______________________ سلام

يوم الأمتحان يهان المرء أو يهان !!!!!! ربنا يستر

2008-05-14T11:23:00.000-07:00

بقي اللي ذاكر ذاااااااااااااكر من زمااااااااااااااااااااااااااااااااااااااااااااااااااااااااان ن ن ن !!!!!!!!!!!!!!!!!!!!!!

واللي ذاااااااااااااااكر من زماااااااااااااااااااااااااااااااااااااااااااا ن ن ن ن ن زمانه نسي اساسا!!!!!!!!!!!!!!!!!!

نستنج أيه بقي ان ربنا يسترها علينا ان شاء الله ونعدي والله انا خايفه.

وبما أني في كليه عملي (تربيه فنيه) حبيبشي حبيبشي يعني الكليه ديه والله المهم بما أني في عملي فالنظري بيشكل

بالنسبه ليا الارف والمغص والضغط لأني مش متعوادا دايمن اذاكر فبااخد فتره طووووووووويله علي ماستوعب

المواد اصل اختكو ذكيه هههههههههههه من يومها وبما أني برضو عندي مادتييييييييين بحالهم ربنا يا رب يصبرنا

عالصيف وبلاويه واللي بيجرا فيه أيه يلا مضطرين نذاكرهم خلينا نخلص بقي من الكليه اللي خلصت علينا وعلي

فلوس أبويا ديه دعواتكوو يا خوالنا معانا .

وربنا عندي مواضيع كتييييييييير عايزه أنزلها ومظبطاها ومخلياها ايه بس الوقت كالسيف اذا لم تقطعه قطعك حتت

حتت ورماها للقطط نياياياياوووووو.

حبايبي الحلوين عايزه تركيز غير عادي في الدعا ليا مش عليه خلو بالكو كويس أووي ده مستقبل وبكاليريوس

يا عالم مش هزار المهم الدعا متواصل لاحد اخر الشهر ان شاء الله أدعو بظاهر الغيب عشان يرد عليكو الملك بلك

مثله.

الدعاوي تتركز أوي في الفتره ديه اطلعو في البلكونات من9الي3 فترة العملي... واخد خفيف يقولي هعد ادعي ست

ساعات في الشمس يا مفتريه أقوله يا حدء هاتلك تانده من كبنوري بالتقسيط وأقف ادعي براحتك.

بالنسبه للنظري اللي اخر الشهر عايزه همتكو معانا من9الي 12 واللي قاعده اذاكر فيه من دلوقت يا عالم ومش

فاهمه حاجه في مادتين الغباء اللي انا باخدهم دول مالي انا بالمعارض والمتاحف والكلام الفارغ ده ومالي ومال

المحروس من العين بيكاسو وسيزان باشا ولا جوجان... الناس زي الفل وانا مبحبش اجيب في سيرة حد اساسا

بس نقول ايه بقي...........حسبي الله ونعم الوكيل

همتكو معايا ومين قدم شيئ بيداه التقاه وهنيالك يا فاعل الخير الثواب وعلي رأي الشاعر:

اللي يقدم السبت يلقي الحد والاتنين والتلات والاربع والخميس والجمعه أجازه............

أيه الشاعر الاهبل ده يلا ماعلينا مش مهم المهم تركزو معايا محتاجه مسانتدكم تعاطفك لوحدو مش كفايه تبرع ولو

بدينار ويستحسن كويتي سوقه ماشي حلو أوي ههههههههههههههههههه

أ دع ول ي ي ي ي ي ي ي ي

علي فكره البوست الجاي قصه أمريكاني مترجمه تخيلتها مصري وهنقلكو تخيلي ده وربنا لو لاقيت وقت لانزلها يلا سلام

أسبقني يا قلبي أسبقني....عالفرسه الرابعه أسبقني

2008-05-07T00:14:00.000-07:00

تصدقوو 1-4 اللي جاي ده علي طوول المدونه هتم سنه
سنه من عمري فاتت وانا معاكووو وعرفت من خلال شخصية فنانه مفروسه ناس مكنتش اتوقع اني اعرفهم واللي اقل ما يقال عليهم انهم فعلا ناس محترمين اوي ربنا يخليكوو ليا كلكووو وبناء عليه قررنا نحن فنانه مفروسه مفكوسه موكوسه اني اقيم الافراح واليالي الملاح في المدونه لحد يوم العيد ميلاد ومن ضمن الاحتفالات هعيد نشر البوست اللي تحت ده هوا مش اول حاجه كتبتها بس كان بداياتي مع فنانه مفروسه
والبقيه اتيه بس ادعولي الاقي وقت
بحبكككككوووو فالله كلكو
*************************************

أسبقني وقول لحبيبي ..أنا جاي علي طول يا حبيبي..وألحقني أوام ألحقني عالجنه الحلوه ألحقني!!!!!!!!!!!!!!!!

يا سلام يا سلام أما الدنيا تضحك للواحد كده........الله عالدنيا أما تبقي جميله ويا سلام أما تكون بداية اليوم حلوه

كده...أيه الهنا اللي أنا فيه ده يا ربي!!!!!!!!!!!!!!!!!!!!قلبي يبدق يدق مستنيه تلفوني يرن رن رن يرن

ويفرحني؟؟؟؟؟؟؟؟؟؟؟؟؟؟؟؟؟؟أهه رن وفرحني أرد لا أستني شويه لا هرد

ألو..ألو أيوه يا حبيبي..أيه أه حاضر..حاضر هجهز علي طول اهه..أوكي وأنا نص ساعه وأكون جاهزه زمرلي بس

أما تيجي وأنا هنزل علي طول.......

ولبست واتنتكت في أقل من نص ساعه أصل حبي هيعدي عليا ونخرج نتفسح أنهارده!!!!!!!!!!!!!!

بييب بيييب بييييب أيوه نازله علي طول اهه ثواني.

وجري عالسلالم دانا كنت هدئلج علي وشي زي ما بيدئلجو قفص البرتقان بس الحمد لله ربنا ستر والا كانت باظت

الخروجه.ونزلت ولاقيت حبيبي مستنيني في العربيه أيه ده الله علي شياكته ولا أناقته ولا برفانه يا نهار أيه ده

أنا مش مصدقا والله ما مصدقا؟؟؟؟؟؟؟؟؟؟؟؟؟!!!!!!!!!!!!!!!!!!!!!!!

صباح الخير يا حبيبي صباح النور يا قمر !!!!!! يالهوي دا بيقولي يا قمر!!!!!!زي ماتحب انت فسحني علي

ذوقك أوكي سيبيني أنا افسحك علي زوقي هوديكي مكان جميل أوي.

زي ما تحب...........وشغل كاست العربيه وفتح السقف وبقت مكشوفه ولاقيته شغل عبد الحليم وانا قعدت اغني معا

الاغنيه علي قد ما شفت هوان...وأحترت يا قلبي زمان... أهو جالك يوم ترتاح....عل أجمل بر أمان........

وطلع باقصي سرعه في العربيه ولاقيته وصل لحد الصحراوي وهيكمل فقولتيلوأحنا رايحين فين

أنا قولت نطلع علي اسكندريه محضرلك مفجأه هناك.

يا نهار عليك أسكندريه الله انت عرفت منين أني بموت في أسكندريه أنا بعشق بحرها

خلاص يا حبيبتي كلها ساعه الا ربع بالظبط ونوصل وبجد بجد بقي انا حياتي ابتدت من يوم ما شوفتك يا قمر!!!!

بجد ؟؟؟؟؟؟؟؟؟؟؟؟؟؟؟؟؟؟والله ما مصدقا في حاجه غلط يا عالم انا ديه ولا ايه والله هتشل من الفرحه حد يقرصني
يا هووووووووووووووووووووو
حمدالله علي السلامه وصلنا اسكندريه يا جميل.......الله يسلمك.......يعني أعمل ايه يعني اتشل أتشل يعني من الفرحه

ومشي بالعربيه نحيت الشط ونزلنا قالي غمضي عينك عاملك مفجأه حاضر هغمض اهه بفتح لاقيت يافطه كبيييره

مكتوب عليها ياسمونتي حبيبتي يا نهار دا هيبقي الشلل رباعي انهارده وربنا أنا ممصدقا يا ناس يا ناس حد

يقرصني بليييييز مش معقول كده؟؟؟؟؟؟؟؟؟؟؟؟؟؟والاقي موسيقي هاديه وشمع وورد وضوء علي هيئة قلب كبيير

مرسوم عالرمل أيه دا كله كل ده ليا أنا مفيش حاجه في الدنيا تغلي عليكي يا نور عيني

وربنا لايجيلي الرعاش مع الرباعي انهارده وقعدت علي الرمل لاقيته جاي بيقولي يسمحلي القمر بالرقصه ديه المفروض انا في

اللحظه ديه أكون اتشليت خلاص قومت زي القرد مونكي اتنططت علي حيلي وبعدين جالنا واحد بيه قيمه كده لابس بدله

سوده وببيون بيقول العشا جاهز يا فندم يلا يا ياسمونتي نتعشي احسن انتي يا روحي مكلتيش من الصبح

اه يلا اصلي جوعت اوي بصراحه كنت مكسوفه اقوله اني جوعت وجت اللحظه اللي المفروض الشلل يشتغل بجد

ابص بيعيني كده الاقي

طبعا انا ولا همني خالص ولا كان هيوغمن عليا ولا حاجه ابدا وقعدنا والبيه القيمه جه تاني معاه الاكل وطبعا برده انا

عملت نفسي مش جعانه خالص ولا خلصت علي الاطباق ولا دخلت علي طبقه ولا اي حاجه وهوا مببياكولش خالص

وقاعد يبصلي كده اوي ايه مبتاكلش ليه كفايه عليا اشوفك يا حبيبتي وانا مش عايز اي حاجه تاني

أطلبلك أكل تاني يا روحي لا خلاص كفايه هرجع من كتر الاكل تأمري يا قمر يادي النيله بقول حد يلطشني الم

اعرف بيه فين الحقيقه يا ناس مش مصدقا وربنا ما مصدقا!!!!!!!!!!!!!!!!!!!!!!!!!!!!!

ورجعنا تاني عالشط وقعدنا نرغي نرغي في كل حاجه واي حاجه والكلام مبيخلصش خالص واسكت ويتكلم ويسكت

واتكلم

وأحنا قاعدين نتكلم حسيت بهزه كده علي الارض المهم اول مره عملت نفسي مش واخده بالي خالص تاني مره

طنشت رده تالت مره قولت لا بأه مبدهاش الا يطلع تسونامي ولا حاجه وبقوله فيه أيه قالي طول مانا معاكي متخافيش

من حاجه ابدا وبعدين المكان كله بدأ يترج جامد جداولاقيته بيجري وبيبعد وانا قولت اه انا اساسا مش مصدقا

من بدري ولاقيته بيجري بعيد ويقولي اجري يا يا سمونتي انا هحارب الدنيا وهرجعلك يا حبيبيتي انا بحبك جدا

طيب حاضر بس انا نسيت اسألك أسمك ايه والمكان كله بيتهز اجمد واجمد من الاول أسمك ايه قول بسرعه

أسمي م د ح ت أيه اسمك أيه مدحت اسمي مدحت اجري بس دلوقتي أيه الاسم القديم ده في حد

اسمه مدحت دلوقت انا بقول في حاجه غلط اساسا ولاقيت الدنيا بتتكسر والبحر ثائر حاجات بتقع وانا بنادي

مدحت روحت فين يا مدحت رد عليا بلييييييز رد يا مدحتي !!!!!!!!!!مدحت أهئ أهئ مدحت

مدحت مين يا هانم ؟؟؟؟؟؟؟؟؟؟؟؟قومي فزي من النوم الساعه بقت واحده وارانا حاجات كتير عايزين نعملها

واومت علي حيلي اضور علي مدحت تحت السرير اتاري مدحت حلم وانا مش حاساه مش بقولكو من الاول والله

والله مصدقا !!!!!!!!!!!!!!!!!!!!!!!!

ويبقي مين مدحت ده يا ست هانم اللي قايمه تضوريلنا عليه أما يجيلك باباكي هقوله أخليه يموتك الله يقطع التلفزيون

اللي قاعدالنا عليه ليل نهار

وطلع الزلزال هو الست هانم ماما بتصحيني من النوم أهئ أهئ أهئ هاهاهاه حتي مدحت طلع حلم هوا كمان وبعدين

بقي!!!!!!!!!!يلا مش مهم وبعدين حد يعرف حد أسمه مدحت جاتك البلا في زوقك

يلا يا ياسمين هانم تعالي ساعديني طيب حاضر حايه اهه وقومت اساعد ماما وقولت اشغل الراديو اسلي نفسي

ولاقيت المذيعه بتقول ومعدنا دلوقتي مع عبد الحليم وأغنيه أسبقني واديتها ضحك هو انا اسيبها في الحلم الاقيها

في الحقيقيه هيهيهيهيهيهها هاهاهاهاههاهاههههاهاهه

مهو مش انا بقولكو من أول الفرسه أني مش مصدقا والله!!!!!!!!!!!!أه ما أنا عارفه نفسي فقريه ههههههه

ووووووووأسبقني .....أسبقني ............أسبقني ي ي ي ي ي ي ي ي ي ي ي ي

بلغو عنى ولو ايه

2008-05-04T00:52:00.000-07:00

السلام عليكم ورحمة الله وبركاته

ازيكو كلكو انا المره ديه ان شاء الله نويت أعمل اي حاجه لنصرة سيدي وحبيبي ورسولي محمد بن عبد الله ص

ولان مهما عملت مش هوفيه حقه وأختكو أمه ضعيفه مفيش في أيدها حاجه غير المدونه بتاعتها فأخترت موضوع

بلغو عنى ولو ايه وبكده أكون طبقت سنة حبيبي الغالي وساهمت علي اد ماقدر لنصرته بتطبيق سنته.

ومن عندي هنا بدعو كل واحد عندو حاجه بتظهر للناس انه يعمل أي حاجه لنصرة حبيبه صلي الله عليه وسلم

والأيه اللي هبلغها ان شاء الله هي

*************************

قال صلى الله عليه و سلم:"من أحيا سنة قد أميتت بعدي فإن له من الأجر مثل من عمل بها لا ينقص من أجورهم شيئاً

ومن أبتدع بدعة ضلالة لا يرضاها الله ورسوله كان عليه مثل آثام من عمل بها لا ينقص ذلك من أوزار الناس شيئا"

صدق رسول الله صلي الله عليه وسلم

وان شاء الله هقلكو علي سنه لعل وعسي اخد بيها اجر يشفعلي يوم القيامه ان شاء الله.

السنه هي من سنن الصلاة القولية

***********************

1. دعاء الاستفتاح: و هو قوله بعد تكبيرة الإحرام: "سبحانك اللهم و بحمدك و تبارك اسمك، و تعالى جَدُّك، و لا إله غيرك" رواه الأربعة.

و هناك دعاء آخر: "اللهم باعد بيني و بين خطاياي كما باعدت بين المشرق و المغرب، اللهم نقني من خطاياي كما يُنقى الثوب الأبيض من الدنس، اللهم اغسلني من خطاياي بالثلج و الماء و البَرَد" رواه البخاري و مسلم.

2. التعوذ قبل القراءة، أن يقول: "أعوذ بالله من الشيطان الرجيم"

3. البسملة، أي: "بسم الله الرحمن الرحيم"

4. آمين، بعد الفاتحة

وديه سنن حبيبا القوليه اثناء الصلاه ويارب اكون فيدتكو باي حاجه وسامحوني علي ان الموضوع مش بالشكل الائق بس عذري انه

موضوع علي قدي ونفتكر دايما ان حبيبنا قال"تركت فيكم ما إن تمسكتم به لن تضلوا بعدي أبداً، كتاب الله و سنتي"

صدقت يا حبيبي يا رسول الله.

يا رب اكون قدرت اوصل الايه وجزاكم الله خيرا.

اللهم وفقنا لخدمة دينك وأعنا على فعل الخير وسدد بالحق طريقنا وألهمنا رشدنا إنك ولي ذلك والقادر عليه اللهم من اعتز بك فلن يذل، ومن اهتدى بك فلن يضل، ومن استكثر بك فلن يقل، ومن استقوى بك فلن يضعف، ومن استغنى بك فلن يفتقر،ومن استنصر بك فلن يخذل، ومن استعان بك فلن يغلب،ومن توكل عليك فلن يخيب، ومن جعلك ملاذه فلن يضيع، ومن اعتصم بك فقد هُدي إلى صراط مستقيم، اللهم فكن لنا وليا ونصيرا، وكن لنا معينا ومجيرا وارزقنا الإخلاص وتقبل منا يا أكرم مسؤول.

والسلام عليكم ورحة الله وبركاته

يا ناس ..........أسمعوا وأعوووووووو

2008-05-02T06:16:00.000-07:00

مجرد تنبيه:
اقر أنا واعترف انا ياسمين صاحبة مدونة يوميات فنانه مفروسه جدا
أن أنا عامله المدونه ديه بكتب فيها بناء علي موهبه كانت عندي
من زماااان أكتشفتها متأخر وأقول ان اي حاجه بكتبها فيها حاجات
بسيطه مني كشخص والباقي بيكون مبالاغات وتخيلات بيتطلع مني غصب عني
وبقولهالكو وبنقراها مع بعض.وأي شخص تسول له نفسه أنو يفتكر اللي
تحت هيا انا وانا هيا اللي تحت كشخص واحد هوا حررررررر.
ومش هنبه تاني أنا بقول اهو عقلك في راسك تعرف خلاصك
وللامانه موضوع الحزن بس هوا اللي عني كله واي حاجه تانيه باخد
تفصيله صوغنتوته من حياتي وبنسج عليها باقي الموضوع .
وبرضوا اي حد يقتبس او ياخد حاجه من عندي في حتته تاني هوا حر
انا ليا قرايب في كل حته ياكلو الظلط هههههههه
ان نبهت خلاص وقد زعرر من بنجرر........
أنتهي البيان وشكراااا
ياسمينووووووو

تاج عالهواااااا .....غيوووووم FM

2008-04-28T15:21:00.000-07:00

ولا بيهمني أبدا منهم ...أيه يعني أكون حلوه في عينهم ...لا كلامهم يشغلني ولا يوم هيغيرني بس يهمني أني أبقي صحيح عجباك أبقي صحيح

عجباك ولا بيهمني!!!!!!!!!!!!!!!!!!!!!!

سمعنا دلوقتي مع بعض نوال الزغبي ولا بيهمني أغنيه عتيقه بقالها كتير موت بس نعمل أيه في طلبات المستمعين الخنيقه ....مستمعينا كانت

معاكو سنيه جنح وقضينا مع بعض وقت لطيف يلا اسيبكو احسن سايبه الواد والبت عند أم تتح من غير أكل ودلوقتي معادنا مع برنامج تاج

عالهوا مع زميلتي وحبيبشي وروحي روحي روحي كده عواطتشيف توتر مصطادافالكو معاها أنهرده السوبر ستار فنانة الفنانين القنبله الموقوته ياسمين مهدي.ونسمع مع بعض ايهاب توفيق لاحد متشرفنا الفنانه!!!!!!!!!!!!!!!

يا أحلي منهم ...يا فارقه عنهم ....الله علي الجمال ...الله مفيش ميثال...الله جامده اوي زي الكتاب ماقال!!!!!!!

مستمعينا دلوقتي شرفتنا في الاستديو الفنانه المفروسه دايما ياسمين المهدي ومعاكو في تاج عالهوا عواطيشف توتر

شرفتينا يا فنانه أنا:ميرسي أنا عارفه أني مشرفاكووو انهارده .

ودلوقتي يا فنانتنا الممفروسه نشرحلك فكرة البرنامج ونقولك أن بناء علي طلب مستمع أظن اسمه ثواني كده نعرفه من

الكنترول أه أسمه مودي بنصتديف نجم مشهور ونسأله عشر أسئله كده عالماشي بس نتمني تجاوبيلنا عليهم بصراحه

أنا:أكيد طبعا هجاوب بمنتهي الصراحه أنا مبخبيش حقيقتي عن معجبيني ومحبيني!!!!!!!!!!

نبدأ مع بعض يا فنانه بس بعد الفاصل الاعلاني اوكي أنا: أوكي

خروفي يا خروفي لابس بدله صوفي ليك قرنين وأربع رجلين ...........أشتري منتجات خروفي تكسب بدله صوفي

أتصل علي 09009874وحل المسابقه يا تري لون الشراب اللي كانت لابساه يسرا في سنوات الحب والضياع

كان ايه 1:أحمر 2:أزرق 3:أخضر

أتصل حالا تكسب لبانه تغلي فيها الرضعه بتاعت العيل .......................مستنيكو لابانات كتييييييييييييييييييير

مستمعينا رجعنلكم مره تانيه واذاعة غيوم FM100,100مزيكتنا طبعا أحنا اللي هنخطرهالك مش تسمع وكمان تختار

أنشالله ما عنك سمعت ولا توعا تسمع حتي .ورجعنا لفنانتا المفروسه نبتدي الاسئله وأول سؤال معانا؟؟؟؟؟؟؟؟؟؟

نحب نعرف من فنانتنا بيانتها اللي في البطاقه؟؟؟؟؟؟؟؟؟؟؟؟رقم 1

الأسم:ياسمين المهدي محمد وبيدلعوني يقولوليي يا يا سمينووووووو واصحابي الانتيخ بيقولولي ياسمونتي.

تاريخ الميلاد:1961986برج الجوزاء برج مهوي من الأخر يبقي معاك زي الفل ويقلب عليك في ثانيه أحذرررر

فناتتنا ساكنه فين:ساكنه في بيت بابي طبعا !!!!!فين يعني:أه حلوان وبنات حلوان أشكال وألوان.

الصنعه :فنون ان شاء الله ............الوظيفه:ورحمت جدي لسه مشتغلت يادي النيله عالأر يا رب اكمني بطلع شغل

خفافي كده هنسميه شغل أستغفر الله العظيم يا رب دا كام طابلوه بيعتو بس كده وكام حفلة أطفال نزلتها مش أكتر.

الديانه:مسلمه وموحده بالله.

الجنسيه:أنا مصري وأبويا مصري بسماري ولوني مصري.

الحاله الاجتماعيه:انسه -خمريه-طول متوسط-مؤهل عالي- ميسورةالحال-تشارك في الاثاث.

****************************

فنانتنا بتحلم بأيه ؟؟؟؟؟؟؟؟؟؟؟؟؟؟؟؟السؤال رقم2

بحلم ربنا يكرمنا وحالنا يتصلح ونبقي كويسين ويسترها علينا دنيا وأخره ويحسن ختامنا كلنا امييين يا رب وخلص وأشتغل

****************************

رأي الناس في فنانتنا بصراحه؟؟؟؟؟؟؟؟؟؟السؤال رقم3

والله دايما الناس بيقولو عني اتقي شر ياسمينوووو(الحليم)اذا غضب بس انا والله لو زعلت حد مني مببقاش قصداه

واتمني ميكونش حد زعلان مني خالص نهنينكان واحب اسمع سيد الحناين يا حنانا نته!!!!!!!!!!!!!!!!

***************************

أصدقائك الصدوقين بجد بجد يعني؟؟؟؟؟؟؟؟؟؟؟؟؟؟؟السؤال رقم4

من ايام المدرسه أصدقائي الصدوقين 1-أمنيه محمد سالم *مونتي بوبونتي*حياتي في بعدي عنك مش حياه

2-هبه سمير نصار*جزره*NO COMMENT

3-اماني محجوب*أم جودي*روحي روحي روحي

من المحروقه أصدي الكليه 1-هبه جمال*شوقيه*الزنانه بس حياتي بجد ومبدأنا اللي تتخطب تظبط التانيه

2-نورا عبدالرؤف*لوزه وقريبا مديحه حاتم أكمن خطيبها حاتم يعني داحنا زالنها

3-نوران ياسن-*المزه بتاعت الدفعه.واما عرق الوطو ينقح مقلكوش بقي.

*************************

حاجه مضيقاكي بجد؟؟؟؟؟؟؟؟؟؟؟؟؟؟؟؟السؤال رقم5

أكتر حاجه بتضايقني وتخلي الدم يغلي في عروقي المنظر ده

وده لاقاتيه نايم علي سلم محطة المترو رمسيس حسبي الله ونعم والكيل ومش هقول غير كده.

*******************************

حاجه تفرحك أوي ؟؟؟؟؟؟؟؟؟؟؟؟؟؟؟؟؟؟؟؟؟؟السؤال رقم 6

أخلص المحروقه وأشتغل والقي ابن الحلال .هي هي هئ يا كثوفي

*****************************

نفسك في ايه حلا دلوقتي ؟؟؟؟؟؟؟؟؟؟؟؟؟؟السؤال رقم 7

أخلص اللوك لوك ده وأقوم أضرب شندوتش وأنام نووووووووووووووم عميق من بتاع زمان.الا دلوقتي الكليه علمت

الواحد يا دوب ينام 16ثانيه ويقوم يخلص الي واراه.ونفسي بجد انقل الكومبيوتر من أوضة أخويا عشان اتطرقع علي

الكيبورد براحتي ألا البعيد لو صحي من الصوت هيقوم يطرقعلي علي قفايا .

****************************

مواصفات فارس أحلامك؟؟؟؟؟؟؟؟؟؟؟؟؟؟؟؟؟؟؟؟السؤال رقم8 هانت اهيه

سيبك من الشكل هههههههههه مش هنقول طوووووووووووووووويل عشان معجبيني القصيرين ميضايقوش وبرضو مش

هنقول قصير عشان معجبيني الطواااال ميزعلوش .بجد بقي هقول راجل بمعني الكلمه مش أي كلام ويكون عندو تذوق

فني وأحساسه مرهف كده ميكونش جلانف يعني سوري في اللفظ ويكون كريم وأكيد متدين ومش مغرررررررور

زي ناس يقدر الحياه الزوجيه وطبعا أكيد يكون متعلم وأكبر مني بكتييييييير عشا أعيل براحتي وأقدر اناديه أقوله يا

عجووووووووووووز مناخيرك قد الكوووووووووووووووووووووز.

***********************************

ناس مرو عليكي مش هتنسيهم أبدا ابدا؟؟؟؟؟؟؟؟؟؟؟؟؟؟؟؟؟ظالسؤال رقم9

كتتتتتتتتتتتتتييييييييييييييييييييييييييييييييييييييررررررررررررر ومش هقول عشان منساش حد ويزعل مني بس بقولهم كلهم

بحبكو اوي وأتمني نفضل حبايب وأخوات علي طووووووووووووول يا رب.

********************************

سر خطير في حياتك؟؟؟؟؟؟؟؟؟؟؟؟؟؟؟؟؟؟؟السؤال العاشر أخيرا يا رب

لازم يعني يا كثوفي يا كثوفي.............. طيب .

بابا بصراحه أنا اللي كنت بقلب الفكه اللي في جيبك الصبح واما تقول مين اللي قلبني ابصلك وأضحك عشان تفهم

أن انا بس انت يا غلبان مكونتش بتعرف وبتتهم نفسك انها وقعت منك يلا يا عم اعترفتلك أهو

أه وفي حاجه كمان أنا كونت بخنسر من المصروف وكنت بقولك المشروع يتكلف 100جنيه وهوا يتكلف 99 بس

هما مش 99 جنيه بالظبط يعني بس اهو كونت بخنسر وخلاص.

هبه*شوقيه أنا اللي دلقت عل الطرحه بتاعتك ألوان واما سألتيني قولتيلك معرفش.سامحيني بقي(طظ فيكي طبعا)

طبعا فيه بلاوي تانيه بس كفايه عليكو كده هتودوني في داهيه.

وفي نهاية اللقاء نحب نشكر فنانتنا المفروسه دائما ياسمين المهدي والي لقاء اخر مع نجم جديد وفنان جديد وبرنامج

تاج عالهواااااااااا كانت معاكو عواطشيف من غيوم FM

***************************************************************************

صدرتني في التاج يا دوكتور مودي اوكي مكسفتكش اهه مع انك (مش هقوول انا زعلانه جدا)بس اي خدمه ومتشكرين

اكمنك بعتلي تاج من ضمن اللسته . يلا بقي اقولكككككككككككوووووو سلام

استنوني جايبلكو فرسه انما ايه والله بتحصل وتكرر كل يوم بعنوان(معرفتشيي الناس كنوووووووز) سلام بقي

الفرسه التالته............. الليله أحساسي غرييب !!!!!!!!!!!

2008-04-25T09:50:00.000-07:00

قبل ما أبدأ كلام في أي حاجه أحب أوجه شكر خاااااص لاولي الفضل عليا أه والله أصحاب جميله يعني وهما؟؟؟

أحب اشكر دكتور مودي مودك اللي مترددش لحظه أنو يساعدني في عمل البلوج ده وتقريبا عملهولي وساعدني كتيير

وفهمني أكتر ربنا يباركلك يا دوك ومش غريبه يعني عليك الشهامه ونردهالك في الافراح ان شاء الله نسمع أحلي

تحيه للدكتور مودي لولولولولولولي .

تاني واحد أحب اشكره وساعدني وفهمني أخويا الدكتور محمد علام(دكتور مخنووق جدا)واللي طالعها في دماغي

اساسا بعد ما قريت البلوج بتاعه وبرضو ساعدني وفهمني وأنا مقدرش أنكر فضله وتعبه معايا.

يلا يا ولد يا جعيدي أضروبلنا عيارين في الهوا تحيه للدكتور علام طوخ.طوخ.طوخ.طوخ.طوخ.

خلاص أدينا كل واحد حقه نقلبها اكتئاب بقي احسن أنا طالبه معايا حزن علي الاخر!!!!!!!!!!!!!!!!!!!!!!!!

مفروووسه هوا انا مفروووسه بس أقول أيه ولاأيه دا الواحد مفروس وتعبان ويأيس ومحتار في الدنيا الغريبه اللي

أحنا عايشينها الدنيا اللي مليانه آلام وأحزان وحيره وخوف .الواحد بيعيش فيها علي أمل اه الامل الضووء اللي

جاي من بعيد في عز الضلمه ضلمه تخوف وترعب والصوت اللي جاي برضو من بعييد بيطمنك شويه كل ما تسمعه

وتحس خلاص الفرج جاي وفجأه يسكت الصوت وترجع تاني جووه أوضه ضلمه ملهاش كراار .

أحساس غرريب متملكني أحساس بالخوف والرعب بالخوف من أي حاجه وكل حاجه من الموت من الحياه من الناس

وأكتر حاجه قاتلاني الموت اللي ممكن يجي في أي لحظه أحنا مش مستعدينله وزي ماحنا ممبنتحركش من مكانا.

بنجري ونسابق في دنيا مش عارفين هتودينا لفين دنيا فانيه زايله مالهاش لازمه .

نفسي أحس بالامان نفسي أحب الحياه ونفسي ونفسي ومفيش أي حاجه بتتحقق .وأصعب أحساس بجد علي الانسان

أما يكون لوحده محدش حاسس بيه ومحدش فاهمه ولا داري بيه مهما يككون اصحابك جنبك مهما تكون عيلتك حواليك

برضو محدش بيحس بيك ولا حاسس باللي بيوجعك من جواك واللي بيوجع اوي بقي اما يكون عندك أنسان عزييز عليك

أوي حاطه في مكان عاللي تفرح أوي وهوا جنبك وتتمناله الرضا يرضي وهوا حاطك في قوائم الانتظار عنده هههه

أما يكون مش لاقيله حد يبصلك بس يلاقيك مستنيه ومستنيلو أشاره بس وانت عارف بكده وساكت ومستنيه برضو!!!!!

يا لها من دنيا صعبه ومره وقاسيه.......أدينا مستنيين ومنتظريين عل وعسي يحصل تغيير في أي حاجه .تغير في الحياه

أو حتي الفكر أوأي حاجه تغيير تخلي الواحد يعرف يعييش.

نفسي :أيه يا بنتي الاكتئاب اللي انتي فيه ده كله أيه اللي حصل يعني مفيش حاجه تستاهل ومفيش حد يستاهل تضايقي

نفسك عشانه وتعملي الهبل ده كله.

أنا:أيه مفيش حاجه أزاي دأنت فاضلك شهررين وتخلصي كليتك وتقعدي في البيت ويبقي الاحساس ده موركز يا حلاوه

نفسي:بيت بيت ايه والشغل والمشاريع والحياه والطموحات والدنيا كلها المفتوحه.

أنا:مشاريع هاهاهاهاهاها يا بنتي بطلي الاوهام اللي انتي فيها ديه والكلام اللي بتضحكي بيها علي نفسك ديه الحياه سوده

ومفيش فيها جديد هتخلصي الكليه وتترزعي في البيت تستني العدل .

يا تري أيه اللي بيوصل الانسان للشعور ده شعور اليأس والخوف والقلق والالم والخوف من الفشل وخصوصا لو فشلت

في تجربه ليك قبل كده بتبقي مرعوب لو فشلت تاني وخصوصا لو كانت مصير حياه بتحددها.أحساس غريب ماليني

بالتناقض والاستسلام مش أنا لوحد اللي كده للأسف ديه حالتي أنا وكتير من صوحابي .

ليتني أعرف ماذا أفعل ولكن يبقي الأمل وحده أنتظره وأن نحيا حياه بلا خوف حياه حياه سعيده للأبد!!!!!!!!!

فاليله حقا أحساسي غرررييييييب .

الفرسه التانيه..............والله اللي بيحصل فينا كتير والله

2008-04-18T06:23:00.000-07:00

مفرووووووسه اه حد ليه حاجه عند.أهدي بس يل بت يا ياسمينو

مفروسه من ايه بس؟؟؟؟؟؟؟؟

من الغلا والكوا اللي بقينا فيه لالاانا مفروسه من حاجه تانيه من

الهم والغلب اللي بقي الواحد فيه لالالا مش ده برضه اه من قسوة

القلوب اللي بقينا فيها كلنا لابجد بقي انا مفروسه من اللي بنشوفو

في التلفزيون علي فلسطين والعراق ولا لبنان لالالالا مش ده انا بقي بجد

بجد مفروسه من الحكومه الله يخرب بيتك اسكتي هتدودينا في داهيه مالها

الحكومه مهي زي الفل اهي لا مؤاخذه يا باشا البت واخده شهاده من

داكتتور الصحه انها مهتوهه معلش اهو نستحمل بعض .

أكمل بقي انا مفروسه من ايه انا مفروسه من الشعب أه مهوأحنا

لو شعب عدل شويه ماكنش ده بقي حالنا ومكوناش سيبنا اللي يسوا

واللي ميسواش يمرمط فينايا بنت انتي بس أخرسي بقي هتودينا كلنا

في داهيه سوده معلش يا باشا علي راسي والله معتوهه هنقولها ايه طيب

اسكت احسن مهو انا لو اتكلمت هنروح كلنا فابو كلابوش وهمرمط الحج

مهدي وارايا أخرس بقي والم لساني أحسنلي ربنا يخلي الريس

والحكومه وحكومة الحكومه كمان أحنا اللي شعب وحش أياه علينا شعب

بيئه بصحيح أيه يعني لما الدنيا تغلا شويه هيا الحكومه هطقطع نفسها

علينا ولا أيه مش كفايه أن الساده المسؤلين مرتباتهم 10000 بس في

الشهريجيبو أيه بس دول يا ربي والناس ده مستحمله وساكته عشان

خاطركم.ولا ولادهم دي حتي البت نجيه الشغاله اللي بتشتغل عند

السيد المسؤل الكبير حضرت خناقه جامده بين ميدو ابن السيد والمسؤل

ومامته لان ميدو كان عايز يسافر يقضي الاجازه في باريس السنه ده

بس باباه قاله لا يا ميدو لازم تشجع بلدك وتروح شرم يابني مشفتوش

احساس اكتر من كده مشفتوش وطنيه اكتر من كده يلا بقي معلش يا ميدو

نعوضها النهبه الجايه اصدي الشهر الجاي يا بنتي بس انت مش هتسكوتي

الا لما تلاقي نفسك فابو زعبل خلاص هغير أهو أما الواد الحضري ده طلع

لعيييييييب أيه جامد بس موضوع الحضري ده طلعط منه بحكمه أن الدنيا

ديه زي الخياره يوم في أيدك ويوم في السلطه أه والله ده من قيمة كام

شهر بس كانت الناس بتقوله أرقص يا حضري شووووف دلوقتي بيقولولو

أيه أذهب الي الجحيم وبعد كل ده نزل وأما لعب معانا وهوا مالوش

نفس دخل فينا جوووون أما لعبنا مع الارجنتيين وبرضه سافر تاني.

أيه ده انت يا بنتي ممفروسه أيه بس اللي دخلك في الكوره أستغفر الله

العظيم طب اريحكوا أزاي بس يا ربي مهي الناس فعلا بتموت في طوابير

العيش وانا بتكلمم في الهيافه ده.

أأأأأأه ه ه ه ه ه طب يا عم متزوقش بالراحه مش هيافه ولا حاجه

علي راسي يا باشا الكوره واللعيبه كمان مهوما ياخدو بالملاين

أحنا اللي نتبهدل يلا.

نكمل بقي المهم أقولكو أنا بحلم بايه يا بنتي ماتحلمي ولا تتنيلي حتي

أنا مالنا يوووه بقي بالراحه مأنا ليا وليك وليكي أسمعوني بس

الاول........

بحلم بحياه كويسه وأحترام متبادل بين الناس زي الاول الناس مبقيتش

مستحمله كلمه من اي حد.

بحلم بتعليم محترم يخرجنا مدرسين ومهندسين ودكاتره ومحامين محترمين بجد لان

حال التعليم بجد يحزن لان بعد دراسه بستمر في الكليه اكتر من خمس سنيين

بنتفق كلنا أننا نطلع كوفتجيه في الاخر.

بحلم أننا ناكل نضيف وأكل كويس لان تلات ترباع الاكل في مصر للاسف

بيجيب سرطان اما كانش كله مهو الكبار ياكلو الاورجانك وأحنا نطفح

الكيماوي والبلي الازرق.

بحلم نشرب ميه نضيفه ده أقل حقونا داأحنا عندنا النيل بحاله ومش

هقولكو عرفت أيه عن الميه حتي الميه المعدنيه اللي بنقول أنها نضيفه

عشان مطبطلوش تشربوا الميه كمان ربنا يرحمنا بقي.

بحلم بشغله كويسه ومرتب محترم بعد حرقة الدم والمصاريف اللي اتصرفت

في الكليه وخصوصا الكليات العملي وما اضراك ما العملي ومصاريف

العملي واللي بيطبق فيه المثل اللي معاهوش ميلزموش وطبعا ده الحلم

اللي استحاله هتحقق هههههههه ولا أيه الله يكون في عون الشباب اللي

مطلوب منهم شبكه ومهر وبلا أزرق وأما كانش أهلو يساعدوه مهواش

متجوز في سنته.

بحلم أشوف فرد في الشارع مبتسم ولا بيضحك اما كانش بيسب ويلعن في

الست والعيال والجواز والشغل والبلد والعيشه واليوم اللي اتولد

فيه واليوم الاسود اللي نزله من بيته اساسايبقي فيه حلجه غلط.

بحلم العالم الكبار يبطلوا نهب وسرقه في البلد بلدنا فيها خير كتير

والله قولنا ايه كفايه لسانك ده عايز قطعه يييوووه بقي مهو اكتر

من 30في الميه مننا في مستوي الفقر واكتر منهم تحت مستوي الفقر مش

لاقيين ياكلوا اللقمه اساسا.

بحلم نبطل تنبله واستعباط واستهبال وكل الصفات الوحشه اللي فينا.

بحلم بجد ان الشباب تبقي رجاله بجد وترجع كده المرؤه والنخوه أركب

كده أي مواصله هتلاقي كل اللي قاعدين رجاله واللي واقفين ستات

ولو حتي شايله عيالهاولا شايله ايه بيمسك المصحف والتدين والايمان

بيبقي ايه علي اخره طيب مانت لو قعدت اختك ولا امك هتبقي زي اللي

انت بتعمله بالظبط.

بحلم البنات تحترم نفسها بجد بقي ونبطل الاستهبال اللي فالبس الغير

عادي ده حرام عليكو كفايه بقي.

بحلم وبحلم وبتحلم وبتحلمي يا تري هتتحقق حاجه من الاحلام ده ولا هوا

كلام ولد عم حديت وهنعد نلكلك كتير في الكلام وبرضه مفيش فايده فينا

ربنا يرحمنا برحمته بقي. انا عارفه انكو بتلعنوا اليوم اللي

قاريتو فيه المدونه بس ايه يلا أهو شوية نكد كده عالماشي......

يووووووووه نسيتوني طونط توفيده عازماني بقي علي حتت ديفيله

أخر حاجه الفستان بعشرتولاف جنيه بس تخيلو !!!!!!!!!!

يلا تعالو ومتنسوش البنات تلبس البديهات الفوشيا اللي بتلمع

والشباب تلبس اللبني عشان كلنا بعد الدفيليه هنقوم بمظاهره عشان

دينا الرقاصه اصل الصحافه الوحشه مضيقا عليها خالص اليومين دول

ده هيبقي حتت يوم ايه تحفه ده حتي فريده ليبتون هتيجي ههههههه

وجايه مخصوص علشان زميلتها وعشان الشباب الحلوه اللي هينورو الحفله

يلا بقي متتأخروش!!!!!!!!!!!!!!

مش بزمتكو عيشه تفرس؟؟؟؟؟؟؟أستنوني تاني هجبلوكو فرسات

جديده يلا خلص الكلام سلام م م

ملحوظه............ لو اتخرت عليكو شويه ابقو هاتولي عيش وحلاوه اكيد عرفتوا هكون فين ماشي يلا سلام

يوميات فنانه مفروسه جداااااا..............الفرسه الاولي1|4|2008

2008-04-16T16:21:00.000-07:00

أما البنات ده عليهاحبة حاجات يا جدع تفرس والله........
المهم انا ليه فنانه لاني بدرس في كلية الغلابه كلية تربيه فنيه اللي الناس كلها فاهماها غلط بس هي كليه جامده والله ومتفرقش خالص عن فنون جميله ولا تطبيقيه وبرضه عندي شوية تذوق فني علي قدي كده .نيجي بقي للمهم مفرووووووووسه ليه ؟؟؟؟
بغض النظر عن الاوضاع اللي حوالينا واللي ميتفرسش منها يبقي معندوش دم خالص!فأنا بعلنها من هنا وبقولها بصراحهبافوم المليان ان البنات عليهاحركات تفرس والله؛وبما اني بنوته فانااكتر الناس اللي يحسوا بحركات البنات وميفرسش البنت غير البنت اللي زيها اه والله!!
تيجو بقي تسألوي حاجات ايه اللي البنات بتعملها دي حتي البنات الطف الكائنات غنو يا تلميذات ؛اقولك انا بقي واشتري مني الصح تبقي البت من دول مقشفه وضاربها السلك ياختششي يجيلك واحد اضبش مركب كعب كوبايه يخطبها تضربلك في العالي ويا ارض اتهدي ماعليكي قديي ليه كده يا ضانايا منتي كنتي كويسه لالا ازاي وكأن اللي بتتخطب ده بتمسك البرج بأديها علي ايه دا حال الشباب يقرف اليومين دول.ياعيني عاليكي يا بت يا ياسمينو اما كونتي مخطوبه دا كنت عثل والله ولا عمري رخمت علي حد ولا حاجه خالص خالص هههههههه يلا قطع الجواز وسنينه .اقولكو بقي سبب فرستي وحرقة دمي يوم اخبر كنت رايحه كليتي عاتي يعني قايمه الصبح مخلصه المشروعيين اللي بقالي ميةقرن بخلص فيهم واخيرا هتقيم يا جدع كنت فرحانه عاتي برضو المهم كنا متفقين نخرج انا وصوحباتي فالبست الحته الجامده اللي عندي وبعدينوظبطه علي الاخر وفرحانه ان اخيرا الواحد هيخرج ويروق شويه من هم الكليه نزلت من البيت وشاليه الشاسيهات وماشيه ايه بقي فنانه بقي ولسه داخله محطة المتروو علي انغام اغنية انا هنا هنا يا بن الحلال لا عايزه جاه ولا كتر مال وده الاغنيه اللي بتغنيها كل بنات مصر حاليا !!الاقي صوت جاي من بعيييييد بينده ويقول ياصميييين (ياسمين بس البت عامله رقيقه)ايه ده ساره ازيك ولسه جايه اديها بالقفا بسلم عليها عاتي لاقيت ايه جنبهاحاجه كده جامده واقفه جنبها ايه طوووووول بعرض بارتفاع حاجه ايه جباره ولابس حتت بدله صارووخ وانا بقي من نوعية البنات اللي يشوفو البدل والجزم المتلمعه يجيلهم حول علي طووول وانا بقي قولت فب بالي مال الواد اخو البت ساره احلو واتغير كده ليه ده مورياني الصور واو دا مكنش كده خالصووقفت اتكلم معاها والبت السوسه سألتني علي كل اللي عايزه تعرفه في مادة الامتحان وادتها ملزمه زياده كانت معايا وكل ده عشان متضربش المشوار للكليه وتقضيها خروجه عثل وبعدييين بقي وانا ماشيه قالت يييووووه ياياصميين نسيت اعرفك احمد ياصمين معايا في الكليه ياصمين احمد خططشششيييبببييييي!!!!!!!!!!! اييه خطبك ازاي قصدي ليه يووه اصدي اتنيلتي امته استغفر الله العظيم مش احمد اخوكي ده يا بت لاده احمد خطيشبي اووه سوري يا ياياصميين معزمتش حد خالص احمد بيحضر الدكتوراه وعملناها عالديق!!!أيه وكمان دكتور وايه الرقه اللي نزلت علي شكلها ديه قدامه ميشوفهاش في المرسم ولا اتيليه الخزف والطين مبهدل شكلها ولا وهي بطخطف الاكل من العيال في الكليه بتبقي شبه القطه المتسوله (الهي تطفحيه بالسم الهاري يا بعيده ) الف الف مابروك ابقي اعزيمينا في الفرح يا ساره الله يبارك فيكي اه ان شاء الله وانا مفروسه منها بقولها طب انتي عايزه ايه دلوقت اصدي انتي عايزه مني حاجه يلا بقي غوري في داهيه ومشيت أجرجر الهزيمه علي انغام اغنيه العظيمه ذكري يوم ليك ويوم عليك مشييت بعد مأخرتني نص ساعه بحالهاخدت مني كل اللي هي عايزاه وانا زي الجردل المدلوق كلتني لحم ورمتني عضم وراحت تتفسح اللهي ولا بلاش يلااللي خدته يجعله من اسمتها.تسألني وتقولي اتفرستي من ايه اقوالك البت بنت الذينا بتشوفني في الكليه كل يوم مبتعبرنيش بسلام اشمعنه الحب حابك عالصبح يعني بتتباها يعني ولا ايه اكمنه اموررر عادي الاماميير كتتتير ولا دكتور ايه يعني د انا مش هتخطب لدكتور بس انا هتخطب لدكتور مهندس ظابط مدرس ومش هيكون بيحضر دوكتوراه بس ده هيحضر جن وعفاريت كمان مش بالذمه حاجه تفرس وتغيظ كمان عاتي انا ولا متغاظه ولا هفرقع انا مفروسه بس يلا تططفحه حتي انتي يا ساسو ههههههههههه والي اللقاء في فرسه جديده ان شاء الله استنوني ده لسه في شوية فرسات درر هقولكو عليها.........ملحوظه احنا مبنحسدش احنا بنقر بس والله يكون في عونك يا غاده يا برايد ياختشششششيييي حكمة اليوم <لا العامشه بتبورولا ام الطرطوولالالالالالالالالالا>سلام